នៅពេលមាននរណាម្នាក់ផ្ទុក COVID-19 ហើយបានក្អក កណ្ដាស់ ទៅបរិយាកាសខាងក្រៅ ឬយកដៃជូតសម្បោរទៅវាសនៅតាមជញ្ជាំង បង្កាន់ដៃទ្វារ ជណ្ដើរ ពិតណាស់ថាមេរោគប្រាកដជាជាប់នៅទីនោះ។ ដូចនេះមានចម្ងល់ថា តើ COVID-19 នោះអាចរស់នៅបានប៉ុន្មានម៉ោង?
ស្រាយចម្ងល់នេះ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាលបានឲ្យដឹងថា COVID-19 នោះ អាចរស់នៅបរិយាកាសខាងក្រៅ ៣-៤ ម៉ោង ដែលរបាយការណ៍នេះទទួលបានពីអង្គការសុខភាពពិភពលោក បើលើសពីរយៈពេលនេះ មេរោគងាប់ហើយ។
ថ្លែងក្នុងឱកាសពិធីបើកវគ្គបណ្ដុះបណ្ដាលរួមគ្នារវាងអង្គការសុខភាពពិភពលោកប្រចាំកម្ពុជា និងក្រសួងសុខាភិបាល ស្ដីពីជំងឺ COVID-19 ដល់អ្នកសារព័ត៌មាន កាលពីពេលកន្លងទៅ លោកជំទាវក៏បានបង្ហាញថែមទៀតថា ប្រសិនយើងទៅប៉ះពាល់កន្លែងដែលមេរោគចេញពីអ្នកផ្ទុកដូចជាទៅប៉ះសំណាកសម្បោរ ឬទឹកមាត់អ្នកផ្ទុកនៅតាមបង្កាន់ដៃទ្វារ ជណ្ដើរ ហើយយកដៃទៅប៉ះពាល់មុខ មាត់ ច្រមុះ ភ្នែក គឺយើងអាចឆ្លង COVID-19 នេះបាន។
អ្នកនាំពាក្យក្រសួងសុខាភិបាលរូបនេះបានបន្ថែមទៀតថា កន្លែងដែលផ្ទុះវីរុសភាគច្រើនកើតឡើងតាមរបៀបនេះ ហើយមួយវិញទៀតគឺប៉ះពាល់តាមរយៈការក្អក កណ្ដាស់ ចំពោះមុខដោយនៅមិនឆ្ងាយពីអ្នកផ្ទុក។ ហេតុដូច្នេះបានជាក្រសួងណែនាំឲ្យប្រកាន់ខ្ជាប់អនាម័យខ្លួនប្រាណ ពេលក្អក កណ្ដាស់ យកក្រដាស កន្សែងខ្ទប់ ឬបើគ្មានត្រូវយកកែងដៃខ្ទប់ ឬពាក់ម៉ាស់ លាងសម្អាតដៃឲ្យបានញឹកញាប់ជាមួយសាប៊ូ អាល់កុល ជេល ព្រោះយើងមិនដឹងថាបានប៉ះពាល់ជាមួយអ្វីខ្លះ ហើយត្រូវនៅឆ្ងាយពីអ្នកមានអាការៈក្អក កណ្ដាស់ យ៉ាងហោចណាស់ ១ ម៉ែត្រ។
អត្ថបទពាក់ព័ន្ធ៖
- កុំឆ្ងល់ច្រើន នេះជាដំណើរការ COVID-19 បំផ្លាញសរីរាង្គយើងពេលចូលក្នុងខ្លួន
- ពិតអត់ ប្រទេសក្តៅដូចស្រុកខ្មែរ វីរុស COVID-19 មិនអាចរស់នៅបាន?
- ហេតុអី COVID-19 ឆ្លងតាមរយៈក្អក ឬកណ្ដាស់ តិចជាង១ម៉ែត្រពីគ្នា?
- ឮថាអ្នកផឹកស្រាអាចការពារខ្លួនពី COVID-19 បាន ពិតមែនអត់?
- អាចទេ អ្នកឆ្លង COVID-19 ដួលសន្លប់ ឬស្លាប់ភ្លាមៗ?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
