ជំងឺ Down Syndrome ជាវិបត្តិសេនេទិចដែលបណ្តាលឲ្យទារកមានបញ្ហាក្នុងការលូតលាស់ផ្នែករាងកាយ និងសតិបញ្ញា ដែលអ្នកខ្លះតែងហៅជំងឺនេះថា ខ្សោយបញ្ញាពីកំណើត ឬមិនគ្រប់ទឹក។ តើយើងអាចមើលអេកូពេលណា ទើបដឹងថាកូនក្នុងពោះមានជំងឺ Down Syndrome ឬអត់?
សម័យបច្ចេកវិទ្យាទំនើប គេអាចដឹងថាទារកមានជំងឺ Down Syndrome តាំងពីទារកនៅក្នុងផ្ទៃម្តាយម្ល៉េះ គឺនៅក្នុងចន្លោះសប្តាហ៍ ទី១១-១៣ ដោយវាស់កម្រាស់ករបស់ទារកក្នុងផ្ទៃ នេះបើតាមការបញ្ជាក់របស់លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាព កម្ពុជា-ចិន សែនសុខ។
ក្រៅពីពិនិត្យមើលអេកូ គ្រូពេទ្យក៏អាចធ្វើតេស្តឈាមដឹងកាន់តែច្បាស់ថា ទារកក្នុងផ្ទៃប្រឈម ឬក៏មានជំងឺនេះទេ ។
១- សញ្ញាសម្គាល់ទារកមានជំងឺ Down Syndrome
ទារកដែលកើតមកមានជំងឺ Down Syndrome អាចសម្គាល់បានដោយការពិនិត្យមើលរូបរាងកាយខាងក្រោមនេះ។
– កខ្លី
– កម្ពស់ទាប
– ដៃជើងខ្លី តូចៗ
– ច្រមុះកំពិត
– ភ្នែកស្រលៀង
– មាត់បិតមិនជិត
– មុខមូលតូច
– សាច់ដុំខ្សោយ សន្លាក់ទន់
– សរីរាង្គផ្សេងៗមិនប្រក្រតី ដូចជាបេះដូង ភ្នែក ប្រព័ន្ធរំលាយអាហារ ជាដើម។
២- ពេលដឹងថា ទារកមានជំងឺ Down Syndrome ធ្វើម៉េច?
មិនមានវិធីជួយទារកដែលមានជំងឺ Down Syndrome ឲ្យត្រលប់មកធម្មតាវិញនោះទេ ដូច្នេះបើគ្រូពេទ្យពិនិត្យឃើញថា ទារកមានជំងឺនេះហើយ ជម្រើសល្អបំផុតមានតែបញ្ចប់គភ៌ប៉ុណ្ណោះ។
អត្ថបទពាក់ព័ន្ធ៖
- អ្វីទៅជាជំងឺពកឆ្អឹងលើទារក? ហេតុអីទារកប្រឈមនឹងជំងឺនេះ?
- ត្រូវដឹង និងប្រយ័ត្ន! អំឡុងពពោះ សុកអាចបង្កគ្រោះថ្នាក់ធ្ងន់ធ្ងរ ៣ យ៉ាងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
