ជំងឺមហារីក គឺជាមូលហេតុចម្បងនៃការស្លាប់របស់កុមារ និងមនុស្សពេញវ័យនៅទូទាំងពិភពលោក។ បើតាមអង្គការសុខភាពពិភពលោក នៅប្រទេសប្រាក់ចំណូលខ្ពស់ អត្រានៃការព្យាបាលជំងឺមហារីកកុមារជាសះស្បើយមានច្រើនជាង ៨០% រីឯប្រទេសប្រាក់ចំណូលទាប និងមធ្យមមានត្រឹមតែ ២០%ប៉ុណ្ណោះ។ មូលហេតុដែលបណ្តាលឲ្យប្រទេសប្រាក់ចំណូលទាប និងមធ្យមមានអត្រាព្យាបាលកុមារមានជំងឺមហារីកជាសះស្បើយទាប ព្រោះការធ្វើរោគវិនិច័្ឆយមិនត្រឹមត្រូវ ឯការព្យាបាលនៅមានកម្រិត។ ជានេះទៅទៀត ការបោះបង់ការព្យាបាលដោយសារតែការចំណាយខ្ពស់ក៏កត្តាមួយផងដែរ ជាមួយនឹងការស្លាប់ដោយសារផលប៉ះពាល់ និងការឈឺឡើងវិញជាដើម។
អត្ថបទពាក់ព័ន្ធ៖
- ស្វែងយល់ពីជំងឺសើស្បែក ម្យ៉ាងឧស្សាហ៍កើតលើអាអូន
- កង្វះអាហារូបត្ថម្ភ ធ្វើឲ្យកុមារបាត់បង់ឱកាសមាសទាំងនេះ
- កូនឆ្លាត ឬមិនឆ្លាត អាស្រ័យលើកត្តាទាំងនេះ
ជំងឺមហារីកអាចកើតឡើងដោយសារតែការផ្លាស់ប្តូរនៃហ្សែនកោសិកាមួយដែលអាចលូតលាស់ខ្លាំង (ដុំសាច់កាច) រហូតដល់រាងកាយមិនអាចគ្រប់គ្រង។ ជំងឺមហារីកដែលភាគច្រើនដែលកើតលើកុមារ គឺមិនទាន់បានដឹងពីប្រភពច្បាស់លាស់ដូចប្រភេទមហារីកដែលកើតលើមនុស្សពេញវ័យទេ។
ការសិក្សាជាច្រើនបានសិក្សាទៅលើប្រភពនៃជំងឺមហារីកលើកុមារ ប៉ុន្តែមានតែជំងឺមហារីកមួយចំនួនតូច គឺបង្កឡើងដោយសារបរិយាកាស ឬរបៀបនៃការរស់នៅ។ ជំងឺមហារីកលើកុមារក៏អាចកើតឡើងដោយសារការឆ្លងនូវជំងឺរ៉ាំរ៉ៃមួយចំនួន និងមានទំនាក់ទំនងទៅនឹងប្រទេសប្រាក់ចំណូលទាប និងមធ្យមដែរ។ ជំងឺរ៉ាំរ៉ៃមួយចំនួនមានដូចជា HIV វីរុស Epstein-Barr និងជំងឺគ្រុនចាញ់អាចធ្វើឲ្យកុមារមានហានិភ័យក្នុងការកើតជំងឺមហារីក។ រីឯជំងឺឆ្លងផ្សេងទៀតអាចធ្វើឲ្យកុមារកើតមហារីកនៅពេលពេញវ័យ ដូចនេះត្រូវមានការការពារ ឬការធ្វើការពិនិត្យ ឬវិនិច្ឆ័យរោគរ៉ាំរ៉ៃដែលអាចបង្កជាមហារីកបានមិនថានៅកុមារភាព ឬពេលពេញវ័យទេ។
ដោយសារមិនអាចធ្វើការទប់ស្កាត់ជំងឺមហារីកនៅកុមារភាពបាន គឺមានតែយុទ្ធសាស្ត្រដើម្បីកាត់បន្ថយនូវបន្ទុកនេះសម្រាប់កុមារដោយផ្តោតទៅលើការធ្វើរោគវិនិច្ឆ័យឲ្យបានលឿន ការព្យាបាលត្រឹមត្រូវទៅតាមប្រភេទមហារីក និងការថែទាំកុមារដើម្បីកាត់បន្ថយនូវការឈឹចាប់។
អត្ថបទពាក់ព័ន្ធ៖
- អ្នកវិទ្យាសាស្រ្តរកឃើញពន្លឺថ្មី អាចវិនិច្ឆ័យនិងព្យាបាលជំងឺមហារីកបានលឿន
- កូនក្មេងអាចកើតជំងឺមហារីកទេ?
- ព្យាបាលមហារីក ប្រើថ្នាំពេទ្យផង ថ្នាំបុរាណផង បង្កគ្រោះថ្នាក់ខ្លាំង
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
