១- និយមន័យ៖
ជាធម្មតានៅពេលមានការបង្កកំណើត មេជីវិតញីជួបជាមួយនឹងមេជីវិតឈ្មោលរួចក៏បានទៅតោងភ្ជាប់នឹងជញ្ជាំង និងលូតលាស់នៅក្នុងស្បូនរហូតដល់ពេលសំរាល។ រីឯករណីមិនធម្មតាគឺកើតឡើងនៅពេលដែលការបង្កកំណើតនេះតោងភ្ជាប់នៅកន្លែងផ្សេងដែលមិនមែននៅក្នុងជញ្ជាំងស្បូន ដូចជានៅក្នុងក្រហោងពោះជាដើម ដែលនេះហៅថាការមានកូនក្រៅស្បូន ហើយករណីបែបនេះមានគ្រោះថ្នាក់ធ្ងន់ធ្ងរណាស់ ទាមទារឲ្យឆាប់ធ្វើការព្យាបាលភ្លាម។
២- រោគសញ្ញា
ការមានកូនក្រៅស្បូនដំបូងគឺមិនបង្កឲ្យមានរោគសញ្ញាអ្វីឡើយ ដូច្នេះហើយបាននៅពេលដែលស្រីៗមានផ្ទៃពោះក្នុងត្រីមាសទី ១ ត្រូវទៅពិគ្រោះជាមួយគ្រូពេទ្យជាប្រចាំ។ ប្រសិនបើយើងមានរោគសញ្ញាខាងក្រោមនេះ ត្រូវទៅរកគ្រួពេទ្យជាបន្ទាន់ដើម្បីធ្វើរោគវិនិច្ឆ័យ និងការព្យាបាលបានទាន់ពេលវេលា៖
- មានហូរឈាមតិចតួចតាមទ្វារមាស
- ឈឺនៅពេលដែលចង្អោរ និងក្អួត
- ឈឺចាក់នៅពោះ
- ឈឺខ្លួនមួយចំហៀង
- ងងឹតមុន សន្លប់ និង ល្ហិតល្ហៃ
- ឈឺចាប់ខ្លាំងនៅផ្នែកខាងក្រោមពោះ ស្មា ក ឬរន្ធគូថ។
អត្ថបទពាក់ព័ន្ធ៖
- ឧស្សាហ៍ស្ត្រេសពេលពពោះ កូនអាចកើតជំងឺអូទីស្សឹម
- កំពុងពពោះ? ត្រូវចេះប្រយ័ត្នប្រយែង តិចអូនៗកើតអូទីស្សឹម
- បាក់ទឹកចិត្តពេលពពោះ ត្រូវប្រញាប់ព្យាបាល
- ប្រយោជន៍ដ៏អស្ចារ្យ ពេលស្ត្រីពពោះធ្វើចិត្តឲ្យរីករាយ និយាយលេងជាមួយកូនច្រើន
- ឧស្សាហ៍តូចចិត្ត យំសោកបោកខ្លួនពេលពពោះ អាចសាកតិចនិកនេះបាន!
៣- ហានិភ័យ
ស្រីៗដែលអាចមានហានិភ័យខ្ពស់មានកូនក្រៅស្បូន គឺមានដូចជា៖
- មានប្រវត្តិជំងឺរលាកអាងត្រគៀក។
- មានអាយុលើសពី ៣០ ឆ្នាំ។
- ធ្លាប់មានការវះកាត់នៅពោះ ដៃស្បូន ឬវះកាត់ឆ្អឹងអាងត្រគៀក។
- ជក់បារីច្រើន។
- ធ្លាប់មានបញ្ហាកូនក្រៅស្បូនពីមុនមក។
៤- ការព្យាបាល
ប្រសិនបើគ្រូពេទ្យបានធ្វើរោគវិនិច្ឆ័យ ឬសង្ស័យថាយើងមានការបែកផ្នែកខាងក្នុងនៃដៃស្បូន នោះយើងត្រូវធ្វើការវះកាត់ជាបន្ទាន់ដើម្បីបញ្ឈប់ការហូរឈាម។ ក្នុងករណីខ្លះ គឺត្រូវប្រើថ្នាំគឺដើម្បីបញ្ឈប់ការមានផ្ទៃពោះ។ បើជួបបញ្ហានេះយើងត្រូវធ្វើការពិនិត្យដើម្បីរកពីវិធីព្យាបាលដែលសមស្របសម្រាប់ខ្លួន។
៥- ឱកាសនៃការមានផ្ទៃពោះម្តងទៀត
ប្រសិនបើយើងធ្លាប់មានផ្ទៃពោះកូនក្រៅស្បូន យើងក៏នៅតែអាចមានឱកាសមានផ្ទៃពោះបានទៀត ដោយអាស្រ័យលើការព្យាបាលដែលយើងបានទទួលកន្លងមក និងស្ថានភាពសុខភាពរបស់យើង។ ដូច្នេះយើងត្រូវទៅពិគ្រោះជាមួយគ្រូពេទ្យដើម្បីរកពីវិធីព្យាបាលដែលល្អបំផុតសម្រាប់យើង។
– ការមានកូនក្រៅស្បូន
ផលវិបាកនៃការបង្កកំណើតគឺនៅពែលដែលជាលិកាកូនយើងបានតោងភ្ជាប់នៅកន្លែងផ្សេងដែលមិនមែនស្ថិតនៅក្នុងប្រហោងស្បូន ដូចជានៅក្នុងក្រហោងពោះជាដើម។ ការមានកូនក្រៅស្បូនគឺមានគ្រោះថ្នាក់ខ្លាំងណាស់ ហើយក៏មានវិធីព្យាបាលជាច្រើនដែលអាចជួយឲ្យស្ត្រីមានផ្ទៃពោះម្តងទៀតដោយមានសុខភាពល្អ ទោះបីជាធ្លាប់មានកូនក្រៅស្បូនក៏ដោយ។
អត្ថបទពាក់ព័ន្ធ៖
- ចាញ់កូន ល្អ ឬអាក្រក់? ដោយសារហេតុផលអ្វីខ្លះ?
- ពពោះ៣ខែដំបូង ម៉ាក់ៗចៀសមិនរួចពីបញ្ហាទាំងនេះ
- កំពុងពពោះ គួរញ៉ាំយ៉ាងម៉េចទើបមិនឡើងគីឡូខ្លាំង?
- ទម្លាប់ល្អៗ ជួយឲ្យកូនកើតមកសុខភាពល្អ ហើយឆ្លាត
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
