ការលើសកូលេស្តេរ៉ូលគឺជាបញ្ហាមួយក្នុងចំណោមមូលហេតុបង្កនាំមុខបណ្តាលឲ្យមានជំងឺបេះដូងផ្សេងៗ ដូចជា ជំងឺគាំងបេះដូង ជំងឺលើសសំពាធឈាម ជំងឺតម្រងនោម និងជំងឺមួយចំនួនផ្សេងទៀត។ តើគួរធ្វើបែបណាទើបអាចជៀសផុតពីបញ្ហានេះ?

កុំទាន់អាលបារម្ភអី! អត្ថបទ Hello គ្រូពេទ្យ ថ្ងៃនេះនឹងពន្យល់គ្នាយើងអំពីវិធីការពារបេះដូង។

១– ផ្លាស់ប្តូរជីវិតរស់នៅប្រចាំថ្ងៃ និងវិធីព្យាបាលនៅផ្ទះ

ដើម្បីឲ្យកម្រិតកូលេស្តេរ៉ូលក្នុងខ្លួនរបស់យើងស្ថិតនៅបរិមាណមួយសមស្រប គប្បីធ្វើការផ្លាស់ប្តូរការរស់នៅប្រចាំថ្ងៃរបស់យើងដែលនាំឲ្យសុខភាពល្អ ដូចជាវិធីមួយចំនួនខាងក្រោមនេះ៖

ញ៉ាំអាហារដែលនាំឲ្យសុខភាពល្អ៖ គ្នាប្រហែលជាមិនដឹងទេថា តាមពិតកូលេស្តេរ៉ូលត្រូវបានផលិតដោយសរីរាង្គថ្លើមនៅក្នុងខ្លួនរបស់យើងនោះទេ ថ្លើមផលិតកូលេស្តេរ៉ូលប្រមាណជា ១០០០មិល្លីក្រាមជារៀងរាល់ថ្ងៃ ក៏ប៉ុន្តែ រាល់អាហារដែលយើងញ៉ាំសុទ្ធតែអាចជះឥទ្ធិពលដល់បម្រែបម្រួលកម្រិតរបស់វា។ ហេតុនេះ គប្បីទទួលទានអាហារដែលមានតុល្យភាពដើម្បីជួយកាត់បន្ថយកម្រិតកូលេស្តេរ៉ុលក្នុងខ្លួន៖

ញ៉ាំពពួកខ្លាញ់ល្អ៖ យើងគប្បីញ៉ាំពពួកខ្លាញ់ Monounsaturated ដូចជា ប្រេងអូលីវ ប្រេងកាណូឡា ផ្លែបឺរ គ្រាប់អាល់មុន (Almond) គ្រាប់វាល់ណឺត (Walnut) និង សណ្តែកដី។ ជៀសវាងទទួលទានពពួកខ្លាញ់ឆ្អែតដែលអាចធ្វើឲ្យកម្រិតកូលេស្តេរ៉ូលសរុប និងពពួកកូលេស្តេរ៉ុល LDL ក្នុងឈាមឡើងខ្ពស់ ដូចជា សាច់ក្រហម សាច់ចំអិនស្រាប់ (កំប៉ុង) និងផលិតផលទឹកដោះគោដែលមានជាតិខ្លាញ់។
ជៀសវាងញ៉ាំពពួកខ្លាញ់មិនឆ្អែត (Trans fats)៖ ការទទួលទានខ្លាញ់ប្រភេទនេះអាចធ្វើឲ្យពពួកកូលេស្តេរ៉ូលមិនល្អ LDL កើនឡើង និងពពួកកូលេស្តេរ៉ុលល្អ HDL ថយចុះ។ ហេតុនេះ គប្បីព្យាយាមកាត់បន្ថយ ឬក៏ជៀសវាងរាល់ប្រភេទអាហារដែលសម្បូរខ្លាញ់ប្រភេទនេះ ដូចជា បឺរ Magarine នំឃុកឃី (Cookies) នំCrackers និងនំខេក។
កំណត់ការញ៉ាំអាហារដែលមានផ្ទុកកូលេស្តេរ៉ូល៖ ដូចជា ពពួកសាច់គ្រឿងក្នុង ស៊ុតក្រហម និងទឹកដោះគោ។ គប្បីទទួលទានប្រភេទសាច់សុទ្ធ និងប្រភេទទឹកដោះគោដែលមានខ្លាញ់តិច ឬក៏គ្មានតែម្តង ហើយគួរព្យាយាមកំណត់បរិមាណស៊ុតដែលទទួលទានផងដែរ។
គប្បីជ្រើសរើសប្រភេទអង្ករសម្រាប់ញ៉ាំ៖ គប្បីទទួលទានប្រភេទនំប៉័ងស្រូវសាឡី (សម្បូរគ្រាប់ធញ្ញជាតិ) ប៉ាស្តាស្រូវសាលី ម្ស៉ៅស្រូវសាឡី និងអង្ករសំរូប។
បន្លែផ្លែឈើ៖ គប្បីទទួលទានបន្លែផ្លែឈើឲ្យបានច្រើន ព្រោះវាសម្បូរទៅដោយសារធាតុសរសៃដែលអាចជួយកាត់បន្ថយបរិមាណកូលេស្តេរ៉ូលផងដែរ។
ត្រី៖ គប្បីទទួលទានពពួកត្រីដែលមានខ្លាញ់ឆ្អែតតិច ដូចជា ត្រីម័ររុយ (Cod) ត្រីធូណា (Tuna) និងត្រីហាលីបាត់ (Halibut)។ ពពួកត្រីដែលសម្បូរអាស៊ីតអូមេហ្គា ៣ ដូចជា ត្រីសាល់មុន (Salmon) ត្រីស្បៃកា (Mackerel) និងត្រីហារ៉ុង (Herring) ក៏ល្អចំពោះសុខភាពបេះដូងដូចគ្នា។
គប្បីកាត់បន្ថយការទទួលទានគ្រឿងស្រវឹង។

