ជាធម្មតាម៉ាក់ៗអាចបែកទឹកភ្លោះមុន ឬអំឡុងពេលសម្រាល ប៉ុន្តែប្រសិនបើបែកទឹកភ្លោះមុនពេលសម្រាល តើកូនក្នុងផ្ទៃអាចរស់បានប៉ុន្មាន?
មាតិកា
កូនក្នុងផ្ទៃ អាចរស់បានយូរប៉ុនណាបន្ទាប់ពីបែកទឹកភ្លោះ?
ទាក់ទងនឹងចម្ងល់នេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យមិត្តភាពកម្ពុជា-ចិន សែនសុខ បានបកស្រាយឲ្យដឹងថា ក្នុងករណីស្រ្តីមានផ្ទៃពោះបែកទឹកភ្លោះ កូនក្នុងផ្ទៃអាចរស់នៅបានពី៤៨ម៉ោង ឬអាចយូរជាងនេះ។ ប្រសិនបើបែកទឹកភ្លោះយូរតែនៅមិនទាន់សម្រាលក្នុងរយៈពេល៤៨ម៉ោង ឬយូរជាងនេះ ស្រ្តីពពោះត្រូវមានការតាមដានសុខភាពឲ្យបានដិតដល់ពីក្រុមគ្រូពេទ្យ។
យ៉ាងណាមិញ បើម៉ាក់ៗបែកទឹកភ្លោះបាន៤៨ម៉ោង ឬយូរជាងនេះ ហើយនៅមិនទាន់សម្រាល ត្រូវសម្រាលដោយវះកាត់ឬយ៉ាងណានោះ លោកវេជ្ជបណ្ឌិត បានពន្យល់ឲ្យដឹងថា “សម្រាប់បញ្ហានេះ យើងមិនអាចនិយាយបានទេថា គួរសម្រេចវះ ឬអត់ គឺវាអាស្រ័យទៅលើបច្ចេកទេសរបស់ខាងក្រុមគ្រូពេទ្យផ្ទាល់’។
ជុំវិញរឿងនេះ បន្ទាប់ពីបែកទឹកភ្លោះហើយ ត្រូវប្រាកដថា ស្រ្តីពពោះទទួលបានការតាមដានសុខភាពឲ្យបានដិតដល់មែនទែន ព្រោះកាលណា បើបែកទឹកភ្លោះហើយ ស្រ្តីមិនទទួលការថែទាំសុខភាពបានល្អ វាអាចបណ្តាលឲ្យកូនក្នុងផ្ទៃជួបបញ្ហាធ្ងន់ធ្ងរ ហើយម៉ាក់ៗក៏អាចប្រឈមនឹងការឆ្លងមេរោគ ឬជួបបញ្ហាសុខភាពផ្សេងៗផងដែរ។
អត្ថបទពាក់ព័ន្ធ៖
- សុកពាំងមាត់ស្បូន អាចមើលអេកូដឹងនៅពេលណា? មានប៉ុន្មានប្រភេទ?
- ពពោះ កូនថ្លោសពេកមិនល្អអាចប្រឈមបញ្ហាច្រើនយ៉ាង អ៊ីចឹងម៉ាក់ៗគួរធ្វើបែបណា?
- ហេតុអីបានជាស្រ្តីបែកទឹកភ្លោះមុនពេលឈឺពោះសម្រាល?
- ទឹកភ្លោះតិច ឬច្រើន មកពីអ្វី? គ្រោះថ្នាក់ម៉េចខ្លះ?
- សញ្ញាសំខាន់ៗ សម្គាល់ទារកកើតមកឈ្លក់ទឹកភ្លោះមានលាយលាមកព្រៃ
- បែកទឹកភ្លោះមុនឈឺពោះសម្រាល មកពីអ្វី? គ្រោះថ្នាក់ទេ?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
កំណែប្រែបច្ចុប្បន្ន
01/06/2020
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម