វិធីបញ្ចុះជាតិស្ករក្នុងឈាម៖ ញ៉ាំស្ករតិចជាង៦ស្លាបព្រាកាហ្វេ/ថ្ងៃ ចៀសវាងផឹកភេសជ្ជៈមានជាតិស្ករលើស៥% ញ៉ាំផ្លែឈើមានជាតិស្ករទាបដូចត្របែក ល្ហុង ប៉ោមបៃតង។ល។
គ្រោះថ្នាក់នៃអាហារប្រៃចំពោះបេះដូង
ខ្មែរយើងនិយមប្រើទឹកត្រី ឬអំបិលពេលចម្អិនអាហារប្រចាំថ្ងៃ។ តែការញ៉ាំអាហារមានផ្ទុកជាតិប្រៃខ្លាំងពេក អាចធ្វើឲ្យយើងប្រឈមនឹងលើសសម្ពាធឈាម ជំងឺតម្រងនោម និងកើតជំងឺបេះដូង។ ត្បិតនៅក្នុងអំបិលផ្ទុកសូដ្យូមដែលចាំបាច់សម្រាប់រាងកាយមនុស្សយើង តែអ្នកជំនាញណែនាំឲ្យយើងកាត់បន្ថយកម្រិតសូដ្យូមដែលយើងញ៉ាំជាប្រចាំ។ កាលណាយើងញ៉ាំសូដ្យូមច្រើនពេកអាចបង្កើនសម្ពាធឈាម និងបណ្តាលឲ្យរាងកាយទប់ទល់នឹងសារធាតុរាវ។ ជំងឺលើសសម្ពាធឈាម ជាកត្តាហានិភ័យចម្បងសម្រាប់ជំងឺគាំងបេះដូង គ្រោះថ្នាក់សរសៃឈាមខួរក្បាល និងបញ្ហាសរសៃឈាមបេះដូងដទៃទៀត។