គ្នាយើងខ្លះ ប្រហែលបានដឹងហើយថា បញ្ហាលើសទម្ងន់ និងជំងឺធាត់ បង្កផលប៉ះពាល់យ៉ាងច្រើន ដល់សុខភាពរបស់យើង ដូចជា ប្រឈមបញ្ហាបេះដូង លើសឈាម ទឹកនោមផ្អែម ដែលឈានទៅកើតមហារីកទៀតផង។
បច្ចុប្បន្ននេះ នៅតំបន់អាស៊ានរបស់យើង កំពុងកើនឡើងអ្នកជំងឺធាត់ និងលើសទម្ងន់ ដោយសារការកើនឡើងប្រាក់ចំណូល និងការប្រមូលផ្ដុំគ្នារស់នៅតាមតំបន់ប្រជុំជន។ ចំំណែកអង្គការសហប្រជាជាតិ (WHO) បានបញ្ជាក់ថា ការកើនឡើងតម្លៃអាហារដែលមានសុខភាពល្អ និងភាពមានកំណត់នៃអាហារ នៅតាមប្រទេសកំពុងអភិវឌ្ឍន៍ ជាកត្ដាបណ្ដាលឲ្យកើតមានជំងឺធាត់។
យោងតាមស្ថិតិ World Population Review ឆ្នាំ២០១៩ បង្ហាញថា៖
- ម៉ាឡេស៊ី មានអ្នកជំងឺធាត់ ១៥,៦%
- ព្រុយណេ មានអ្នកជំងឺធាត់ ១៤,១%
- ថៃ មានអ្នកជំងឺធាត់ ១០%
- ឥណ្ឌូណេស៊ី មានអ្នកជំងឺធាត់ ៦,៩%
- ហ្វីលីពីន មានអ្នកជំងឺធាត់ ៦,៤%
- សិង្ហបុរី មានអ្នកជំងឺធាត់ ៦,១%
- មីយ៉ាន់ម៉ា មានអ្នកជំងឺធាត់ ៥,៨%
- ឡាវ មានអ្នកជំងឺធាត់ ៥,៣%
- កម្ពុជា មានអ្នកជំងឺធាត់ ៣,៩%
- វៀតណាម មានអ្នកជំងឺធាត់ ២,១%
ដើម្បីកុំឲ្យកើតមាន និងកាត់បន្ថយជំងឺធាត់ អ្នកជំនាញណែនាំឲ្យញ៉ាំអាហារសុខភាព ជាពិសេសកុំញ៉ាំអាហារ និងភេសជ្ជៈមានជាតិស្កច្រើនពេក រួមជាមួយហាត់ប្រាណឲ្យបានទៀងទាត់។
ចង់ដឹងថា អ្នកលើសទម្ងន់ ឬកើតជំងឺធាត់ ចុចទីនេះ ដើម្បីគណនា BMI
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
