ស្ថានទូតខ្មែរប្រចាំប្រទេសថៃបានចេញសេចក្តីជូនដំណឹង អំពីរដ្ឋាភិបាលថៃដាក់បម្រាមគោចរទូទាំងប្រទេស ដោយស្នើឲ្យពលរដ្ឋខ្មែរសហការជាមួយអាជ្ញាធរថៃក្នុងការអនុវត្តសេចក្តីប្រកាសបម្រាមគោចរនេះឲ្យបានខ្ជាប់ខ្ជួន។
ក្នុងបម្រាមគោចរនោះ រដ្ឋាភិបាលថៃហាមមិនឲ្យប្រជាជនទូទាំងប្រទេសចេញក្រៅ ចាប់ពីម៉ោង១០៖០០យប់ ដល់ម៉ោង ៤៖០០ព្រឹក លើកលែងតែមានករណីចាំបាច់ ឬអ្នកបំពេញការងារផ្នែកវេជ្ជសាស្ត្រ ធនាគារ ដឹកជញ្ជូនសម្ភារៈ គ្រឿងឧបភោគបរិភោគ ផលិតផលកសិកម្ម ថ្នាំពេទ្យ និងគ្រឿងបរិក្ខារពេទ្យ កាសែត ប្រេងឥន្ធនៈ ទំនិញនាំចេញនាំចូលជាដើម។
ក្នុងករណីជនណាល្មើសនឹងបម្រាមខាងលើ ត្រូវជាប់ពន្ធនាគារដល់២ឆ្នាំ ឬពិន័យជាប្រាក់រហូតដល់ ៤០.០០០បាត (ប្រហែល ១.២៥០ដុល្លារ)។
សេចក្តីប្រកាសអំពីការដាក់បម្រាមគោចរទូទាំងប្រទេស ចូលជាធរមានចាប់ពីយប់ថ្ងៃទី៣ មេសានេះតទៅ រហូតដល់ស្ថានការណ៍វិលមកភាពប្រក្រតីវិញ ដើម្បីទប់ស្កាត់ការរីករាលដាលនៃ COVID-19។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
