មិនទាន់ដឹងរបបអាហារមានតុល្យភាពម៉េចខ្លះ អត្ថបទនេះអាចពន្យល់បាន

ធ្លាប់តែឮពេទ្យប្រាប់ ញ៉ាំអាហារឲ្យមានតុល្យភាព ទើបសុខភាពល្អ ប៉ុន្តែគ្នាយើងខ្លះ អត់ទាន់ដឹងថា របបអាហារមានតុល្យភាពម៉េចនៅឡើយទេ។ អាហារមានតុល្យភាព សំដៅលើរបបអាហារល្អ មានសារធាតុចិញ្ចឹមគ្រប់គ្រាន់ សក្តិសមនឹងរាងកាយយើងម្នាក់ៗ ទាំងប្រូតេអ៊ីន ជាតិរ៉ែ វីតាមីនជាដើម។ ហើយក្រៅរបបអាហារល្អៗ ទាំង ៣ពេល ក្មេងក៏ត្រូវទទួលបានអាហារូបត្ថម្ភមួយចំនួនទៀត មានរៀបរាប់ក្នុងអត្ថបទ “Hello គ្រូពេទ្យ’ ខាងក្រោមនេះ។

១- អាហារផលិតពីទឹកដោះគោ

អាហារប្រភេទទឹកដោះគោ មានដូចជា ទឹកដោះគោ ប៊័រ ឈីស នឹងអាហារមួយចំនួនទៀត ផលិតពីទឹកដោះគោ។ អាហារទឹកដោះគោ មានសារៈសំខាន់សម្រាប់ដងខ្លួនយើង ដោយវាផ្ដល់នូវវីតាមីន D និងសម្បូរដោយពួកខ្លាញ់ឆ្អែត អាចជួយក្នុងការកាត់កម្រិតខ្លាញ់អាក្រក់ និ៨ងកាឡូរីពីក្នុងខ្លួនយើង។ អាហារផ្សេងសម្រាប់ជំនួសអាហារទឹកដោះគោ មានដូចជា អាហារផលិតពីសណ្ដែក ឬប្រភេទគ្រាប់ធញ្ញជាតិ។

២- ប្រូតេអ៊ីន

ភាគច្រើនប្រូតេអ៊ីនសម្បូរនៅក្នុងសាច់គ្រប់ប្រភេទ ដូចជា សាច់មាន់ សាច់គោ សាច់ជ្រូក សុទ្ធតែជាប្រភពផ្ដល់ប្រូតេអ៊ីនច្រើនបំផុត។ យ៉ាងណា ត្រី ស៊ុត សណ្ដែក និងតៅហ៊ូ ក៏សុទ្ធតែប្រភេទអាហារផ្ដល់ប្រូតេអ៊ីនច្រើនដូចគ្នា។ សាច់កែឆ្នៃមានដូចជាសាច់ក្រក ឬសាច់ប៉ាតេ មិនគួរយកមកឲ្យក្មេងៗញ៉ាំឡើយ ដោយសារតែវាសម្បូរទៅដោយសូដ្យូម និងខ្លាញ់ច្រើន។ ដើម្បីទទួលបានប្រូតេអ៊ីនច្រើនពីក្នុងអាហារ ត្រូវតែមានវិធីចម្អិនអាហារឲ្យបានត្រឹមត្រូវ ដែលជាធម្មតាវិធីចម្អិន ដើម្បីទទួលប្រូតេអ៊ីនច្រើន យើងអាចប្រើវិធីអាំង ស្ងោរ ឬចំហុយ។

៣- ផ្លែឈើ

ផ្លែឈើស្ទើតែគ្រប់មុខ គឺមិនមានជាតិខ្លាញ់ និងកាឡូរីតិច ហើយសម្បូរដោយអាហារសរសៃ និងប្រូតេអ៊ីនល្អសម្រាប់សុខភាព។ ក្រៅពីនេះ ផ្លែឈើ ក៏មានរស់ជាតិឆ្ងាញ់ មានវិធីជាច្រើនដើម្បីធ្វើឲ្យផ្លែឈើមានរស់ជាតិកាន់តែឆ្ងាញ់ ដូចជា ទុកឲ្យក្រៀម ធ្វើដំណាប់ ឬយកទៅធ្វើជាទឹកក្រឡុក ហើយយើងអាចបន្ថែមស្ករខ្លះៗដោយប្រុងប្រយ័ត្ន ដើម្បីជួយកាត់បន្ថយបរិមាណកាឡូរី។

