align=”LEFT”>រាងកាយយើងត្រូវការជាចាំបាច់នូវវីតាមីនដើម្បីដំណើរការសកម្មភាពប្រចាំថ្ងៃបានល្អ។ វីតាមីន A ដែលមាននៅក្នុងអាហារប្រចាំថ្ងៃបានជួយដល់ប្រព័ន្ធបន្តពូជឲ្យកាន់តែល្អ ភ្នែក និងស្បែក ប៉ុន្តែការប្រឈមនឹងការខ្វះវីតាមីននេះក៏អាចកើតឡើងបានដែរ ជាពិសេសកើតទៅលើស្ត្រីមានផ្ទៃពោះ ទារក និងក្មេងដែលកំពុងស្ថិតនៅវ័យលូតលាស់។ អត្ថបទនេះនឹងលើកឡើងនូវសញ្ញាខ្លះៗដែលបង្ហាញថារាងកាយយើងទាំងអស់គ្នាកំពុងខ្វះវីតាមីន Aហើយ។
ស្បែកស្ងួត
វីតាមីន A ជាសមាសធាតុសំខាន់មួយក្នុងរាងកាយដែលជួយក្នុងការជួសជុលជាលិកាស្បែកឡើងវិញ។ អាការៈដែលគេច្រើនប្រទះឃើញនៅពេលខ្វះវីតាមីន Aគឺ eczemaកើតឡើងនៅពេលស្បែក ស្ងួតខ្លាំង ឡើងក្រហម និងរមាស់។
អត្ថបទពាក់ព័ន្ធ៖ បើស្បែកស្ងួតគ្មានជាតិ សាកញ៉ាំរបស់ទាំងនេះ
ជំងឺខ្វាក់មាន់
ជំងឺខ្វាក់មាន់នេះក៏ជាអាការៈគេជួបប្រទះញឹកញាប់ដែរ។ គ្នាយើងណាកើតជំងឺនេះមានការលំបាកក្នុងមើលនៅពេលងងឹត។
បញ្ហាមុខឡើងមុន
ដូចបានលើកឡើងខាងលើថា វីតាមីន A អាចជួយជួសជុលជាលិកាស្បែក ដូចនេះប្រសិនជាមានបញ្ហាខ្វះវីតាមីនA ស្បែកនឹងស្ងួត ហើយបែរជាផលិតជាតិខ្លាញ់នៅលើមុខហួសកម្រិតដែលអាចបង្កជាមុន។ ដោយហេតុនេះហើយវីតាមីន A ក៏ត្រូវបានប្រើសម្រាប់ព្យាបាលបញ្ហាមុនដែរ។
អត្ថបទពាក់ព័ន្ធ៖
- ស្រីៗគ្នាយើងកុំអូសរំលង អាហារទាំងនេះជួយរក្សាសម្រស់ឲ្យនៅក្មេងជាងវ័យ
- វិធីសាស្រ្តផ្សេងៗក្នុងការព្យាបាលអាចម៍រុយ និងស្នាមមុនលើស្បែកមុខ
- មុខសម្បូរខ្លាញ់! ត្រូវចេះតិចនិក ៣ យ៉ាងនេះ ធានាថាមុខសស្អាត គ្មានមុន…
បញ្ហាជាមួយនឹងការបង្កកំណើត
ប្រសិនជាគ្នាយើងណាមានបញ្ហាក្នុងការបង្កកំណើត នេះអាចមកពីកង្វះវីតាមីន A ក៏អាចថាបាន ព្រោះថាវីតាមីនអA ជាកត្តារួមចំណែកមួយដែរ។ ប្រព័ន្ធបន្តពូជទាំងបុរស និងស្រ្តីត្រូវការវីតាមីន A ដើម្បីដំណើរការបានល្អ ដូចនេះទទួលទានអាហារដែលមានវីតាមីននេះច្រើនអាចជួយដល់ការបន្តកំណើត។ បន្ថែមពីលើនេះទៀត ស្រ្តីមានផ្ទៃពោះគួរបញ្ចូលអាហារមានវីតាមីន A ច្រើន ព្រោះការរលូតលាស់កូនមិនបានល្អក៏អាចបណ្តាលមកពីកង្វះវីតាមីននេះដែរ។
របួសត្រូវការពេលយូរក្នុងការជាសះ
រាងការត្រូវការសារជាតិ Collagen ដើម្បីធ្វើការព្យាបាលមុខរបួសក្នុងរយៈពេលខ្លី ហើយសារជាតិនេះត្រូវបានបង្កើតដោយវីតាមីន A។ ប្រសិនយើងសម្គាល់ថារបួសយើងត្រូវការពេលយូរក្នុងការជាសះជាការល្អយើងគួរធ្វើការពិនិត្យថាតើបានទទួលទាននូវវីតាមីន Aគ្រប់គ្រាន់ដែរឬអត់។
ការលូតលាស់យឺត
អាការៈនេះភាគច្រើនកើតលើទារក និងកុមារ។ វីតាមីន A មានសារៈសំខាន់ណាស់សម្រាប់ស្ត្រីមានផ្ទៃពោះចាប់ពីខែទីបីដល់ទារកមានអាយុ១ឆ្នាំ។ វីតាមីននេះមានតួនាទីសំខាន់ក្នុងការលូតលាស់លើចក្ខុវិញ្ញាណ និងប្រព័ន្ធភាពស៊ាំរបស់ទារក និងកុមារ។
អត្ថបទពាក់ព័ន្ធ៖
- បន្លែ-ផ្លែឈើល្អៗ ជួយកូនក្នុងផ្ទៃលូតលាស់ល្អ ម៉ាក់ៗត្រូវញ៉ាំឲ្យបានច្រើន
- ពេលពពោះ ម៉ាក់ៗខ្វះអាហារូបត្ថម្ភ ប៉ះពាល់ទាំងខ្លួនឯង និងកូន
ភ្នែកស្ងួត
កង្វះវីតាមីន A បង្កឲ្យមានអាការៈភ្នែកស្ងួត ដែលភ្នែកមិនអាចផលិតទឹកភ្នែក និងផ្តល់សំណើមដល់គ្រាប់ភ្នែក។ ក្នុងករណីធ្ងន់ធ្ងរ អាចធ្វើឲ្យ Corneas ចុះខ្សោយ និងបាត់បង់គំហើញ។
អត្ថបទពាក់ព័ន្ធ៖ ចង់ឲ្យភ្នែកល្អ មិនម្ញូប មិនព្រិល ត្រូវថែរបៀបម៉េច?
ដើម្បីទទួលបានវីតាមីន A គ្រប់គ្រាន់ គ្នាយើងគួរទទួលទានអាហារដែលមានវីតាមីន Aនេះមានដូចជាស៊ុត ត្រីសាម៉ន ស្ពៃSpinach ដំឡូងជ្វា និងការ៉ុត ជាដើម ដែល អាហារទាំងនេះមិនពិបាកក្នុងការរកនោះទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
