ការស្រាវជ្រាវថ្មីមួយរបស់សមាគមជំងឺគ្រោះថ្នាក់សរសៃឈាមខួរក្បាលអាមេរិក លើកឡើងថា ស្ត្រីដែលមានជំងឺEndometriosis អាចមានហានិភ័យខ្ពស់ប្រឈមនឹងបញ្ហាគ្រោះថ្នាក់សរសៃឈាមខួរក្បាល ជាងអ្នកដែលគ្មានជំងឺមួយនេះ ។

ជំងឺ Endometriosis គឺជាស្ថានភាពទូទៅមួយដែលកើតមាននៅពេលជាលិកាស្រដៀងទៅនឹងជាលិកានៅជញ្ជាំងស្បូនចាប់ផ្ដើមដុះនៅកន្លែងផ្សេងដូចជានៅអូវែ ឬពោះវៀនជាដើម។ ជំងឺនេះមានរោគសញ្ញាដូចជាឈឺពោះផ្នែកខាងក្រោម កម្រិតឈឺពោះពេលមានរដូវខុសពីធម្មតា មានការឈឺចាប់ពេលរួមភេទ ទល់លាមក និងពិបាកក្នុងការមានកូន។

ជំងឺEndometriosis ប៉ះពាល់ដល់ស្ត្រីក្នុងវ័យបន្តពូជនៅសហរដ្ឋអាមេរិកប្រហែលជា១០% ហើយជំងឺនេះ អាចបង្កហានិភ័យខ្ពស់នៃជំងឺសរសៃឈាមបេះដូង ដូចជាគាំងបេះដូង សម្ពាធឈាមខ្ពស់ និងកូលេស្តេរ៉ូលខ្ពស់។

កម្មវិធីពិនិត្យជំងឺមហារីកពោះវៀនធំអនឡាញ

កម្មវិធីពិនិត្យសុខភាពក្រពះពោះវៀនអនឡាញ

កម្មវិធីពិនិត្យជំងឺរលាកពោះវៀនរ៉ាំរ៉ៃអនឡាញ

ជាក់ស្ដែង ក្រុមអ្នកស្រាវជ្រាវបានពិនិត្យពីទំនាក់ទំនងរវាងជំងឺEndometriosis និងការវិវត្តនៃបញ្ហាគ្រោះថ្នាក់សរសៃឈាមខួរក្បាល ក្នុងចំណោមស្ត្រីដែលចុះឈ្មោះក្នុងការសិក្សាចំនួន១១២ ០៥៦នាក់ដែលមានអាយុចន្លោះពី២៥ឆ្នាំ ដល់៤២ឆ្នាំក្នុងឆ្នាំ១៩៨៩ និងបញ្ចប់នៅឆ្នាំ២០១៧។

គ្រោះថ្នាក់សរសៃឈាមខួរក្បាល

ក្រុមអ្នកស្រាវជ្រាវបានវិភាគទិន្នន័យជារៀងរាល់២ឆ្នាំម្ដង ដោយផ្ដោតលើកត្តាហានិភ័យមួយចំនួន ដែលរួមមានការញ៉ាំគ្រឿងស្រវឹង សន្ទស្សន៍ម៉ាសរាងកាយ ការប្រើថ្នាំពន្យារកំណើត ការជក់បារី របបអាហារ សកម្មភាពរាងកាយ និងការប្រើប្រាស់ថ្នាំអាស្ពីរីន។ ព្រមទាំងស្រាវជ្រាវថាតើទំនាក់ទំនងរវាងជំងឺEndometriosis និងហានិភ័យនៃគ្រោះថ្នាក់សរសៃឈាមខួរក្បាល អាចបណ្ដាលមកពីកត្តាផ្សេងៗដូចជា សម្ពាធឈាមខ្ពស់ កូលេស្តេរ៉ូលខ្ពស់ ការកាត់យកក្រពេញអូរវែចេញ និងការប្រើថ្នាំប្រភេទអ័រម៉ូនព្យាបាលក្រោយអស់រដូវដែរឬអត់?

អត្ថបទគួរអាន៖

ជាលទ្ធផល៖

ស្ត្រីដែលកើតជំងឺEndometriosis មានហានិភ័យខ្ពស់ជាងស្ត្រីដែលគ្មានជំងឺនេះចំនួន៣៤%។
ហានិភ័យនៃបញ្ហាគ្រោះថ្នាក់សរសៃឈាមខួរក្បាល ដែលផ្សារភ្ជាប់នឹងជំងឺ Endometriosis គឺពាក់ព័ន្ធនឹងការកាត់ក្រពេញអូរវែ (៣៩%) និងការប្រើថ្នាំប្រភេទអ័រម៉ូនព្យាបាលក្រោយអស់រដូវ (១៦%)។
ពុំមានភាពខុសគ្នាដែលគួរឲ្យកត់សម្គាល់នៅក្នុងទំនាក់ទំនងរវាងជំងឺEndometriosis និងគ្រោះថ្នាក់សរសៃឈាមខួរក្បាលលើកត្តាជាច្រើនដូចជា អាយុ សន្ទស្សន៍ម៉ាសរាងកាយ ឬស្ថានភាពអស់រដូវឡើយ។

ស្រីៗកើតជំងឺEndometriosis ងាយប្រឈមគ្រោះថ្នាក់សរសៃឈាមខួរក្បាល

ជា​លទ្ធផល៖ ​​​​​

ជាលទ្ធផល៖