បោះបង់ចោលភេសជ្ជៈដែលមានក្លិនឈ្ងុយ និងរសជាតិឆ្ងាញ់ (កាហ្វេ) សម្រាប់អ្នកញ៉ាំកាហ្វេ អាចជារឿងធំមួយសម្រាប់គ្នាយើង ហើយបើទោះពេលខ្លះអាចអត់បានមែន ប៉ុន្តែរយៈប៉ុន្មានថ្ងៃក្រោយ នឹងអាចត្រូវត្រឡប់ទៅទិញកាហ្វេវិញជាមិនខាន។ ដោយសារបញ្ហានេះ ទើបការស្រាវជ្រាវជាច្រើនបានលើកពីមូលហេតុពាក់ព័ន្ធមកពន្យល់ ថាតើនឹងមានអ្វីកើតឡើង ចំពោះរាងកាយ នៅពេលដែលធ្លាប់តែញ៉ាំ ហើយបញ្ឈប់វិញ?
១. ប្រែបម្រួលទម្ងន់
នៅពេលឈប់ផឹកកាហ្វេ គីឡូនឹងប្រែប្រួល ច្រើនឬតិច ហើយនេះក៏ដោយសារបញ្ហាស្រ្តេសនឹងកើតឡើងចំពោះគ្នាយើងដែលធ្លាប់តែញ៉ាំកាហ្វេ។ យោងតាមការសិក្សា ភេសជ្ជៈកាហ្វេ ជួយជំរុញប្រតិកម្មរំលាយអាហារនៅក្នុងខ្លួន (ម៉េតាប៉ូលីស) ដែលមានន័យថា រាងកាយនឹងដុតកម្ទេចកាល់ឡូរីយ៉ាងមានប្រសិទ្ធិភាព។ នៅពេលដែលយើងឈប់ញ៉ាំកាហ្វេ ដូចនេះ រាងកាយដែលធ្លាប់តែទទួលកាហ្វេជាជំនួយ នឹងអាចកើនទម្ងន់ខ្លួន។
ដោយឡែកការឈប់ញ៉ាំកាហ្វេ ក៏អាចស្រកទម្ងន់វិញបានដែរ ក្នុងករណីដែលអ្នកធ្លាប់ញ៉ាំកាហ្វេក្រឡុក (frappé) រាល់ថ្ងៃ ព្រោះថាប្រភេទកាហ្វេទាំងនេះ មានជាតិផ្អែមច្រើន។
អត្ថបទពាក់ព័ន្ធ៖
- ផឹកកាហ្វេច្រើននាំឲ្យពិបាកមានផ្ទៃពោះ និងប៉ះពាល់កូនក្នុងផ្ទៃ?
- “កាហ្វេ” មានទាំងគុណសម្បត្តិ និងគុណវិបត្តិ តោះ! ទៅថ្លឹងថ្លែងទាំងអស់គ្នា គួរផឹកទៀតអត់?
២. ពិបាកផ្ចង់អារម្មណ៍
ធ្លាប់តែញ៉ាំកាហ្វេ តែឥលូវមកបញ្ឈប់ញ៉ាំវិញ នោះរាងកាយនឹងជួបបញ្ហានេះ ដោយហេតុថា ខួរក្បាលធ្លាប់បានជំរុញដោយកាហ្វេ ដែលជួយឱ្យខួរក្បាល បញ្ចេញអ័រម៉ូន Dopamine និង Adrenaline ទាំងនេះជំរុញឱ្យខួរក្បាលធ្វើការសកម្ម និងឡើងសម្ពាធឈាមផងដែរ។ ដូចនេះ ពេលឈប់ញ៉ាំភេសជ្ជៈនេះ ក្នុងរយៈពេលដំបូងៗ ខួរក្បាលពុំអាចទទួលយកបាន ឬស៊ាំនៅឡើយ។
អត្ថបទពាក់ព័ន្ធ៖
- អនុវត្តវីធីនេះរយៈពេល ៦សប្តាហ៍អាចបន្ថយអាការៈញៀនកាហ្វេបាន
- ការសិក្សារកឃើញថា ផឹកកាហេ្វពេលយប់ មិនអាចរារាំងការងងុយគេងបានទេ
- អ្នកម៉ាប់ៗលែងបារម្ភហើយ ផឹកកាហ្វេអាចជួយសម្រកទម្ងន់បាន
៣. ញ័រ រសាប់រសល់ ឈឺក្បាល ខ្សោយកម្លាំង នឹងអាចកើតឡើង
អាការៈខាងលើនេះ នឹងកើតមានឡើង ប៉ុន្តែពុំមែនជារឿងធ្ងន់ធ្ងររហូតគួរឱ្យបារម្ភនោះទេ។ នេះក៏ដោយសារតែ ខួរក្បាលពុំទានស៊ាំភ្លាមៗ នឹងទម្លាប់គ្មានកាហ្វេនោះ។ យ៉ាងណាមិញ អាការៈទាំងនោះនឹងបាត់ទៅបន្តិចម្តង នៅក្នុងពេលមួយដែល រាងកាយ និងខួរក្បាលរបស់យើងទម្លាប់នឹងការគ្មានកាហ្វេ។
ទោះជាយ៉ាងណា ដោយផ្អែកតាមការសិក្សាមុនៗក៏ធ្លាប់បានលើកឡើង នូវវិធីសាស្រ្តមួយចំនួនដែលជួយបន្ធូរបន្ថយអាការៈខាងលើ ដែលយើងហៅថា “ការញៀនកាហ្វេ’ បានដោយទាមទារពេលវេលាខ្លះ៕
អត្ថបទពាក់ព័ន្ធ៖
- ស្រីៗញៀនកាហ្វេអំឡុងពេលពពោះ ប៉ះពាល់កូនក្នុងផ្ទៃអត់?
- ផឹកកាហ្វេរាល់ថ្ងៃ មានដឹងអត់ ញ៉ាំប៉ុន្មានទើបមិនប៉ះពាល់សុខភាព?
- កាហ្វេអាចជួយសម្រកទម្ងន់ដោយមិនដឹងខ្លួន តែក៏គួរដឹងរឿងទាំងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