របបអាហារ Hello គ្រូពេទ្យ

អត្ថបទពាក់ព័ន្ធ៖

អាហារ ១០ ប្រភេទ ប៉ូវខួរក្បាល និងផ្តល់ថាមពលខ្លាំង
អាហារពិសេសទាំងនេះ អាចបញ្ចុះជាតិខ្លាញ់យ៉ាងមានប្រសិទ្ធភាព

៤- បន្លែ

អាហារមានជាតិអាហារសរសៃមួយទៀត គឺពពួកបន្លែ បន្លែមានផ្ទុកកាឡូរីតិច និងមានអាហារសរសៃច្រើន ហើយមានផ្ទុកជាតិរ៉ែច្រើនប្រភេទដែរ។ បន្ថែមបន្លែចូលក្នុងមុខម្ហូបប្រចាំថ្ងៃ ក៏ជួយឲ្យក្រអូមមាត់យើងមានសុខភាពល្អ និងធ្វើឲ្យកូន២ៗ ទទួលបានសារធាតុចិញ្ចឹមគ្រប់គ្រាន់។ មានវិធីចម្អិនម្ហូបមួយចំនួនដើម្បីទទួលបានវិតាមីន និងជាតិរ៉ែច្រើនពីក្នុងបន្លែ ដូចជា យកវាទៅចំហុយ ឬអាំង។ អាចយកវាមកផ្ទាប់ជាមួយទឹកជ្រលក់ ដើម្បីញ៉ាំក៏បាន។

៥- គ្រាប់ធញ្ញជាតិ

ដើម្បីទទួលបានកាបូអ៊ីដ្រាតច្រើន យើងក៏មិនគួរមើលរំលងគ្រាប់ធញ្ញាជាតិដូចគ្នា ពិសេសអាចជំនួសការញ៉ាំនំប៉័ង ទៅជាបាយស គ្រាប់ធញ្ញជាតិចម្រុះ និងប៉ាស្តា ដោយមកប្រើអង្ករស្រូវសាលី និងនំប៉័ងមិនមានគ្លុយទីន និងញ៉ាំអង្ករធម្មតា។ អាហារប្រភេទទាំងអស់នេះ គឺសុទ្ធតែផ្ដល់អាហារសរសៃ និងវីតាមីនជាច្រើន។

៦- ខ្លាញ់ និងប្រេង

ខ្លាញ់មិនធ្វើឲ្យមនុស្សយើងធាត់ឡើយ ហើយមានខ្លាញ់មួយចំនួន មានសារៈសំខាន់ដល់សុខភាពច្រើនណាស់ បើយើងចេះជ្រើសរើសខ្លាញ់ត្រឹមត្រូវឲ្យកូនញ៉ាំ និងញ៉ាំក្នុងបរិមាណសមស្រប។ ខ្លាញ់មួយចំនួនមិនល្អដល់សុខភាព មានដូចជា ខ្លាញ់មិនឆ្អែត និងខ្លាញ់សប្បនិម្មិត។

យើងត្រូវញ៉ាំអាហារប្រភេទនេះក្នុងបរិមាណតិចតួចបំផុត ហើយខ្លាញ់ល្អសម្រាប់សុខភាពជាងគេក្នុងសាច់សត្វ គឺខ្លាញ់ត្រី។ មានខ្លាញ់ល្អមួយចំនួនផ្សេងទៀត អាចមានក្នុងគ្រាប់ផ្លែឈើ ផ្លែប៊ើរ ប្រេងអូលីវ និងគ្រាប់រុក្ខជាតិ។

ពេលយើងយល់កាន់តែច្បាស់ពីតុល្យភាពអាហារ អាចជួយឲ្យយើង និងកូនមានសុខភាពល្អ និងមានរាងកាយមាំមួន។ អ្វីសំខាន់ជាងនេះទៀត អាហារល្អសម្រាប់សុខភាព អាចជួយកាត់បន្ថយអត្រាប្រឈមជំងឺធ្ងន់ធ្ងរមួយចំនួនថែមទៀតផង។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

Editor HK

អត្ថបទដោយ ណៃ ទូច · កែ 09/10/2019