នាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល បានសំណូមពរឲ្យពលរដ្ឋ ប្រើប្រាស់លេខ ១១៥ ដើម្បីសាកសួរព័ត៌មាន និងរាយការណ៍អំពីស្ថានភាពសុខភាពពាក់ព័ន្ធជំងឺ COVID-19 ឲ្យមានតម្លៃបំផុត។
ក្នុងនោះនាយកដ្ឋានបានបញ្ជាក់ថា ការទូរស័ព្ទចូលលេខ ១១៥ មាន ៧០% យកជាការបាន ដោយប្រជាពលរដ្ឋបានសាកសួរព័ត៌មានអំពីជំងឺ COVID-19 ព្រមទាំងរាយការណ៍ស្ថានភាពសុខភាព ចំណែកឯ ៣០% ទៀតមិនបានការនោះទេ។
៣០% ដែលនាយកដ្ឋានចាត់ទុកថា មិនបានការនោះមាន៖
១. ប្រើកុមារតូចៗឲ្យនិយាយជំនួស
២. ទូរស័ព្ទចូល មិននិយាយបើកចោល
៣. ទូរស័ព្ទចូល ចាក់ចម្រៀងឲ្យស្តាប់
៤. ប្រើសម្តីអសុរស គ្រោតគ្រាត និងពាក្យប្រមាទ
៥. អ្នកស្រវឹងទូរស័ព្ទចូល និយាយស្តាប់មិនយល់
៦. ។ ល។
នាយកដ្ឋានបានបានបញ្ជាក់ថា លេខ ១១៥ សម្រាប់បម្រើប្រជាពលរដ្ឋដែលចង់សួរ ចង់ដឹងពីជំងឺ COVID-19 ខណៈបងប្អូនរំខាន នាំឲ្យអ្នកដទៃទៀតមិនអាចទូរស័ព្ទចូល និងជួបគ្រូពេទ្យជំនាញបានឡើយ។ បន្ថែមនោះនាយកដ្ឋានបានសំណូមពរដល់អាជ្ញាធរដែនដីទាំងអស់ អប់រំប្រជាពលរដ្ឋមូលដ្ឋាន និងករណីចាំបាច់គួរចាត់វិធានការតាមផ្លូវច្បាប់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
