យើងអាចមើលឃើញទឹកនោមរបស់យើងរាល់ថ្ងៃ ប៉ុន្ដែយើងមិនខ្វល់នឹងវាទេ លុះត្រាយើងឃើញអ្វីប្លែក ដូចជាការផ្លាស់ប្ដូរពណ៌ទឹកនោម ឬទឹកនោមមានក្លិនប្លែក។ ការប្រែប្រួលពណ៌របស់ទឹកនោម ពេលខ្លះជាតម្រុយមួយបង្ហាញពីគ្រោះថ្នាក់។
១. ទឹកនោមពណ៌លឿង
ជាធម្មតា ទឹកនោមមានពណ៌លឿង ដោយវាអាស្រ័យលើរបបអាហារ និងបរិមាណទឹកក្នុងខ្លួនរបស់យើង។ ប្រសិនបើយើងខ្សោះជាតិទឹក ទឹកនោមរបស់យើង នឹងមានពណ៌លឿងស្រអាប់ខ្លាំង ដូច្នេះយើងគួរញ៉ាំទឹកឲ្យបានច្រើន។
២. ទឹកនោមពណ៌ក្រហម
ទឹកនោមពណ៌ក្រហម ភាគច្រើនបណ្ដាលមកពីឈាម ដោយសាររបួសតម្រងនោម បង្ហូរនោម ឬប្លោកនោម។ ចំណែកដុំសាច់មហារីកតម្រងនោម បង្ហូរនោម និងប្លោកនោម ក៏បណ្ដាលឲ្យហូរឈាម ដោយគ្មានការឈឺចាប់ ឬរោគសញ្ញាផ្សេងទៀត។ ជាមួយគ្នានេះ ការរីកក្រពេញប្រូស្តាតក្នុងខ្លួនប្រុសៗ ក៏បណ្ដាលឲ្យមានឈាមក្នុងទឹកនោមដែរ។
ពាក់ព័ន្ធនឹងការហូរឈាមក្នុងទឹកនោមនេះ អ្នកជំងឺចាំបាច់ត្រូវទៅស្កេន (CT scan) តម្រងនោម និងប្លោកនោម ឬឲ្យពេទ្យពិនិត្យផ្នែកខាងក្នុងបង្ហូរនោម រកមើលថាតើមានដុំសាច់ ឬក្រួស ដែលមិនអាចពិនិត្យឃើញដោយ CT scan។
៣. ទឹកនោមពណ៌ស្វាយ
ទឹកនោមមានពណ៌ស្វាយ កម្រកើតឡើងណាស់ ប៉ុន្ដែពេលខ្លះ វាត្រូវប្រទះឃើញលើអ្នកជំងឺវ័យចាស់ ដែលបង្ហូរនោមរបស់ពួកគាត់បានចាក់បញ្ចូលដោយបំពង់បូម។ ទឹកនោមពណ៌ស្វាយ បង្ហាញពីប្រតិកម្មរវាងបាក់តេរី និងប្លាស្ទិចបំពង់បូម ដែលប្រើបង្ហូរបាក់តេរីចេញ។
៤. ទឹកនោមពណ៌តែ
ទឹកនោមពណ៌តែ បណ្ដាលមកពីការបែកសាច់ដុំ ដោយសាររបួសពាក់ព័ន្ធនឹងកម្ដៅ ឬការផឹកគ្រឿងស្រវឹង និងថ្នាំញៀន។
៥. ទឹកនោមពណ៌ស
ទឹកនោមពណ៌ស បណ្ដាលមកពីកោសិកាឈាមស ជាមួយនឹងការឆ្លងមេរោគតាមបំពង់បង្ហូរនោម ។
៦. ទឹកនោមពណ៌ទឹកក្រូច
ទឹកនោមពណ៌ទឹកក្រូច បណ្ដាលមកពីវីតាមីន និងឱសថមួយចំនួន ដែលលេបសម្រាប់កាត់បន្ថយការរលាយដោយការឆ្លងមេរោគ។
៧. ទឹកនោមពណ៌ខៀវ ឬបៃតង
ទឹកនោមពណ៌ខៀវ ឬបៃតង អាចបណ្ដាលមកពីឱសថ (Uribel) ដែលប្រើដើម្បីកាត់បន្ថយការឆ្លងមេរោគ ឬការព្យាបាលប្លោកនោម។ សារធាតុ Amitriptyline, Indomethacin (Indocin) និង Anesthetic Propofol អាចធ្វើទឹកនោមមានពណ៌ខៀវ។
៨. ទឹកនោមពណ៌ខ្មៅ
ទឹកនោមពណ៌ខ្មៅ កម្រកើតមានណាស់ ប៉ុន្ដែវាអាចកើតមានដោយសារការខូចតម្រងនោម ដែលនេះជាបញ្ហាធ្ងន់ធ្ងរ និងចាំបាច់ត្រូវទៅជួបពេទ្យភ្លាម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
