ពេលពពោះ គឺជាពេលត្រូវថែបំប៉នឲ្យខ្លួនយើងមានសុខភាពល្អ នោះកូនក៏ប្រាកដជាមានសុខភាពល្អដូចគ្នា។ តែបើអំឡុងត្រីមាសទី១ ម៉ាក់ៗខ្លះមានអាការៈចាញ់កូនក្អួតខ្លាំងពេក ទើបបណ្ដាលឲ្យសុខភាពធ្លាក់ចុះ ដូចនេះហើយទើបមានចម្ងល់ថា បើម៉ាក់ៗញ៉ាំមិនគ្រប់គ្រាន់ តើកូនប្រឈមបញ្ហាអ្វីខ្លះ?
លោកសាស្ត្រាចារ្យវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត បានឲ្យដឹងថា ការញ៉ាំគ្រប់គ្រាន់នឹងធ្វើឲ្យកូនក្នុងផ្ទៃលូតលាស់បានល្អ និងមានសុខភាពរឹងមាំ។ តែសម្រាប់ម៉ាក់ៗញ៉ាំមិនគ្រប់ អាចនាំឲ្យគ្រោះថ្នាក់ដល់កូនដូចជា៖
- កូនមិនសូវកម្រើក
- ធ្លាក់ឈាម ជាសញ្ញាគំរាមរលូត
- ស្លេកស្លាំងទាំងម៉ាក់ និងកូន
- សុខភាពកូនពេលកើតមកមិនសូវរឹងមាំ
- កូនកើតមកមិនគ្រប់គីឡូ
- កូនកើតមកខ្វះអាហារូបត្ថម្ភ។
ភាគច្រើនការចាញ់កូនមាននៅត្រីមាសដំបូង ចូលដល់ត្រីមាសទី២ និងទី ៣ លែងមានបញ្ហាទៀតហើយ។ តែបើនៅបន្តចាញ់រហូតមកដល់ត្រីមាសចុងក្រោយ ម៉ាក់ៗត្រូវតែបំប៉នអាហារប៉ូវៗ និងឧស្សាហ៍ផ្លែឈើណាសម្បូរវីតាមីន ឬបើមិនដូចនេះលោកវេជ្ជបណ្ឌិត ក៏បានណែនាំឲ្យម៉ាក់រកថ្នាំជំនួសផ្សេងៗ ដើម្បីឲ្យគភ៌កាន់តែរឹងមាំ។
អត្ថបទពាក់ព័ន្ធ៖
- ស្រីៗពពោះត្រូវប្រយ័ត្ន កុំឲ្យកើតព្រូនឆ្មា មិនអ៊ីចឹងទេប៉ះពាល់កូនក្នុងផ្ទៃ
- រឿងល្អៗ ម៉ាក់ប៉ាគួរធ្វើដាក់កូនក្នុងផ្ទៃ ដើម្បីកើតមកមាន IQ ខ្ពស់
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
