ឆ្កែ ឆ្មា ជាសត្វស្លូត គួរឲ្យស្រលាញ់ ហើយត្រូវបានមនុស្សជាច្រើន យកមកចិញ្ចឹមតាមផ្ទះ ដោយម្ចាស់ខ្លះ ចូលចិត្តលេងជាមួយសត្វទាំងនេះណាស់។ លេងជាមួយបាន តែកុំឱបថើបស្និទ្ធស្នាលឲ្យសោះ ព្រោះអាចឆ្លងបាក់តេរីម្យ៉ាង ប៉ះពាល់ដល់សុខភាព។
បាក់តេរីអាចឆ្លងពីឆ្កែទៅមនុស្សតាមរយៈទឹកមាត់ និងស្បែក ដោយធ្វើឲ្យមនុស្សលេបថ្នាំផ្សះ លែងមានប្រសិទ្ធភាព។
លោកស្រីវេជ្ជបណ្ឌិត Adele Dickson អ្នកចិត្តសាស្ត្រសុខាភិបាល នៅសាកលវិទ្យាល័យ Glasgow Caledonian នាប្រទេសស្កុតឡែន ធ្វើការសិក្សាមួយ ដោយសម្ភាសម្ចាស់សត្វចិញ្ចឹម ៣៥ នាក់។ លោកស្រីថា ទំនាក់ទំនងជិតសិទ្ធរវាងមនុស្ស និងសត្វចិញ្ចឹម ប្រឈមនឹងការឆ្លងបាក់តេរីនានា តាមរយៈទឹកមាត់ និងស្បែក ដោយបង្កឲ្យស៊ាំនឹងថ្នាំផ្សះ មានន័យថាលេបថ្នាំនេះ អត់មានប្រសិទ្ធភាពនោះទេ។
ក្រៅពីនេះ កត្ដាប្រឈមផ្សេងទៀត មានកម្រិតទាបនោះទេ ប៉ុន្ដែអ្នកជំនាញរូបនេះ ជំរុញឲ្យបញ្ឈប់ការលេងជិតស្និទ្ធជាមួយសត្វចិញ្ចឹម។
នៅខែមេសា អ្នកវិទ្យាសាស្ត្រ បញ្ជាក់ថា ឆ្មា ៣ ក្បាល និងឆ្កែ ១ក្បាល នៅចក្រភពអង់គ្លេស រកឃើញថា មានហ្សែនជំរុញភាពស៊ាំ (Resistant Gene) ទៅនឹងថ្នាំផ្សះ។ ទីភ្នាក់ងារសុខាភិបាលអង់គ្លេស បារម្ភថា ហ្សែនជំរុញភាពស៊ាំ “optraA” អាចរាលដាលតាមរយៈបាក់តេរី ដែលមាននៅលើសត្វចិញ្ចឹម និងមនុស្ស។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
