ឲ្យតែឮ ជំងឺឆ្កែឆ្កួត យើងច្បាស់ជាគិតថា ជំងឺនេះចម្លងមកពីសត្វឆ្កែតែមួយមុខប៉ុណ្ណោះ។ តាមពិត ឆ្មា ស្វា ជ្រូក គោ ប្រចៀវ សំពោច និងឆ្កែព្រៃ ក៏បង្កជំងឺនេះដែរ។ នៅអាមេរិក អាជ្ញាធរសុខាភិបាលបញ្ជាក់ថា ប្រចៀវជាប្រភពចម្បង បង្កឲ្យមានជំងឺឆ្កែឆ្កួត។
មជ្ឈមណ្ឌលគ្រប់គ្រង និងបង្ការជំងឺអាមេរិក បញ្ជាក់ថា ប្រចៀវ មានចំណែក ៧/១០ បង្កឲ្យមានការស្លាប់ដោយជំងឺឆ្កែឆ្កួត។ ក្នុងនោះ ប្រចៀវ មានចំណែក ១/៣ នៃសត្វបង្កជំងឺឆ្កែឆ្កួត ៥.០០០ករណី/ឆ្នាំ នៅទូទាំងអាមេរិក។
ប្រចៀវ ក្លាយជាប្រភពបង្កជំងឺឆ្កែឆ្កួតខ្លាំងជាងគេ ដោយសារមនុស្សមិនដឹងថា ប្រចៀវ អាចបង្កហានិភ័យជំងឺនេះ ហើយពួកគេពុំបានចាក់វ៉ាក់សាំងជាមុន និងថ្នាំព្យាបាល ក្រោយត្រូវប្រចៀវខាំ ឬ ខ្វាច។
ក្រោយឆ្លងវីរុសចូលក្នុងខ្លួន រោគសញ្ញាជំងឺឆ្កែឆ្កួត មានដូចជា មិនញ៉ាំទឹក ស្រេវស្រាញ ពេល ត្រូវខ្យល់ ក្តៅខ្លួន ពិបាកដកដង្ហើម ខាកស្តោះញឹកញាប់ និងហៀរទឹកមាត់។
អត្ថបទពាក់ព័ន្ធ៖
- ត្រូវដឹង! មិនមែនតែសត្វឆ្កែមួយទេ អាចចម្លងជំងឺឆ្កែឆ្កួត
- គួរឲ្យខ្លាចបំផុត រោគសញ្ញា និងការឆ្លងមេរោគឆ្កែឆ្កួតទៅមនុស្ស
គួរបញ្ជាក់ថា នៅទូទាំងពិភពលោក មនុស្សស្លាប់ដោយជំងឺឆ្កែឆ្កួត មានប្រមាណ ៥៩.០០០នាក់/១ឆ្នាំ ដោយសត្វឆ្កែ មានចំណែកបង្កជំងឺនេះ ៩៨%។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