សម្រកទម្ងន់៖ ការលើសទម្ងន់ក៏ជាមូលហេតុបង្កចម្បងដែលបណ្តាលឲ្យមានបញ្ហាលើសកូលេស្តេរ៉ូលផងដែរ។ ហេតុនេះ គប្បីទទួលទានអាហារដែលមានតុល្យភាព និងផ្លាស់ប្តូរទំលាប់រស់នៅប្រចាំថ្ងៃ ក៏ដូចជាពិគ្រោះយោបល់ជាមួយនឹងគ្រូពេទ្យបន្ថែមទាក់ទងទៅនឹងវិធីសម្រកទម្ងន់សមស្របណាមួយប្រសិនបើយើងលើសទម្ងន់។

ហាត់ប្រាណ៖ គប្បីហាត់ប្រាណឲ្យបានទៀងទាត់ដើម្បីកាត់បន្ថយបរិមាណកូលេស្តេរ៉ូលក្នុងឈាម។ គួរតែចំណាយពេល ៣០ ទៅ ៦០នាទី ហាត់ប្រាណឲ្យបានរាល់ថ្ងៃ។

ឈប់ជក់បារី៖ ការជក់បារីក៏ជាកត្តាចំបងមួយដែលអាចធ្វើឲ្យយើងកាន់តែប្រឈមទៅនឹងជំងឺបេះដូងផងដែរ។ ហេតុនេះ គប្បីព្យាយាមកាត់បន្ថយ ឬក៏បើអាច គួរតែឈប់ជក់តែម្តង។

អាហារគួរកាត់បន្ថយ

២– វិធីការពារ

យើងអាចបង្ការខ្លួនពីបញ្ហាលើសកូលេស្តេរ៉ូលនេះតាមរយៈការផ្លាស់ប្តូរជីវិតរស់នៅប្រចាំថ្ងៃទៅជាជីវិតដែលប្រកបទៅដោយផាសុកភាពដែលនាំឲ្យមានសុខភាពល្អ ដូចជា៖

ទទួលទានអាហារដែលមានតុល្យភាព ដូចជា បន្លែ ផ្លែឈើ និង គ្រាប់ធញ្ញជាតិ
កំណត់ការញ៉ាំអាហារដែលសម្បូរជាតិខ្លាញ់
រក្សាទម្ងន់របស់យើងឲ្យស្ថិតក្នុងកម្រិតធម្មតា
កំណត់ការញ៉ាំស្រា និងជក់បារី
ហាត់ប្រាណប្រចាំថ្ងៃ។

ឮតែនិយាយពីកូលេស្តេរ៉ូល! តើមកពីណា ប៉ះពាល់​សុខភាព​ម៉េចខ្លះ?

១– ផ្លាស់ប្តូរជីវិតរស់នៅប្រចាំថ្ងៃ និងវិធីព្យាបាលនៅផ្ទះ

២– វិធីការពារ

ឮតែនិយាយពីកូលេស្តេរ៉ូល! តើមកពីណា ប៉ះពាល់សុខភាពម៉េចខ្លះ?