និយាយរឿងធាត់ អ្នកខ្លះ ធាត់នៅត្រង់ពោះ ខ្លះទៀត ធាត់នៅត្រង់ជើង ឬដៃ ហើយក៏សម្បូរដែរ អ្នកធាត់ទាំងផ្នែកពោះ និងទាំងដៃជើង។ ជាធម្មតា អ្នកធាត់ ប្រឈមជំងឺច្រើន ជាពាក់ពិសេសជំងឺពាក់ព័ន្ធនឹងបេះដូង។ ការសិក្សាមួយ រកឃើញថា ទីតាំងធាត់លើរាងកាយស្ត្រី ពាក់ព័ន្ធនឹងជំងឺបេះដូង។
ចេញផ្សាយលើគេហទំព័រវេជ្ជសាស្ត្រ Webmd អ្នកស្រាវជ្រាវ បញ្ជាក់ថា ស្ត្រីមានទីតាំងធាត់ត្រង់ពោះ ប្រឈមខ្ពស់នឹងជំងឺបេះដូង និងជំងឺដាច់សរសៃឈាមខួរក្បាល។ ចំណែកស្ត្រី មានទីតាំងធាត់ត្រង់ជើង ប្រឈមខ្ពស់នឹងជំងឺសរសៃឈាមបេះដូង។
សម្រាប់ការសិក្សានេះ អ្នកស្រាវស្រាវបានប្រមូលទិន្នន័យស្រ្តីក្រោយអស់រដូវ ជិត ១៦២.០០០នាក់ ដែលបានចូលរួមក្នុងការសិក្សារបស់សមាគម Women’s Health Initiative ពីឆ្នាំ១៩៩៣-១៩៩៨ ហើយតាមដានរហូតដល់ខែកុម្ភៈ ឆ្នាំ២០១៧។ ទោះយ៉ាងណា ក្នុងការសិក្សានេះ ពុំបានបញ្ជាក់មូលហេតុនៃទំនាក់ទំនងគ្នារវាងទីតាំងធាត់ និងជំងឺពាក់ព័ន្ធនឹងបេះដូងនោះទេ។
អត្ថបទពាក់ព័ន្ធ៖
អ្នកស្រាវជ្រាវ បន្ថែមថា ហានិភ័យខ្ពស់នៃជំងឺបេះដូង គឺស្ថិតក្នុងចំណោមស្ត្រីមានភាគរយខ្ពស់នៃសារធាតុខ្លាញ់ នៅត្រង់ផ្នែកពោះ ហើយហានិភ័យនេះ ខ្ពស់ជាងហានិភ័យនៃស្ត្រីមានសារធាតុខ្លាញ់ច្រើនត្រង់ជើង ចំនួន ៣ដង។
អ្នកស្រាវជ្រាវ បញ្ជាក់ថា ក្រៅពីទម្ងន់ ប្រជាជនចាំបាច់ត្រូវយកចិត្តទុកដាក់លើទីតាំងទម្ងន់ផងដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
