ប្រទេសវៀតណាម នឹងសម្រេចគោលដៅ ដោយអភិវឌ្ឍផ្នែកបច្ចេកវិទ្យាវេជ្ជសាស្រ្ត សម្រាប់បម្រើវិស័យសុខាភិបាលដល់ប្រជាពលរដ្ឋខ្លួនឲ្យបានប្រមាណ៩០% នៅទូទាំងប្រទេសត្រឹមឆ្នាំ២០២៥។
តាមក្រសួងសុខាភិបាលវៀតណាម ទិសដៅខាងលើ ត្រូវបានអាជ្ញាធរវៀតណាមកំពុងរៀបចំបណ្តើរៗ តួយ៉ាង ការធ្វើកំណត់ហេតុឯកសារសុខភាពតាមបែបឌីជីថល សម្រាប់ប្រជាជនវៀតណាម នឹងអនុវត្តចាប់ពីខែកក្កដាខាងមុខនេះ ដែលជាឧទាហរណ៍មួយផ្នែកនៃកម្មវិធីមន្ទីរវៃឆ្លាត (Smart Hospital) ។
នាឱកាស សិក្ខាសាលា នៃការធ្វើកំណត់ហេតុសុខភាពតាមបែបឌីជីថល នាក្រុងហូជីមិញ លោក Trần Quý Tường ប្រធាននាយកដ្ឋានព័ត៌មានវិទ្យា នៃក្រសួងសុខាភិបាលវៀតណាម បានថ្លែងថា ក្រុមការងាររបស់ ក្រសួងបានអភិវឌ្ឍប្រព័ន្ធព័ត៌មានវិទ្យាវៃឆ្លាត សម្រាប់បម្រើលើវិស័យតាំងពីចុងឆ្នាំ២០១៨កន្លងទៅ។ ហើយ Software ឬកម្មវិធីព័ត៌មានវិទ្យាវៃឆ្លាត សម្រាប់បម្រើក្នុងវិស័យសុខាភិបាលនោះ បានយកទិន្នន័យពីផ្នែកសន្តិសុខសង្គមមកប្រើ ដែលរាប់ទាំងព័ត៌មានសុខភាពរបស់ប្រជាជនសម្រាប់ជួយសម្រួលដល់ប្រជាជនទូទាំងប្រទេស។
ជាមួយគ្នានេះ លោក Nguyễn Trường Sơn រដ្ឋលេខាធិការ ក្រសួងសុខាភិបាលវៀតណាមក៏ឲ្យដឹងដែរថា ឆាប់ៗខាងមុខនេះ ប្រជាជនវៀតណាមគ្រប់គ្នា នឹងមានប្រវត្តិកំណត់ហេតុសុខភាពតាមបែបឌីជីថល ហើយធ្វើដូចនេះ នឹងជួយសម្រួលការងារគ្រូពេទ្យ ជួយប្រឹក្សា ជួយព្យាបាលអ្នកជំងឺបានយ៉ាងរលូន តាមប្រព័ន្ធកម្មវិធីបែបថ្មីនេះ។
អត្ថបទពាក់ព័ន្ធ៖
- អ្នកវិទ្យាសាស្ត្រវៀតណាម រកឃើញសមាសធាតុជីវៈសកម្ម ក្នុងសំបកស្រូវ
- វៀតណាមឲ្យពលរដ្ឋពិនិត្យកាំរស្មីអ៊ិច និងធាតុគីមី មួយឆ្នាំម្តង អត់គិតថ្លៃ
[embed-health-tool-bmi]
