មនុស្សមួយចំនួនជឿថា ការមិនញ៉ាំអាហារពេលល្ងាចអាចធ្វើឲ្យពួកគេស្រកទម្ងន់បាន តើជំនឿនេះ គឺជាការពិតដែរឬទេ?
មាតិកា
មិនញ៉ាំអាហារពេលល្ងាច អាចនាំឲ្យឡើងទម្ងន់?
ពិតណាស់ នៅពេលដែលយើងមិនញ៉ាំអាហារ ជាតិស្ករក្នុងឈាមនឹងថយចុះ ដែលបណ្ដាលឲ្យមានការរាំងស្ទះដល់សមត្ថភាពក្នុងការគិតពិចារណា ពីព្រោះខួរក្បាលប្រើប្រាស់គ្លុយកូស ដើម្បីដំណើរការ ហើយប្រសិនបើគ្លុយកូសមិនគ្រប់គ្រាន់សម្រាប់ការប្រើប្រាស់ទេនោះ រាងកាយរបស់យើងក៏មិនអាចបំពេញការងារប្រកបដោយប្រសិទ្ធភាពដែរ។
ជាក់ស្ដែង ជាតិស្ករក្នុងឈាមទាបធ្វើឲ្យមនុស្សយើងមានអារម្មណ៍នៅមិនសុខ ច្របូកច្របល់ និងអស់កម្លាំង។ រាងកាយក៏ចាប់ផ្ដើមបង្កើនការផលិតអ័រម៉ូនCortisol ដែលធ្វើឲ្យយើងតានតឹង និងឃ្លាន។
លើសពីនេះ ការមិនញ៉ាំអាហារក៏អាចបណ្ដាលឲ្យការធ្វើមេតាប៉ូលីសមានការយឺតយ៉ាវ ដែលអាចបណ្ដាលឲ្យឡើងទម្ងន់ ឬពិបាកក្នុងការស្រកទម្ងន់។
មិនញ៉ាំអាហារ ធ្វើឲ្យរាងកាយឃ្លានអាហារកាន់តែខ្លាំង
ជាទូទៅ នៅពេលដែលគ្នាយើងមិនញ៉ាំអាហារ ឬបង្អត់អាហារខ្លួនឯងរយៈពេលយូរ រាងកាយរបស់យើងនឹងឃ្លានកាន់តែខ្លាំងឡើង ហើយអាចជ្រើសរើសអាហារផ្សេងៗដែលមិនល្អចំពោះសុខភាពមកញ៉ាំជំនួសវិញថែមទៀតផង។
ទម្លាប់មិនញ៉ាំអាហារពេលល្ងាច ជះឥទ្ធិពលដល់ការឡើងទម្ងន់
យោងតាមការសិក្សានៅសាកលវិទ្យាល័យអូសាកា ដែលសិក្សាពីការវាយតម្លៃទម្លាប់ញ៉ាំអាហារពេលព្រឹក ពេលថ្ងៃត្រង់ និងពេលល្ងាច បានធ្វើការសន្និដ្ឋានថា ការមិនញ៉ាំអាហារពេលល្ងាចអាចធ្វើឲ្យយើងលើសទម្ងន់ ឬធាត់ជ្រុល។ ជាធម្មតា អាហារពេលល្ងាច ជាអាហារដែលមានសារធាតុចិញ្ចឹម ដូចជាប្រូតេអ៊ីនដែលគ្មានខ្លាញ់ និងបន្លែ ដូច្នេះហើយ ការខកខានញ៉ាំអាហារពេលល្ងាចអាចធ្វើឲ្យគុណភាពអាហារថយចុះ។
តិចនិកកុំឲ្យរំលងការញ៉ាំអាហារ
ទោះបីជាយើងរវល់យ៉ាងណាក៏ដោយ ការញ៉ាំអាហារឲ្យបានទៀងទាត់ គឺជារឿងសំខាន់ណាស់។ ចូរអនុវត្តតាមវិធីសាស្ត្រទាំងនេះ ដើម្បីទទួលបានសុខភាពល្អ និងរាងកាយរឹងមាំ។
- ញ៉ាំតិចៗ ប៉ុន្តែញឹកញាប់
- ញ៉ាំអាហារសម្រន់ផ្សេងៗ ដូចជាទឹកដោះគោជូរ ឬគ្រាប់ធញ្ញជាតិ ដែលមានជាតិប្រូតេអ៊ីន និងជាតិសរសៃខ្ពស់។
- រៀបចំផែនការអាហារទុកជាមុន។
គណនា BMR
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.piedmont.org/living-better/what-happens-to-the-body-when-you-skip-meals#:~:text=Skipping%20meals%20can%20also%20cause,you%20to%20eat%20a%20lot
https://www.insider.com/skipping-dinner-linked-to-weight-gain-obesity-study-osaka-2021-1
https://www.huffpost.com/entry/how-skipping-meals-can-make-you-gain-weight_b_588a37d8e4b01ea6978989bc
កំណែប្រែបច្ចុប្បន្ន
01/06/2021
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម