មនុស្សពេញវ័យ និងកុមារភាគច្រើនតែងជួបប្រទះនឹងបញ្ហាទល់លាមក។ បញ្ហាទល់លាមកនេះអាចបណ្ដាលមកពីចំណីអាហារ ជាពិសេសពេលញ៉ាំជាតិសរសៃ ឬផឹកទឹកមិនគ្រប់គ្រាន់។ ប្រសិនជាមានបញ្ហាទល់លាមកញឹកញាប់ អ្វីដែលសំខាន់គឺញ៉ាំអាហារដែលត្រឹមត្រូវ និងល្អសម្រាប់សុខភាពពោះវៀន។ អាហារខាងក្រោមជាអាហារគួរញ៉ាំពេលទល់លាមក។
១. ទឹក
ភាគច្រើនការទល់លាមកបណ្ដាលមកពីការខ្វះជាតិទឹក។ នៅពេលផឹកទឹកមិនគ្រប់គ្រាន់ រាងកាយរបស់យើងនឹងខ្វះជាតិទឹក។ នេះមានន័យថាកាកសំណល់ក្នុងពោះវៀននឹងបញ្ចេញយឺត ឬជាប់គាំងព្រោះរាងកាយមិនមានជាតិទឹកគ្រប់គ្រាន់ក្នុងការបន្ទន់លាមក។ យកល្អយើងគួរផឹកទឹកយ៉ាងតិច២លីត្រជារៀងរាល់ថ្ងៃ។ នេះអាចជួយដល់ការផ្លាស់ទីអាហារ និងកាកសំណល់។
២. យ៉ាអួ
យ៉ាអួអាចជួយសម្រួលដល់ការទល់លាមក។ យ៉ាអួមានផ្ទុក probiotics ដែលជាបាក់តេរីល្អជួយដល់ការបំបែកអាហារ។ Probiotics អាចជួយដល់ការរំលាយអាហារឲ្យមានភាពប្រសើរឡើង ទ្រទ្រង់ដល់សុខភាពពោះវៀន និងជួយឲ្យបន្ទោរបង់ទៀងទាត់។ ការសិក្សាជាច្រើនបានបង្ហាញថាការបន្ថែម Probiotics ក្នុងរបបអាហារអាចជួយកាត់បន្ថយការទល់លាមក។
៣. គ្រាប់ជីរ
គ្រាប់ជីរសំបូរដោយអាស៊ីតខ្លាញ់អូមេហ្គា៣ កាល់ស្យូម ម៉ាញ៉េស្យូម ផូស្វ័រ និងប៉ូតាស្យូម។ គ្រាប់ជីរមានជាតិរអិលដូចជែលពេលស្រូបជាតិទឹក។ ជែលនេះអាចជួយបន្ទន់លាមក។ រីឯអាស៊ីតខ្លាញ់អូមេហ្គា៣មានសារធាតុប្រឆាំងការរលាកដែលមានប្រយោជន៍ដល់អាការៈរលាកពោះវៀន។ ម៉្យាងទៀត គ្រាប់ជីរសំបូរដោយជាតិសរសៃរលាយដែលជាអាហារដ៏ល្អពេលទល់លាមក។
ចង់គណនារង្វាស់ចង្វាក់បេះដូង ចុចទីនេះ!
ចងពិនិត្យជំងឺសរសៃឈាមបេះដូង ចុចទីនេះ!
