ដោយសាររបបអាហារសម្បូជាតិស្ករ ហើយពុំសូវមានពេលហាត់ប្រាណទៀត ពលរដ្ឋអាមេរិកជាច្រើន ប្រឈមនឹងជំងឺទឹកនោមផ្អែម។ ហើយអ្វីដែលគួរឲ្យភ្ញាក់ផ្អើលនោះ ពលរដ្ឋអាមេរិក ធ្វើដំណើរទៅប្រទេសកាណាដា ដើម្បីទិញថ្នាំទឹកនោមផ្អែម ដោយថ្លៃខុសគ្នាជាង ១០ដង។
ពលរដ្ឋអាមេរិក ៤៥នាក់ កាលពីចុងសប្ដាហ៍មុន បានឆ្លងព្រំដែន ចូលទៅក្នុងតំបន់ Ontario របស់កាណាដា ទិញថ្នាំជំងឺទឹកនោមផ្អែមដែលមានតម្លៃខុសគ្នា ១០ដង។ ពលរដ្ឋអាមេរិកម្នាក់ ដែលមកពីទីក្រុង Minnesota បញ្ជាក់ថា នាងចំណាយ ២៤៣ដុល្លារ ទិញថ្នាំនៅ Ontario តែបើនៅអាមេរិក នាងត្រូវចំណាយរហូតដល់ ៣.០៦០ដុល្លារ។
នៅកាណាដា តម្លៃថ្នាំ ត្រូវកំណត់ដោយក្រុមប្រឹក្សាពិនិត្យលើតម្លៃថ្នាំ របស់រដ្ឋបាលសហព័ន្ធ ដែលមានតួនាទី ធានាលើការចំណាយចំពោះថ្នាំ ដោយមិនឲ្យថ្លៃខ្ពស់ពេក។ ចំណែកនៅអាមេរិកវិញ លុះត្រាតែមានការធានារ៉ាប់រងលើថ្នាំ ដែលអនុវត្តចំពោះតែអ្នកមានចំណូលទាប ទើបអាចទិញថ្នាំបានថោក ឬមិនអស់លុយ។
អត្ថបទពាក់ព័ន្ធ៖
- ទឹកនោមផ្អែម កុំពិបាកចិត្តខ្លាំងពេក ប្រយ័ត្នកើតជំងឺទុក្ខព្រួយថែមមួយទៀត
- វិធីរៀបចំរបបអាហារសម្រាប់អ្នកទឹកនោមផ្អែម ឲ្យមានសុខភាពល្អ
[embed-health-tool-bmi]
