អាហារសុខភាពគឺជាអាហារដែលសំបូរដោយសារធាតុចិញ្ចឹម និងមានប្រយោជន៍ច្រើនសម្រាប់សុខភាព។ អាហារសុខភាពមួយចំនួនអាចជួយក្នុងការសម្រកទម្ងន់ទៀតផង ព្រោះអាហារទាំងនេះផ្តល់សារធាតុចិញ្ចឹមខ្ពស់ កាត់បន្ថយអារម្មណ៍ឃ្លាន និងការពារពីជំងឺផ្សេងៗ។ អាហារសុខភាពខាងក្រោមនេះអាចជួយក្នុងការសម្រកទម្ងន់បាន។
ញ៉ាំអាហារទាំងនេះមានប្រយោជន៍ដល់សុខភាពហើយ ជួយសម្រកទម្ងន់ទៀត
ត្រួតពិនិត្យដោយ ទូច សុខា
១. ផ្លែប៉ោម
ការញ៉ាំផ្លែប៉ោមមួយផ្លែក្នុងថ្ងៃជួយសម្រកទម្ងន់ព្រោះផ្លែប៉ោមសំបូរទៅដោយជាតិសរសៃដែលជួយឲ្យមានអារម្មណ៍ថាឆ្អែតបានយូរ។
២. ផ្លែប៊ឺរ
ផ្លែប៊ឺរសំបូរទៅខ្លាញ់មិនឆ្អែតឈ្មោះ អាស៊ីត oleic។ ខ្លាញ់មិនឆ្អែតនេះជួយដុតថាមពលក្នុងរាងកាយយឺត និងជំរុញការធ្វើមេតាបូលីស។ ផ្លែឈើនេះក៏ផ្ទុកនូវខ្លាញ់ល្អដែលជួយឲ្យឆ្អែតបានយូរ។
អត្ថបទពាក់ព័ន្ធ៖
៣. សណ្ដែកខ្មៅ
សណ្ដែកខ្មៅសំបូរទៅដោយជាតិសរសៃ និងប្រូតេអ៊ីនដែលជួយដល់ការសម្រកទម្ងន់។ រាងកាយធ្វើការរំលាយសណ្តែកនេះយឺតៗ នាំឲ្យយើងមានអារម្មណ៍ឆ្អែតបានយូរ។
៤. ផ្លែប្លូប៊ឺរី
ផ្លែប្លូប៊ឺរីផ្ទុកសារធាតុប្រឆាំងអុកស៊ីតកម្ម catechins។ ការសិក្សាចេញផ្សាយដោយវិទ្យាស្ថានសុខាភិបាលសហរដ្ឋអាមេរិកបានឲ្យដឹងថាការបង្កើនសារធាតុ catechins អាចបញ្ចុះខ្លាញ់នៅក្បាលពោះ និងកម្រិតជាតិធាត់។
៥. គ្រាប់ជីរ
គ្រាប់ជីរជួយបង្កើនថាមពល និងកាត់បន្ថយការឃ្លាន។ គ្រាប់ជីរនេះមានជាតិសរសៃខ្ពស់ អាស៊ីតខ្លាញ់អូមេហ្គា ៣ និងប្រូតេអ៊ីន។
អត្ថបទពាក់ព័ន្ធ៖
- អ្នកញ៉ាំគ្រាប់ជីរនឹងសប្បាយចិត្ត បើដឹងពីអត្ថប្រយោជន៍ច្រើនទាំងនេះ
- គេប្រាប់ថា ផ្លែល្មើរញ៉ាំទៅរាងស្អាត សុខភាពល្អ ដោយសារមូលហេតុអីទៅ?