អត្ថបទពាក់ព័ន្ធ៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
៤. ពពួកសណ្ដែក
នៅពេលទល់លាមក អាហារជាតិសរសៃជាជម្រើសអាហារដ៏ល្អ។ អាហារទាំងនេះមានដូចជាសណ្ដែក lentis គ្រាប់សណ្ដែក និងគ្រាប់ chickpeas ដែលសុទ្ធតែអាចព្យាបាល និងបង្ការការទល់លាមក។ ជាតិសរសៃអាចជួយឲ្យពោះវៀនមានសុខភាពល្អ ដោយជួយបន្ថែមទម្ងន់ឲ្យលាមកដែលធ្វើឲ្យកាកសំណល់ប៉ះពោះវៀន និងជំរុញឲ្យមានចលនាកន្ទ្រាក់សាច់ដុំពេលលេបអាហារចូលដែលមានចលនាដូចរលក ហើយចលនាដូចរលកនេះជួយបញ្ចេញកាកសំណល់ទាំងនោះ។
៥. ទឹកស៊ុប
ទឹកស៊ុបដែលរំងាស់ដោយប្រើឆ្អឹងមាន់ ឬឆ្អឹងគោសំបូរដោយសារធាតុចិញ្ចឹម និងងាយស្រួលដល់ពោះវៀនក្នុងការស្រូបយក។ ម៉្យាងទៀត ទឹកស៊ុបនេះជួយបន្ថែមសំណើមដល់ពោះវៀនដែលរលាក និងខ្វះជាតិទឹក ហើយនៅអាចជួយបន្ទន់លាមក និងងាយស្រួលក្នុងការបន្ទោរបង់។
៦. ផ្លែព្រូន
ផ្លែព្រូននេះសំបូរដោយជាតិសរសៃដែលជួយដល់ការផ្លាស់ទីរបស់កាកសំណល់ក្នុងពោះវៀន។ ផ្លែនេះក៏មានផ្ទុកជាតិស្ករមួយប្រភេទឈ្មោះ sorbitol។ រាងកាយមិនអាចបំបែកស្ករ sortibol នេះបានធ្វើឲ្យស្ករនេះផ្លាស់ទីទៅក្នុងពោះវៀនធំ និងទាញជាតិទឹកទៅក្នុងពោះវៀនដែរ។ នេះអាចជួយបន្ថែមទម្ងន់ដល់លាមក និងសម្រួលដល់ការបន្ទោរបង់។ ការសិក្សាជាច្រើនបានបង្ហាញថាស្ករ sortibol គឺមានសុវត្ថិភាព និងប្រសិទ្ធភាពក្នុងការព្យាបាលបញ្ហាទល់លាមក។ ហេតុនេះហើយផ្លែព្រូននេះអាចជួយឲ្យបន្ទោរបង់ញឹកញាប់ និងមានភាពទៀងទាត់។
[embed-health-tool-heart-rate]
៧. ផ្កាខាត់ណាខៀវ
ផ្កាខាត់ណាខៀវមានជាតិសរសៃច្រើនដូចអាហារបានរៀបរាប់ខាងលើដែរ ប៉ុន្តែផ្កាខាត់ណាខៀវមានផ្ទុកសារធាតុ sulforaphane ដែលអាចជួយការពារពោះវៀន និងសម្រួលដល់ការរំលាយអាហារ។ ការសិក្សាបានឲ្យដឹងថាសារធាតុ sulforaphane អាចជួយកម្ចាត់បាក់តេរីអាក្រក់ក្នុងពោះវៀនដែលអាចរំខានដល់ការរំលាយអាហារ។ ផ្កាខាត់ណាខៀវជួយសម្រួលដល់រយៈពេលចាប់តាំងពីលេបអាហាររហូតដល់ចេញជាលាមកឲ្យមានរយៈពេលខ្លី និងការបន្ទោរបង់។
៨. ផ្លែគីវី
ផ្លែគីវីគឺផ្លែដែលគេញ៉ាំដើម្បីសម្រួលដល់បញ្ហាពោះវៀនធំមិនសូវមានដំណើរការបណ្ដាលឲ្យទល់លាមក ឬបន្ទោរបង់លាមកមកឈឺចាប់ខ្លាំង។ ផ្លែគីវីមួយផ្លែមានផ្ទុកជាតិសរសៃ២,៥ក្រាម និងសារធាតុចិញ្ចឹមជាច្រើនទៀត។ ផ្លែគីវីមានប្រយោជន៍ដល់ការទល់លាមកដោយសារអង់ស៊ីម actinidine ដែលគេរកឃើញថាអាចជួយសម្រួលដល់ចលនាប្រព័ន្ធរំលាយអាហារផ្នែកខាងលើ និងជួយរុញកាកសំណល់មាននៅក្នុងពោះវៀន។ សារធាតុមួយទៀតក្នុងផ្លែគីវីឈ្មោះ kissiper អាចជួយដល់សុខភាពប្រព័ន្ធរំលាយអាហារ និងចលនាកន្ទ្រាក់សាច់ដុំពេលលេបអាហារចូល។ ការសិក្សាមួយបង្ហាញថានៅពេលមនុស្សពេញវ័យញ៉ាំផ្លែគីវី២ផ្លែក្នុងមួយថ្ងៃ ការបន្ទោរបង់ពួកគេមានភាពទៀងទាត់ជាងមុន។
៩. ផ្លែសារី
ផ្លែសារីដូចផ្លែព្រូន និងផ្លែគីវីដែរសំបូរដោយជាតិសរសៃដែលមានឈ្មោះថា pectin។ ផ្លែសារីក៏មានសារធាតុផ្សេងទៀតដែលជួយដល់ការរំលាយអាហារដូចជា sorbitol និងfructose។ ម៉្យាងទៀតផ្លែសារីក៏មានជាតិទឹកច្រើនជួយបំពេញជាតិទឹក និងបន្ទន់លាមក ចំពោះបញ្ហាពោះវៀនធំមិនសូវមានដំណើរការបណ្ដាលឲ្យទល់លាមក ឬបន្ទោរបង់មកឈឺចាប់ខ្លាំង។
