ពេលឈឺ គ្នាយើងខ្លះនៅតែងចង់ញ៉ាំអាហារ ឬភេសជ្ជៈដែលខ្លួនធ្លាប់ញ៉ាំរាល់ថ្ងៃ ហើយគ្នាយើងមួយចំនួនរួមបញ្ចូលកាហ្វេទៅក្នុងប្រភេទអាហារនោះដែរ។ សម្រាប់មនុស្សមានសុខភាពល្អមួយចំនួន កាហ្វេ គឺអាចមានផលប៉ះពាល់អវិជ្ជមានតិចតួច ពេលផឹកក្នុងកម្រិតមធ្យម ប៉ុន្តែនៅតែផ្ដល់ផលប្រយោជន៍ដល់រាងកាយដូចគ្នា ព្រោះកាហ្វេមានសារធាតុប្រឆាំងនឹងអុកស៊ីតកម្ម។ បន្ថែមលើនេះ កាហ្វេក៏មានគុណប្រយោជន៍តិចតួចក្នុងការដុតជាតិខ្លាញ់ផងដែរ។ ប៉ុន្តែគ្នាយើងអាចនឹងមានចម្ងល់ថាតើពេលឈឺ យើងអាចផឹកកាហ្វេបានដែរឬយ៉ាងណា។
ពេលឈឺ តើអាចផឹកកាហ្វេបានឬអត់?
ត្រួតពិនិត្យដោយ គឹម កាណែល
១. កាហ្វេអាចជួយផ្តល់ថាមពល
គ្នាយើងមួយចំនួនទម្លាប់ផឹកកាហ្វេពេលព្រឹកព្រោះជាតិកាហ្វេអ៊ីនជួយដាស់ស្មារតី។ អ្នកផឹកកាហ្វេមួយចំនួនជឿថាផលប្រយោជន៍ចម្បងរបស់កាហ្វេគឺជួយបង្កើនថាមពលដល់ខ្លួន ដូចនេះហើយអ្នកទាំងនោះជ្រើសរើសផឹកកាហ្វេពេលខ្លួនឈឺក៏មាន។ នៅពេលឈឺយើងអាចមានអារម្មណ៍ថាហត់ កាហ្វេអាចជួយយើងឲ្យទៅធ្វើការ ឬទៅសាលាបាន។ ប្រសិនជាយើងមានត្រឹមជំងឺផ្ដាសាយស្រាល កាហ្វេអាចជួយអ្នកឲ្យបំពេញកិច្ចការប្រចាំថ្ងៃបានដោយមិនមានផលប៉ះពាល់ផ្សេងៗ។
២. កាហ្វេអាចធ្វើឲ្យខ្វះជាតិទឹក និងរាករូស
គ្នាយើងក៏ត្រូវដឹងដែរថាកាហ្វេក៏អាចមានផលប៉ះពាល់អវិជ្ជមាន។ ជាតិកាហ្វេអ៊ីនក្នុងកាហ្វេគឺមានប្រសិទ្ធភាពបញ្ចុះនោមមានន័យថាបញ្ចេញជាតិទឹកពីរាងកាយតាមរយៈលាមក ឬទឹកនោម។
សម្រាប់មនុស្សមួយចំនួន កាហ្វេអាចបង្កឲ្យមានការខ្វះជាតិទឹកដោយសារការរាករូស ឬនោមច្រើននេះឯង។ ប៉ុន្តែការសិក្សាមួយចំនួនបានកត់សម្គាល់ថាការញ៉ាំជាតិកាហ្វេអ៊ីនក្នុងកម្រិតល្មម (ពីរទៅបីពែងក្នុងមួយថ្ងៃ) មិនមានប៉ះពាល់ដល់តុល្យភាពសារធាតុរាវក្នុងរាងកាយទេ។ ម៉្យាងទៀត អ្នកផឹកកាហ្វេរាល់ថ្ងៃមានភាគរយខ្ពស់ក្នុងការស៊ាំនឹងប្រសិទ្ធភាពបញ្ចុះនោមនេះដែលមិនមានបង្កបញ្ហាខ្វះជាតិទឹកទេ។
បើសិនយើងមានអាការៈក្អួតចង្អោរ រាករូស ផ្តាសាយធ្ងន់ធ្ងរ ឬពុលអាហារ អ្នកគួរចៀសវាងផឹកកាហ្វេ តែត្រូវផឹកភេសជ្ជៈណាដែលជួយបំពេញជាតិទឹកដល់រាងកាយមានដូចជាទឹក ភេសជ្ជៈកីឡា និងទឹកផ្លែឈើជាដើម ជាពិសេសសម្រាប់អ្នកដែលមិនទម្លាប់ផឹកកាហ្វេរាល់ថ្ងៃ។ អ្នកផឹកកាហ្វេរាល់ថ្ងៃអាចបន្តផឹកបានដោយមិនមានហានិភ័យក្នុងខ្វះជាតិទឹកពេលអ្នកឈឺទេ។
៣. កាហ្វេអាចប៉ះពាល់ដល់ដំបៅក្រពះ
