៣. ផឹកទឹកជាបន្តបន្ទាប់ពេញមួយថ្ងៃ
ការផឹកទឹកមួយកែវនៅពេលព្រឹកមិនត្រឹមតែជួយដាស់ស្មារតីទេ ប៉ុន្តែការបន្តផឹកទឹកពេញមួយថ្ងៃអាចផ្តល់ថាមពលពេញមួយថ្ងៃ។ លោកស្រី Munch ក៏បានសង្កេតឃើញថានៅពេលបន្តការផឹកទឹកពេញមួយថ្ងៃមិនត្រឹមតែជួយឲ្យមានថាមពល ហើយអារម្មណ៍ក៏ល្អ និងមិនហើមពោះទៀត។ ម៉្យាងទៀត អតិថិជនរបស់លោកស្រីក៏អនុវត្តវិធីនេះដែរហើយឃើញថាថាមពលរបស់អ្នកទាំងនោះមានភាពប្រសើរឡើង។
៤. ដាក់កែវទឹក ឬដបទឹកក្បែរខ្លួន
អ្នកជំនាញផ្នែកអាហារ និងសារធាតុចិញ្ចឹម Katie Boyd បានណែនាំថាយើងគួររកកែវ ឬដបទឹកដើម្បីធ្វើឲ្យការផឹកទឹកមានភាពងាយស្រួល។ យើងអាចប្រើកែវ ឬដបដែលយើងចូលចិត្តដើម្បីដាក់ទឹកទុកញ៉ាំក្បែរខ្លួន។
អត្ថបទពាក់ព័ន្ធ៖ អាកាសធាតុក្ដៅ ញ៉ាំបន្លែ ផ្លែឈើ ទាំងនេះអាចជួយបំពេញជាតិទឹកបានល្អ
៥. ញ៉ាំបន្លែ ឬផ្លែឈើ
ការផឹកទឹកមិនមែនជាវិធីតែមួយក្នុងការបំពេញជាតិទឹកឲ្យរាងកាយទេ។ យើងអាចញ៉ាំអាហារដែលសំបូរដោយជាតិទឹកដើម្បីជួយបំពេញជាតិទឹកដល់រាងកាយ។ អាហារសម្រន់ទាំងនោះរួមមានផ្លែត្រសក់ ផ្លែប៉េស ការ៉ុត ផ្លែស្ត្របឺរី និងផ្លែឪឡឹកជាដើម។