នៅខ្មែរក្បែរ ៤០អង្សារសេ ទ្រាំសឹងមិនបាន ស្រាប់តែ ថៃ ចង់ប្រជែង ប្រកាសអាសន្នកម្តៅនឹងឡើងដល់ ៤៣ អង្សារសេក្នុងសប្តាហ៍នេះ ប៉ុន្តែស្ងាត់ៗវៀតណាម ដណ្តើមកំពូលតារាង ចេញមុខប្រកាស តំបន់មួយចំនួនកំពុងប្រឈមបញ្ហារលកកម្តៅខ្លាំង ដោយកន្លែងខ្លះកើនសីតុណ្ហភាពដល់ទៅ ៤៣,៤ អង្សារសេ។
សីតុណ្ហភាពក្តៅខ្លាំង កើតឡើងនៅតាមតំបន់ជាច្រើន ក្នុងប្រទេសវៀតណាម ដោយត្រូវចាត់ទុកជាអាកាសធាតុក្តៅអាក្រក់បំផុតមិនធ្លាប់ជួប សម្រាប់ប្រទេសស្ថិតនៅខាងកើតឧបទ្វីបអាស៊ីអាគ្នេយ៍មួយនេះ ខណៈស្រុក Huong Khe ខេត្ត Ha Tinh ដែលពីមុន មានសីតុណ្ហភាព ជាមធ្យម ត្រឹម ៣២អង្សារសេ បានឡើងកម្តៅដល់ទៅ ៤៣,៤ អង្សារសេ កាលពីចុងសប្តាហ៍មុន។ សេចក្តីរាយការណ៍ ពីទីភ្នាក់ងារឧតុនិយមបារាំង Meteo France។
ក្រៅពីខេត្ត Ha Tinh រលកកម្ដៅ កើនឡើងដល់ ៣៧,៧អង្សារសេ នៅក្រុង Da Nang និង ៤០,៥អង្សារសេ នៅក្រុង Hue ចំណែកទីក្រុង ហូជីមីញ មានសីតុណ្ហភាព ៣៥អង្សារសេ កាលដើមសប្ដាហ៍នេះ។
ពលរដ្ឋក្នុងទីក្រុង Hue អះអាងថា ពួកគេពិបាកដកដង្ហើម ពេលសីតុណ្ហភាពក្តៅបែបនេះ ហើយសីតុណ្ហភាព នាពេលព្រឹក ក៏ក្តៅដល់ទៅជាង ៣០អង្សារសេ ដូចគ្នា។ ចំណែក តាមមន្ទីរពេទ្យនានា ក្នុងក្រុងហូជីមីញ កំណើនកុមារ និងមនុស្សចាស់ ចូលទៅសម្រាកព្យាបាល កើនឡើងយ៉ាងគំហុក ក្រោយសីតុណ្ហភាពបន្តកើនឡើងជាលំដាប់។
អត្ថបទពាក់ព័ន្ធ៖
- ថៃកុនកជាងខ្មែរទៀត កម្តៅនឹងឡើងដល់ ៤៣ អង្សារសេ
- សាហាវណាស់ វៀតណាមស្លាប់ជាង ៣០០នាក់រាល់ថ្ងៃដោយសារមហារីក ព្រោះផឹកស្រាច្រើន
អ្នកជំនាញខាងអាកាសធាតុ ព្រមានថា វៀតណាម នឹងជួយបរលកកម្ដៅខ្លាំងជាងនេះទៀត នៅប៉ុន្មានខែខាងមុខនេះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