៦. ឈើអែម (Cinnamon)
ត្រឹមតែមួយស្លាបព្រាក្នុងមួយថ្ងៃក៏អាចជួយដល់ការធ្វើមេតាបូលីសដែរ។ ឈើអែមនេះអាចបង្កើតការធ្វើមេតាបូលីសជាតិស្ករ និងរក្សាកម្រិតជាតិស្ករក្នុងឈាម។ ដោយហេតុនេះហើយទើបគេណែនាំថាឈើអែមជាអាហារបំប៉នសម្រាប់ជំងឺទឹកនោមផ្អែម។
៧. គ្រាប់កាកាវល្អិតៗ (Cocao nibs)
Cocao nibs គឺជាគ្រាប់កាកាវដុតរួចត្រូវគេបំបែកជាគ្រាប់ល្អិតៗ និងមានរសជាតិល្វីងបន្តិច ប៉ុន្តែសំបូរដោយសារធាតុប្រឆាំងអុកស៊ីតកម្មច្រើនជាងតែបៃតង។ គ្រាប់កាកាវល្អិតនេះមានខ្លាញ់ល្អ ដែលធ្វើឲ្យឆាប់ឆ្អែត និងជួយបញ្ចេញអរម៉ូន serotonin និងendophins ដែលជួយរក្សាអារម្មណ៍។
៨. ប្រេងដូង
យើងតែងជឿថាការញ៉ាំជាតិខ្លាញ់ច្រើនអាចធ្វើឲ្យធាត់ ប៉ុន្តែជាតិខ្លាញ់ល្អក្នុងប្រេងដូងដែលជាអាស៊ីតខ្លាញ់ឆ្អែតជួយជំរុញការធ្វើមេតាបូលីស។
៩. តែបៃតង
តែបៃតងផ្ទុកសារធាតុប្រឆាំងអុកស៊ីតកម្ម EGCG (Epigallocatechin Gallate)។ សារធាតុនេះអាចបន្ថយបរិមាណខ្លាញ់ដែលរាងកាយស្រូបយក និងជាអាហារដែលជួយទប់ចំណង់អាហារ។
១០. ស៊ុត
ស៊ុតជាអាហារដ៏ល្អសម្រាប់បញ្ចូលក្នុងរបបអាហារសម្រកទម្ងន់។ ស៊ុតមានកាឡូរីទាប និងប្រូតេអ៊ីនខ្ពស់។ ការបង្កើនកម្រិតប្រូតេអ៊ីនជាយុទ្ធសាស្ត្រដ៏ល្អសម្រាប់សម្រកទម្ងន់។
១១. គ្រាប់ល្ពៅ
គ្រាប់ល្ពៅសំបូរដោយជាតិដែក ម៉ាញ៉េស្យូម និងស័ង្កសី។ ជាតិដែក និងម៉ាញ៉េស្យូមបង្កើនថាមពល និងស័ង្កសីជួយរាងកាយដុតជាតិខ្លាញ់បានយ៉ាងមានប្រសិទ្ធភាព។ គ្រាប់ល្ពៅមានកាឡូរីទាប តែធ្វើឲ្យមានអារម្មណ៍ថាឆ្អែត។
១២. ត្រីសាល់ម៉ុន
យើងដឹងហើយថាត្រីសាល់ម៉ុនសំបូរដោយអាស៊ីតខ្លាញ់អូមេហ្គា៣ ដែលធ្វើឲ្យមានអារម្មណ៍ឆាប់ឆ្អែត។
១៣. ត្រីសាឌីន
ត្រីសាឌីននេះមានជាតិបារតទាប ហើយមានប្រូតេអ៊ីន និងអាស៊ីតខ្លាញ់អូមេហ្គា ៣ក្នុងកម្រិតខ្ពស់។ អាស៊ីតអូមេហ្គា ៣នេះជួយបង្កើនអរម៉ូនធ្វើឲ្យអារម្មណ៍ល្អ។
១៤. ស្ពៃពួយឡេង
ស្ពៃពួយឡេងអាចកាត់បន្ថយចំណង់អាហារផ្អែម ឬពពួកអាហារមានជាតិស្ករ ឬខ្លាញ់ច្រើន។ នេះដោយសារស្ពៃពួយឡេងផ្ទុកសារធាតុ thylakoids ដែលជួយទប់ការឃ្លាន និងជួយឲ្យឆ្អែតបានយូរ។
អត្ថបទពាក់ព័ន្ធ៖
- ញ៉ាំតែបៃតង Matcha មិនត្រឹមជំនួយកម្លាំង ថែមទាំងបង្កើនស្មារតី
- ជឿអត់បើប្រាប់ថា ប្រភេទអាហារយើងញ៉ាំ ប៉ះពាល់ដល់អារម្មណ៍យើង?
- ទាំងនេះសុទ្ធតែអាហារ និងភេសជ្ជៈជួយសុខភាព តែបើញ៉ាំច្រើនពេកបែរជាមិនល្អទៅវិញ
- ឃើញអីក៏ឃ្លាន ញ៉ាំមិនចេះឆ្អែត មកពីបញ្ហាអី?
- ហេតុផលពិត ម៉េចបានទឹកក្រូចឆ្មារ ជាឱសថសម្រកទម្ងន់ធម្មជាតិដ៏អស្ចារ្យ
- ទម្លាប់រស់នៅល្អទាំងនេះ ធានាថាអាចជួយសម្រកទម្ងន់ សុខភាពកាន់តែល្អ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម