ការធ្វើតេស្ដឈាមទៅលើអ្នកជំងឺដែលឆ្លងវីរុស SARS កាលពីឆ្នាំ២០០៣ បានបង្ហាញថាក្នុងរាងកាយអ្នកទាំងនោះមានផ្ទុកអង់ទីករដែលអាចទប់ស្កាត់វីរុស SARS-CoV-2 ឬ COVID-19 មិនឲ្យចូលក្នុងកោសិកាបាន។
យោងតាមការសិក្សាថ្មីរបស់ក្រុមហ៊ុន Biotech បានលើកឡើងថាអ្នកដែលឆ្លងវីរុស SARS កាលពី១៧ឆ្នាំមុនអាចជួយអ្នកវិទ្យាសាស្ត្រក្នុងការស្វែងរកវិធីព្យាបាល COVID-19 ព្រោះអ្នកជំងឺមានអង់ទីករដែលអាចប្រឆាំងនឹងវីរុសនេះបាន។
អង់ទីករនេះបានមកពីការឆ្លើយតបរបស់ប្រព័ន្ធភាពស៊ាំទៅនឹងវីរុស SARS ដែលអ្នកវិទ្យាសាស្ត្រហៅអង់ទីករនេះថា S309។ អង់ទីករនេះមានប្រសិទ្ធភាពខ្លាំងក្នុងការកម្ចាត់សំបករបស់វីរុស SARS- CoV-2 ដែលផ្នែកសំបកនេះអាចជួយឲ្យវីរុសចូលទៅក្នុងកោសិកាអ្នកជំងឺបាន។ ដោយការសិក្សានេះធ្វើឡើងតែក្នុងមន្ទីរពិសោធន៍ ( lab dishes)នៅឡើយ ដូចនេះត្រូវការសិក្សាបន្ថែមទៀតដើម្បីដឹងថាតើអង់ទីករនេះពិតជាអាចប្រឆាំងនឹងវីរុស COVID-19 បានឬយ៉ាងណា។
អត្ថបទពាក់ព័ន្ធ៖
- ៣ចំណុចក្រើនរំឭកបន្ថែមពីការលាងដៃការពារកុំឲ្យឆ្លង COVID-19
- វីរុស COVID-19 អាចរុញមនុស្ស៥០០លាននាក់បន្ថែមទៀតរស់នៅក្នុងភាពក្រីក្រ
- អាការៈរាករូសអាចជារោគសញ្ញាដំបូងក្រោយឆ្លងវីរុស COVID-19
ក្រុមអ្នកស្រាវជ្រាវក៏រំពឹងថាការព្យាបាលសាកល្បងទៅលើថ្នាំពីរប្រភេទដែលត្រូវបង្កើតឡើងតាមគំរូអង់ទីករ S309 នឹងចាប់ផ្ដើមនៅរដូវក្ដៅនេះ ដោយមានការសហការពីក្រុមហ៊ុន GlaxoSmithKline។
អត្ថបទពាក់ព័ន្ធ៖
- អ្នកស្រាវជ្រាវរកឃើញមូលហេតុប្រុសៗឆ្លងវីរុស COVID-19 ច្រើន និងងាយស្លាប់ជាងស្រីៗ
- កូរ៉េខាងត្បូង៖ ការរកឃើញករណីលាប់ជាថ្មីនៃ COVID-19 អាចមកពីបញ្ហាឧបករណ៍តេស្ត
- វីរុស COVID-19 មិនត្រឹមតែបង្កផលប៉ះពាល់ដល់ផ្លូវដង្ហើម តែមានច្រើនជាងនេះទៅទៀត
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
