ក្រុងបាងកក ប្រទេសថៃ ត្រូវស្គាល់ថា ជាគោលដៅពេញនិយមមួយ ក្នុងតំបន់អាស៊ាន សេវាសុខាភិបាល មិនថាអ្នកជំងឺក្នុងស្រុក ឬបរទេស កាន់តែមមាញឹកខ្លាំង នាំឲ្យរដ្ឋាភិបាលប្រទេសនេះ កំពុងដាក់ទិសដៅរៀបចំទីក្រុងមួយ នៅខេត្តភាគខាងត្បូង ឲ្យក្លាយជាមជ្ឈមណ្ឌលផ្តល់សេវាសុខាភិបាល។
តាមសារព័ត៌មានក្នុងស្រុកថៃ ក្រុង Hat Yai ខេត្តសុងខ្លា កំពុងស្ថិតក្នុងដំណាក់កាលពិភាក្សា ជាជំហានទីមួយ សម្រាប់ដាក់ចេញគោលដៅព្យាបាលជំងឺជនបរទេស មកពីប្រទេសជិតខាង។
ហេតុផលនាំឲ្យទីក្រុងស្ថិតនៅក្បែរព្រំដែនម៉ាឡេស៊ីជាគោលដៅសម្រាប់សេវាសុខាភិបាលជនបរទេស ព្រោះតែ ថៃកំពុងមានកំណើនភ្ញៀវទេសចរដ៏ច្រើន ដោយក្នុងនោះមួយចំនួនធំ ក៏ត្រូវការសេវាព្យាបាលរបស់ប្រទេសនេះដូចគ្នា។ ក្រុង Hat Yai ខេត្តសុងខ្លា ជាទីតាំងដ៏សំខាន់សម្រាប់ស្វាគមន៍ភ្ញៀវទេសចរយ៉ាងច្រើនសន្ធឹកសន្ធាប់ ធ្វើដំណើរពីប្រទេសម៉ាឡេស៊ី រាប់ទាំងភ្ញៀវមកពីប្រទេសសឹង្ហបុរីផងដែរ។
អត្ថបទពាក់ព័ន្ធ៖
- ពេទ្យថៃ មានប្រព័ន្ធរហ័ស ជួយសង្គ្រោះអ្នកជំងឺដាច់សរសៃឈាមខួរក្បាល
- ពេទ្យថៃ ព្រមានពីផលវិបាកធ្ងន់ធ្ងរនៃជំងឺផ្ដាសាយ
យ៉ាងណាមិញ បើតាម លោក ក្រាងសាក់ លីចាន់ផាតាណា ជាម្ចាស់គ្លីនិកមួយនៅទីនោះ បានប្រាប់សារព័ត៌មានថា ពិតណាស់ ទិសដៅនេះ នឹងកើតមានមែន ហើយឥឡូវ ទាំងមន្ទីរពេទ្យឯកជន និងមន្ទីរពេទ្យរដ្ឋ បានត្រៀមខ្លួនរួចជាស្រេច ទាំងសម្ភារៈបរិក្ខារ និងធនធានគ្រូពេទ្យ ពោលគឺស្តង់ដារមិនចាញ់ប្រទេសក្នុងតំបន់ប៉ុន្មានទេ។ មន្ត្រីសាលាខេត្តសុងខ្លា ក៏ដូចជាស្ថាប័នពាក់ព័ន្ធ ក៏កំពុងដំណើរការដុតដៃដុតជើង សម្រាប់ការងារនេះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
