ឡាវ ដែលជាប្រទេសស្ថិតនៅជាប់ព្រំប្រទល់ភាគខាងជើងកម្ពុជា ថ្មីៗនេះ បានផ្ទុះករណីជំងឺប៉េស្តជ្រូកអាហ្រ្វិក ខណៈពេលប្រទេសក្បែរខាងនៃឡាវ កំពុងបារម្ភរឿងជំងឺគ្រុនឈាម។
តាមអង្គការសុខភាពសត្វពិភពលោក OIE នេះជាករណីដំបូងបង្អស់ ដែលជំងឺប៉េស្តជ្រូកអាហ្វ្រិក កើតលើប្រទេសគ្មានដែនសមុទ្រមួយនេះ ខណៈមកទល់ពេលនេះ មានភូមិសរុប ៧ នៅឯតំបន់ភាគខាងត្បូងប្រទេស កំពុងប្រឈមនឹងបញ្ហាខាងលើ។
តាមប្រភពទិន្នន័យពីអង្គការដដែលខេត្ត Saravane ក្បែរព្រំដែនវៀតណាម និងជាប់ព្រំប្រទល់ថៃ មានជ្រូកនៅក្នុងភូមិកើតជំងឺនេះ រហូតដល់ ៨៧០ក្បាល ក្នុងនោះ ងាប់ ៤០៩ក្បាល ដោយសារមេរោគ។
តាមអង្គការពិភពលោក ការផ្ទុះករណីជំងឺប៉េស្តជ្រូកអាហ្វ្រិកនៅឡាវ មានន័យថា មេរោគនឹងអាចបន្តចម្លងទៅប្រទេសក្បែរខាង ដូចជា ថៃ ហេតុនេះ ប្រទេសទាំងអស់ក៏កំពុងត្រៀមខ្លួនការពារយ៉ាងតឹងរ៉ឹង ចំពោះបញ្ហាការផ្ទុះជំងឺនេះផងដែរ។
អត្ថបទពាក់ព័ន្ធ៖
- ផ្ទុះជំងឺប៉េស្តជ្រូកអាហ្វ្រិក នៅខេត្តរតនគិរី ងាប់អស់ប្រមាណ ៤០០ក្បាល
- តៃវ៉ាន់ នឹងផាកពិន័យអ្នកដំណើរនាំផលិតផលសាច់ជ្រូកពីកម្ពុជាចូលទឹកដីខ្លួន
រំលឹកដែរថា ជំងឺប៉េស្តជ្រូកអាហ្វ្រិកបានកើតឡើងដំបូងនៅទ្វីបអាស៊ី ចាប់ផ្តើមចេញពីប្រទេសចិន រួចបន្តមកដល់ប្រទេសវៀតណាម និងកម្ពុជាផងដែរ ហើយក្នុងនោះ ជ្រូករាប់លានក្បាលត្រូវគេសម្លាប់ ដើម្បីបង្ការកុំឲ្យរាលដាលមេរោគសាហាវនេះ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