កាហ្វេគឺមានជាតិអាស៊ីដ ដូចនេះអាចប៉ះពាល់ដល់ក្រពះសម្រាប់អ្នកមានបញ្ហាដំបៅក្រពះ ឬបញ្ហាប្រព័ន្ធរំលាយអាហារទាក់ទងនឹងអាស៊ីដ។ ការសិក្សាទៅលើមនុស្សដែលមានដំបៅក្រពះ៣០២នាក់ បានបង្ហាញថាជាង៨០%នៃអ្នកចូលរួមមានអាការៈឈឺពោះ និងរោគសញ្ញាផ្សេងទៀតក្រោយផឹកកាហ្វេ។
ទំនាក់ទំនងរវាងការផឹកកាហ្វេ និងដំបៅក្រពះនេះគឺភាគច្រើនមិនទាក់ទងគ្នានោះទេ។ ប៉ុន្តែប្រសិនជាយើងសម្គាល់ថាកាហ្វេបង្ក ឬធ្វើឲ្យដំបៅក្រពះកាន់តែធ្ងន់ធ្ងរ យើងគួរចៀសវាងផឹកកាហ្វេ។
អត្ថបទពាក់ព័ន្ធ៖
៤. កាហ្វេមានប្រតិកម្មជាមួយនឹងថ្នាំ
កាហ្វេក៏មានប្រតិកម្មជាមួយថ្នាំមួយចំនួនដែរ ហេតុនេះហើយយើងគួរចៀសវាងញ៉ាំកាហ្វេប្រសិនជាយើងកំពុងប្រើប្រាស់ថ្នាំ។ ជាពិសេស សារធាតុកាហ្វេអ៊ីនអាចជួយបង្កើនប្រសិទ្ធភាពរបស់ថ្នាំមួយចំនួន ដូចជាថ្នាំ Pseudoephedirne (sudafed) ដែលគេច្រើនប្រើក្នុងការព្យាបាលកាត់បន្ថយរោគសញ្ញាផ្ដាសាយ និងគ្រុនរងារ។ កាហ្វេក៏អាចមានប្រតិកម្មអន្តរកម្មជាមួយនឹងពពួកថ្នាំផ្សះ(អង់ទីប៊ីយ៉ូទិក) មួយ ចំនួនដែលគ្រូពទ្យឲ្យប្រើ ក្នុងករណីមានការបង្ករោគដោយបាក់តេរីប្រភេទណាមួយ។
ចំពោះអ្នកដែលផឹកកាហ្វេរាល់ថ្ងៃអាចធន់នឹងថ្នាំទាំងនេះ នៅពេលផឹកកាហ្វេ ដោយរាងកាយរបស់យើងស៊ាំនឹងឥទ្ធិពលរបស់កាហ្វេ។ ប៉ុន្តែយកល្អយើងគួរពិគ្រោះជាមួយគ្រូពេទ្យមុននឹងផឹកកាហ្វេអំឡុងពេលប្រើប្រាស់ថ្នាំ។
សរុបមក យើងអាចផឹកកាហ្វេបានប្រសិនជាយើងមានអាការៈត្រឹមផ្តាសាយស្រាល ប៉ុន្តែបើយើងមានអាការៈក្អួតចង្អោរ ឬរាករូសគួរចៀសវាងការផឹកកាហ្វេព្រោះកាហ្វេអាចធ្វើឲ្យអាការៈកាន់តែធ្ងន់ធ្ងរ។ យើងក៏គួរបន្ថយការផឹកកាហ្វេបើមានបញ្ហាដំបៅក្រពះ។ ជាពិសេសចំពោះគ្នាយើងដែលប្រើប្រាស់ថ្នាំ pseudoephedrine ឬ ថ្នាំផ្សះដែលអាចមានប្រតិកម្មនឹងជាតិកាហ្វេអ៊ីនក៏គួរចៀសវាងការផឹកកាហ្វេដែរ។
អត្ថបទពាក់ព័ន្ធ៖
- “កាហ្វេ” មានទាំងគុណសម្បត្តិ និងគុណវិបត្តិ តោះ! ទៅថ្លឹងថ្លែងទាំងអស់គ្នា គួរផឹកទៀតអត់?
- អនុវត្តវីធីនេះរយៈពេល ៦សប្តាហ៍អាចបន្ថយអាការៈញៀនកាហ្វេបាន
- ធ្លាប់ញ៉ាំកាហ្វេរាល់ថ្ងៃ សុខៗមកឈប់ភ្លាមនឹងចេញអាការៈទាំងនេះ
- ផឹកកាហ្វេ ធ្វើឲ្យស្រក ឬឡើងគីឡូ?
- ផឹកកាហ្វេពេលព្រឹកទាំងពោះទទេ ប៉ះពាល់សុខភាពម៉េចខ្លះ?
- ផឹកកាហ្វេរាល់ថ្ងៃ មានដឹងអត់ ញ៉ាំប៉ុន្មានទើបមិនប៉ះពាល់សុខភាព?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម