ខែប្រាំង ក្តៅខ្លាំងឡើងចង់ខ្លោចស្បែក កំពុងបន្ដគ្របដណ្ដប់លើប្រទេសអាស៊ាន ដោយមីយ៉ាន់ម៉ា ឡើងកម្ដៅដល់ ៤៧អង្សារសេ ខណៈខ្មែរយើង ឡាវ ថៃ វៀតណាម និងហ្វីលីពីន ក៏ជួបកម្តៅ លើសពី ៤០អង្សារសេផងដែរ។ ក្តៅខ្លាំងបែបនេះ ប៉ះពាល់យ៉ាងខ្លាំងដល់សុខភាពប្រជាជន សត្វ រួមទាំងបង្កឲ្យមានភ្លើងឆេះព្រៃផងដែរ។
ទីក្រុង Myinmu នៅភាគអាគ្នេយ៍ មីយ៉ាន់ម៉ា កំពុងរងកម្ដៅសីតុណ្ហភាព ៤៧,២អង្សារសេ ក្តៅជាងគេក្នុងតំបន់អាស៊ាន។ ចំណែកថៃ ក៏រងកម្តៅសីតុណ្ហភាព ៤៤,៦អង្សារសេដែរ នៅខេត្ត Mae Hong Son។ រីឯខេត្តព្រះវិហារ របស់យើង ខេត្ត Seno របស់ឡាវ ខេត្ត Nghe An របស់វៀតណាម និងទីក្រុង Tuguegarao របស់ហ្វីលីពីន កំពុងរងកម្តៅ ៤២អង្សារសេ។ ចំណែកប្រទេសអាស៊ានផ្សេងទៀត ក៏កំពុងជួបសីតុណ្ហភាព ជិត ៤០អង្សារសេ ផងដែរ។
ក្នុងស្ថានភាពអាកាសធាតុក្តៅខ្លាំងបែបនេះ យើងត្រូវយកចិត្តទុកដាក់ថែទាំសុខភាពឲ្យមែនទែន ពិសេសក្មេងៗ មនុស្សចាស់ អ្នកមានជំងឺបេះដូង និងសួត។ ឯជំងឺមួយចំនួនដូចជា រាករូស ក្អួត កង្វះជាតិទឹក ក៏ងាយនឹងកើតនៅខែក្តៅដែរ ដោយសារតែការញ៉ាំទឹក ឬអាហារមិនមានអនាម័យ។
អត្ថបទពាក់ព័ន្ធ៖
[embed-health-tool-bmi]
