មហារីកសុដន់កើតឡើងដោយការវិវត្តនៃកោសិកាសរីរាង្គនេះកើនឡើងលើសចំនួន។ យ៉ាងណាមិញ នាពេលថ្មីៗនេះ ប្រភេទថ្នាំទម្រង់ថ្មីសម្រាប់ព្យាបាលមហារីកនេះ ត្រូវបានអ្នកវិទ្យាសាស្រ្តរកឃើញ ហើយអះអាងថាមានប្រសិទ្ធកាន់តែខ្ពស់ជាងទៀតផង។
ក្រុមអ្នកវិទ្យាសាស្រ្តមកពីសាកលវិទ្យាល័យរដ្ឋកាលីហ្វ័រញ៉ា សហរដ្ឋអាមេរិក បានអះអាងដូចខាងលើ កាលថ្ងៃសៅរ៍នៅក្នុងជំនួបប្រចាំឆ្នាំនៃសមាគមសិក្សាពីវេជ្ជសាស្រ្តសាច់ដុំពកមហារីក ធ្វើឡើងនៅក្រុង Chicago។ នៅក្នុងបទបង្ហាញ ក្រុមអ្នកស្រាវជ្រាវបានរៀបរាប់ពីថ្នាំថ្មី មានឈ្មោះថា Cyclin Inhibitor ដែលជាប្រភេទប្រូតេអ៊ីនរារាំង រោគមហារីកសុដន់។
លោកស្រី Sara Hurvitz សាស្រ្តាចារ្យដឹកនាំការស្រាវជ្រាវថ្នាំថ្មីខាងលើ បានប្រាប់សារព័ត៌មាន AFP ថា ការសិក្សាបានផ្តោតទៅលើអ័រម៉ូនវិជ្ជមានដែលជាកន្លែងទទួលមហារីក ហើយជាធម្មតាគេប្រើផលិតផលសម្រាប់រាំងខ្ទប់អ័រម៉ូនទាំងនោះ ដូចជាអ័រម៉ូនអឺស្រ្តូសែនជាដើម។
លោកស្រីសាស្រ្តាចារ្យបន្តទៀតថា៖ “សម្រាប់ថ្នាំប្រភេទថ្មីនេះ ពួកយើងបានរកឃើញហើយ វាបានកម្ចាត់មហារីកសុដន់បានយ៉ាងល្អ ហើយជាពិសេសការប្រើថ្នាំនេះ មានប្រសិទ្ធភាពល្អជាងថ្នាំពីមុនៗ ដោយមានសមត្ថភាពរារាំងអ័រម៉ូនជំរុញកោសិកាមហារីកទាំងនោះ។ អ្វីដែលពិសេសទៅទៀតនោះ អត្រាប្រតិកម្មដោយប្រសិទ្ធភាពថ្នាំមានទាប មានន័យថា អត្រាមរណៈដោយប្រើប្រភេទថ្នាំកម្ចាត់មហារីកនេះពិតជាទាបមែនទែន’។
អត្ថបទពាក់ព័ន្ធ៖
តាមសារព័ត៌មាន AFP មកទល់ពេលនេះ ថ្នាំប្រភេទថ្មីនេះ កំពុងបន្តព្យាបាលលើស្រ្តីជាច្រើននាក់នៅសហរដ្ឋអាមេរិក ហើយក៏មានមូលនិធិក្រុមហ៊ុនឯកជនធំមួយ ឈ្មោះ Novartis pharmaceutical គាំទ្រចំណាត់ការព្យាបាលដោយថ្នាំថ្មីនេះ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
