ខណៈកម្ពុជា-ថៃ បិទច្រកព្រំដែនជាបណ្តោះអាសន្នដើម្បីទប់ស្កាត់ការឆ្លងរាលដាលជំងឺ COVID-19 កាលពីម្សិលមិញនេះ ពលករខ្មែរបានសម្រុកវិលត្រលប់មកស្រុកកំណើតវិញ។ ស្របពេលដែលពលករខ្មែរសម្រុកចាកចេញពីថៃ មកកម្ពុជា ក្រសួងសុខាភិបាលទទូចឲ្យពលរដ្ឋដែលទើបត្រលប់មកពីបរទេសទាំងអស់ ដាក់ខ្លួនឲ្យនៅដាច់ដោយឡែកនៅផ្ទះរៀងខ្លួនចំនួន១៤ថ្ងៃ ដើម្បីតាមដានសុខភាព និងអនុវត្តវិធានអនាម័យជាប្រចាំ ហើយទៅជួបពេទ្យបើមានអាការៈមិនស្រួលខ្លួន។
ខាងក្រោមនេះជាវិធីដាក់ខ្លួនឯងឲ្យនៅដាច់ដោយឡែក តាមការគោលការណ៍ណែនាំរបស់ក្រសួងសុខាភិបាល។
១. បន្ទប់ត្រូវមានខ្យល់ចេញចូលល្អ
២. កាត់បន្ថយការប្រើប្រាស់កន្លែងទំនេររួម និងកាត់បន្ថយកន្លែងរស់នៅរួមគ្នា
៣. ត្រូវតាមដានសុខភាពផ្ទាល់ខ្លួន និងរោគសញ្ញារយៈពេល១៤ថ្ងៃ
៤. បើមានរោគសញ្ញាណាមួយ ឬមានបញ្ហាសុខភាព ត្រូវរាយការណ៍ទៅលេខ ១១៥
៥. អនុវត្តអនាម័យឲ្យបានញឹកញាប់
៦. ខ្ទប់ច្រមុះ ឬមាត់ ដោយប្រើកែងដៃ ឬក្រដាសអនាម័យ ពេលក្អក ឬកណ្តាស់
៧. ត្រូវសម្អាតបន្ទប់ស្នាក់នៅ និងបន្ទប់ទឹកឲ្យបានញឹកញាប់
៨. ត្រូវបោកគក់សម្លៀកបំពាក់ ស្រោមពូក ស្រោមខ្នើយ និងគ្រឿងបរិក្ខារប្រើប្រាស់ផ្សេងៗ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
