កាហ្វេ ត្រូវចាត់ទុកជាភេសជ្ជៈពេញនិយមបំផុតសម្រាប់មនុស្សពេញវ័យទូទាំងពិភពលោក។ ក្រៅពីធ្វើឲ្យអារម្មណ៍កាន់តែស្រស់ស្រាយនៅពេលព្រឹក កាហ្វេក៏មានគុណប្រយោជន៍ច្រើនផ្សេងទៀត។ យ៉ាងណា កាហ្វេ ឬជាតិកាហ្វេអ៊ីន ក៏ជាភេសជ្ជៈមួយគេចាត់ទុកថាអាចបង្កគ្រោះថ្នាក់ចំពោះសុខភាព ពិសេសជាមួយសុខភាពបេះដូងយើងបានដែរ។
ចំពោះការធ្វើមេតាបូលីសរបស់រាងកាយ ជាតិកាហ្វេអ៊ីន គឺបានប៉ះពាល់យ៉ាងខ្លាំង ខណៈកត្តាសំខាន់បំផុតមានដូចជា៖
– វាទៅរំញោចប្រព័ន្ធប្រសាទកណ្តាល។
– បញ្ចេញអាស៊ីដសេរីពីជាលិកាខ្លាញ់ក្នុងរាងកាយ។
– ប៉ះពាល់ដល់តម្រងនោម បង្កើនចំនួនទឹកនោម នាំឲ្យប្រឈមបាត់បង់ជាតិទឹក។
អត្ថបទពាក់ព័ន្ធ៖
- ទម្លាប់ញ៉ាំកាហ្វេបែបនេះ អ្នកជំនាញអះអាងថាល្អសម្រាប់សុខភាព
- ផឹកកាហ្វេប៉ុនណាទើបមិនលើសកម្រិត? នរណាខ្លះមិនត្រូវផឹកកាហ្វេ?
- “កាហ្វេ” មានទាំងគុណសម្បត្តិ និងគុណវិបត្តិ តោះ! ទៅថ្លឹងថ្លែងទាំងអស់គ្នា គួរផឹកទៀតអត់?
- ផឹកកាហ្វេពេលព្រឹកទាំងពោះទទេ ប៉ះពាល់សុខភាពម៉េចខ្លះ?
ជាតិកាហ្វេអ៊ីន សម្បូរក្នុងកាហ្វេ តែ និងភេសជ្ជៈផ្សេងទៀត និងសូកូឡា ខណៈការផឹកជាតិកាហ្វេអ៊ីនក្នុងកម្រិតខ្ពស់ ធ្វើឲ្យយើងកាន់តែប្រឈមជំងឺសរសៃឈាមបេះដូង ដែលករណីនេះ ស្ថិតក្នុងសិក្សាជាច្រើនរបស់អ្នកវិទ្យាសាស្ត្រ។
ការសិក្សាមួយចំនួនរកឃើញថា ជាតិកាហ្វេអ៊ីន និងការផឹកកាហ្វេ គឺមានទំនាក់ទំនងផ្ទាល់ជាមួយជំងឺសរសៃឈាមបេះដូង។ ប៉ុន្តែការលើកឡើងនេះ នៅតែស្ថិតក្នុងភាពចម្រូងចម្រាស់នៅឡើយ។ យ៉ាងណា មានការណែនាំឲ្យផឹកកាហ្វេក្នុងកម្រិតល្មម ១-២ ពែងក្នុងមួយថ្ងៃ គឺមិនគំរាមកំហែងដល់សុខភាពយើងទេ។
គ្នាយើងមានទម្លាប់ផឹកកាហ្វេរាល់ថ្ងៃ តែងជួបបទពិសោធញៀនកាហ្វេក្នុងចន្លោះពី ១២-២៤ ម៉ោង គិតត្រឹមការផឹកចុងក្រោយបង្អស់ ខណៈអាការៈញៀននឹងបាត់ទៅវិញ នៅចន្លោះ ២៤-៤៨ ម៉ោង។ ទោះជាយ៉ាងនេះក្តី ការញៀនកាហ្វេខ្លាំង នឹងធ្វើឲ្យយើងជួបប្រទះរោគសញ្ញាឈឺក្បាល ងងុយគេង ថប់បារម្ភ និងបាក់ទឹកចិត្ត។
[embed-health-tool-bmr]
