គ្នាយើងជឿទេថាអ្នកញៀនបារី ភាគច្រើនជាអ្នកមានចំណូលទាប? ជប៉ុនរកឃើញថា អ្នកមានចំណូលទាប មានទំនោរខ្លាំងទៅជាញៀនបារី ស្របពេលប្រទេសកំពុងអភិវឌ្ឍន៍ជាច្រើន ក៏កំពុងកើនឡើងអត្រាអ្នកញៀនបារីដូចគ្នា។
ក្រសួងសុខាភិបាលជប៉ុន កាលពីសប្តាហ៍កន្លងទៅ បានបញ្ចេញរបាយការណ៍ស្ទាបស្ទង់ថ្មីមួយ ពាក់ព័ន្ធទៅលើអត្រាអ្នកជក់បារីក្នុងប្រទេសខ្លួន ដោយរកឃើញថា កំណើនអ្នកជក់បារី កំពុងកើនឡើងខ្លាំងទៅលើពលរដ្ឋមានចំណូលទាប ដោយក្នុងការស្ទាបស្ទង់ ប្រុសៗយ៉ាងហោចណាស់ ៣នាក់ក្នុងចំណោម១០ នាក់ដែលមានចំណូលក្រោម ២ លានយ័នឬស្មើប្រមាណជាង ១៨ ០០០ដុល្លារក្នុងមួយឆ្នាំ ជាអ្នកជក់បារី។
ការស្ទាបស្ទង់នេះ ចាប់ផ្តើមធ្វើឡើងទូទាំងប្រទេស អំឡុងខែវិច្ឆិកា ឆ្នាំ២០១៨ ទៅលើក្រុមគ្រួសារសរុប ៥ ០៣២គ្រួសារ ក្នុងនោះមាន ៣ ២៦៨គ្រួសារ ស្ម័គ្រចិត្តឆ្លើយសំណួររបស់ក្រុមអ្នកស្ទាបស្ទង់។ ជាលទ្ធផល ប្រុសៗ មានចំណូលទាបជា ២ លានយ័នក្នុងមួយឆ្នាំ មាន ៣៤,៣ភាគរយជក់បារី រីឯប្រុសៗមានចំណូលទាប ៤ លានយ័នក្នុងមួយឆ្នាំ មានប្រមាណ ៣២,៩ភាគរយ ខណៈ ប្រុសៗ មានចំណូលទាបជា ៦ លានយ័នក្នុងមួយឆ្នាំ មានអត្រាជក់បារី ២៧,៣ភាគរយ។
អត្ថបទពាក់ព័ន្ធ៖
- ជក់បារី មិនត្រឹមតែអាចបង្កមហារីកទេ សុខភាពផ្លូវចិត្តក៏កាន់តែដុនដាបទៀត!
- ប្រុសៗជក់បារី អាចប៉ះពាល់មេជីវិត ពិបាកយកកូន
- អត់ជក់បារី ក៏កើតមហារីកសួតដែរ នៅអង់គ្លេស ស្លាប់រាប់ពាន់នាក់រៀងរាល់ឆ្នាំ
ជាមួយគ្នានេះ សមាជិកគ្រួសារជាស្ត្រី មានចំណូលទាបជា ២ លានយ័នក្នុងមួយឆ្នាំ មាន ១៣,៧ភាគរយ ជក់បារី រីឯអ្នកមានចំណូលទាប ៤ លានយ័នក្នុងមួយឆ្នាំ មានប្រមាណ ៩,៦ភាគរយខណៈស្រីៗ មានចំណូលទាបជា ៦ លានយ័នក្នុងមួយឆ្នាំ មានអត្រាជក់បារី ៦,៥ ភាគរយ។
អត្ថបទពាក់ព័ន្ធ៖
- អាមេរិក គ្រោងលែងឲ្យជក់បារីអេឡិចត្រូនិក ក្រោយស្លាប់ច្រើននាក់
- យល់ម៉េចគ្នាយើង នៅស្រុកថៃឥឡូវ ជក់បារីនៅផ្ទះក៏ជាបទល្មើសដែរ
ជាមួយគ្នានេះ ការសិក្សាក៏រកឃើញដែរថា ភាគច្រើនក្នុងចំណោមអ្នកជក់បារីខាងលើ មិនបានពិនិត្យសុខភាពប្រចាំឆ្នាំឲ្យបានត្រឹមត្រូវនោះទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
