ជាទូទៅ មនុស្សភាគច្រើនដឹងថា ការប្រើប្រាស់គ្រឿងញៀនបណ្តាលឲ្យអ្នកប្រើប្រាស់បាត់បង់ស្មារតី និងភាពជាម្ចាស់ការក្រោយពីប្រើប្រាស់លើសកម្រិត ឬប្រើគ្រឿងញៀនជាប្រចាំ។ មិនតែប៉ុណ្ណោះ ការប្រើប្រាស់គ្រឿងញៀនផ្តល់ការរំខានដល់បំពេញភារកិច្ច ការងារ ការសិក្សា ជីវភាពរស់នៅ និងសង្គម។
បើតាមប្រភពមន្ទីរពេទ្យកាល់ម៉ែត យើងអាចសង្កេតដឹងថា អ្នកណាម្នាក់ប្រើប្រាស់គ្រឿងញៀនដូចជា មេតំហ្វេតាមីន (Méthamphétamine) អំហ្វេតាមីន(Amphétamine) កញ្ឆា (Cannabis) កូកាអ៊ីន (Cocaïne) និង Ectasy អាចបណ្ដាលឲ្យមានរោគសញ្ញា និងផលប៉ះពាល់មួយចំនួនដូចខាងក្រោម៖
១. មេតំហ្វេតាមីន(Méthamphétamine) និង អំហ្វេតាមីន(Amphétamine)
អ្នកប្រើប្រាស់មិនឃ្លានអាហារ ចុះស្គម រីកប្រសីភ្នែក ឆាប់ផ្អើល ធ្លាក់ទឹកចិត្ត បាត់បង់វិចារណញ្ញាណ បែកញើសជោគខ្លួន ញ័រ ឆេវឆាវ កាច ថប់បារម្ភ ធ្លាក់ទឹកចិត្ត មានគំនិតចង់សម្លាប់ខ្លួន ស្រវាំងភ្នែក រីកប្រសីភ្នែក វង្វេង ឡេះឡះ។
២. កញ្ឆា (Cannabis)
អ្នកប្រើប្រាស់ឡើងភ្នែកក្រហម ស្ងួតមាត់ សើចម្នាក់ឯងមិនឈប់ ភ្លេចភ្លាំង គ្មានកម្លាំង ល្វើយ ផ្លាស់ប្តូរឥរិយាបថភ្លាមៗ ហ៊ានធ្វើរឿងគ្រោះថ្នាក់ជ្រុល និងអាចបណ្ដាលឲ្យស្លាប់។
៣.កូកាអ៊ីន (Cocaïne)
អ្នកប្រើប្រាស់ពិបាកផ្តោតអារម្មណ៍ ថប់បារម្ភណ៍ ធ្លាក់ទឹកចិត្ត វង្វេង ឆាប់ផ្អើល ឆេវឆាវ វិបត្តិដំណេក មិនឃ្លាន ថយចំណង់ផ្លូវភេទ និយាយច្រើន រីកប្រសីភ្នែក។
អត្ថបទពាក់ព័ន្ធ៖
៤. Ectasy
អ្នកប្រើប្រាស់រមួលក្រពើ ឡើងកម្តៅខ្លួន មិនងងុយគេង បេះដូងលោតញាប់ ស្រវាំងភ្នែក បាត់បង់ការចងចាំ លែងឃ្លានអាហារ សម្ពាធឈាមកើនឡើង ធ្លាក់ទឹកចិត្ត កើនឡើងចំណង់ផ្លូវភេទ និងអាចបណ្តាលឲ្យស្លាប់ ។
ដើម្បីរកវត្តមាន សារធាតុញៀនត្រូវពឹងផ្អែកលើការធ្វើរោគវិនិច្ឆ័យពិនិត្យទឹកនោម។ សារធាតុញៀនមានច្រើនប្រភេទណាស់ ហើយវាសុទ្ធតែផ្តល់ផលប៉ះពាល់ខ្លាំងទៅអ្នកប្រើប្រាស់ មនុស្សជុំវិញខ្លួន និងសង្គមផងដែរ ដូចនេះសូមនៅឆ្ងាយពីគ្រឿងញៀន និងទៅពិគ្រោះជាមួយគ្រូពេទ្យជំនាញ ប្រសិនបើមានបញ្ហាសុខភាពផ្សេងៗ ដើម្បីទទួលបានការព្យាបាលទាន់ពេលវេលា។
អត្ថបទពាក់ព័ន្ធ៖
