“ផឹកកាហ្វេ ដើម្បីកុំឲ្យងងុយគេង’ នេះជាពាក្យដែលគ្នាយើង បានឮពីមាត់អ្នកផឹកកាហ្វេភាគច្រើន។ តែការសិក្សាមួយ របស់អាមេរិក រកឃើញថា ផឹកកាហ្វេ ពេលយប់ មិនអាចរារាំងការងងុយគេងបាននោះទេ។
ការសិក្សានេះ ធ្វើឡើងដោយអ្នកស្រាវជ្រាវមកពីសាកលវិទ្យាល័យ Florida Atlantic, Harvard និង Emory និងមជ្ឈមណ្ឌលវេជ្ជសាស្ត្រ Mississippi លើពលរដ្ឋអាមេរិក ៧៨៥នាក់ រយៈពេល ១៤ឆ្នាំ។ ការសិក្សានេះ អ្នកស្រាវជ្រាវបានពិនិត្យលើគ្រឿងស្រវឹង កាហ្វេ និងនីកូទីន (ការជក់បារី) មានឥទ្ធិពលយ៉ាងណាលើការគេង។ អ្នកចូលរួមក្នុងការសិក្សា បានពាក់នាឡិកាដៃ ដើម្បីតាមដានលើការគេងរបស់ពួកគេ។
លទ្ធផលការសិក្សា រកឃើញថា កាហ្វេពុំមានការពាក់ព័ន្ធសំខាន់ជាមួយការរារាំងការងងុយគេងនោះទេ។ ប៉ុន្ដែគ្រឿងស្រវឹង បានរារាំងដល់ការងងុយគេង នៅពេលខ្លះ ក្រោយអ្នកចូលរួមក្នុងការសិក្សា ផឹកវា មុនចូលគេង។
ចំណែកសារធាតុនីកូទីន មិនថា ការជក់បារីធម្មតា ឬបារីអេឡិចត្រូនិកទេ ពាក់ព័ន្ធយ៉ាងខ្លាំងជាមួយការគេងមិនលក់ ក្រោយអ្នកចូលរួមក្នុងការសិក្សា ជក់បារីនៅពេលល្ងាច។
អត្ថបទពាក់ព័ន្ធ៖
- ផឹកកាហ្វេរាល់ថ្ងៃ មានដឹងអត់ ញ៉ាំប៉ុន្មានទើបមិនប៉ះពាល់សុខភាព?
- ស្រីៗញៀនកាហ្វេអំឡុងពេលពពោះ ប៉ះពាល់កូនក្នុងផ្ទៃអត់?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
