គិតត្រឹមយប់ ថ្ងៃទី១៩ ខែមីនានេះ កម្ពុជាបានរកឃើញអ្នកផ្ទុកវីរុស COVID-19 ចំនួន៤៧ករណីហើយ ដែលក្នុងនោះមានតែមួយករណីជាសះស្បើយកាលពីខែកុម្ភៈ នៅលើបុរសជនជាតិចិនម្នាក់ក្នុងខេត្តព្រះសីហនុ។ ក្រៅពីនេះ បើមានករណីអ្នកជាបន្ទាប់ទៀត ពួកគេត្រូវមានលក្ខខណ្ឌអីខ្លះ ទើបអាចចេញពីមន្ទីរពេទ្យបាន។
យោងតាមសារស្តីពីការធ្វើរោគវិនិច្ឆ័យ និងការព្យាបាលជំងឺ COVID-19 នៅប្រទេសកម្ពុជារបស់ក្រសួងសុខាភិបាលបានឲ្យដឹងថា អ្នកជំងឺត្រូវមានលក្ខណៈគ្រប់គ្រាន់ស្របតាមលក្ខខណ្ឌដើម្បីចេញពីមន្ទីរពេទ្យ និងបំពេញលក្ខខណ្ឌមួយចំនួនទៀតបន្ទាប់ពីចេញពីមន្ទីរពេទ្យរបស់ក្រសួងសុខាភិបាលជាមុនសិន។
លក្ខខណ្ឌមុនចេញពីមន្ទីរពេទ្យរួមមាន៖
១. កម្តៅមិនលើសពី៣៨អង្សាសេ លើសពី៣ថ្ងៃ
២. គ្មានសញ្ញា ឬមានការប្រសើរឡើងចំពោះវិបត្តិផ្លូវដង្ហើម
៣. លទ្ធផលអវិជ្ជមានចំនួន២ដងជាប់គ្នា តាមការវិភាគ SARS-CoV-2 PCR tests on URT or LRT ដែលបានយកសំណាករៀងរាល់២-៤ថ្ងៃ (ចន្លោះពេលនៃការយកសំណាកម្តងទៅម្តងទៀតជាមធ្យម២៤ម៉ោង)។
បន្ទាប់ពីការចេញពីមន្ទីរពេទ្យ៖
បន្ទាប់ពីបានចាកចេញពីមន្ទីរពេទ្យ ទិន្នន័យទាក់ទងនឹងការចូលសម្រាកពេទ្យ ត្រូវបញ្ជូនទៅនាយកដ្ឋានប្រយុទ្ធនឹងជំងឺឆ្លង។ អ្នកជំងឺត្រូវបានណែនាំឲ្យអនុវត្តដូចខាងក្រោម៖
១. តាមដានស្ថានភាពសុខភាពផ្ទាល់ខ្លួន ដោយនៅដាច់ដោយឡែករយៈពេល១៤ថ្ងៃ។
២. ពាក់ម៉ាស់ និងអនុវត្តអនាម័យដៃឲ្យបានទៀងទាត់។
៣. ស្នាក់នៅបន្ទប់ម្នាក់ឯង មានខ្យល់ចេញចូលបានល្អ កាត់បន្ថយការទាក់ទងជិតស្និទ្ធជាមួយសមាជិកគ្រួសារ បរិភោគអាហារដោយឡែកពីគ្នា។
៤. ត្រលប់ទៅតាមដានសុខភាពវិញនៅចន្លោះពី២-៤សប្តាហ៍បន្ទាប់ពីចេញពីមន្ទីរពេទ្យ។
អត្ថបទពាក់ព័ន្ធ៖
- ថ្នាំប្រឆាំងវីរុសផ្ដាសាយ Avigan មានប្រសិទ្ធភាពព្យាបាលរោគសញ្ញាបង្កដោយវីរុស COVID-19
- វីរុស Covid-19 អាចសម្ងំក្នុងខ្លួនយើងដល់ទៅ ២៧ថ្ងៃ ទើបចេញរោគសញ្ញា
- ក្ដីសង្ឃឹមកាន់តែច្រើន វ៉ាក់សាំងវីរុស COVID-19 ត្រូវបានរកឃើញជាបន្តបន្ទាប់
- សំណួរ-ចម្លើយ អំពីថ្នាំ និងការព្យាបាលអ្នកជំងឺបង្កឡើងដោយវីរុសកូរ៉ូណាថ្មី
- ការសិក្សា៖ អ្នកមានឈាមប្រភេទ A ងាយរងគ្រោះដោយវីរុស COVID-19 ជាងអ្នកផ្សេង
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
