ករណីជួបនរណាមានគ្រោះថ្នាក់រហូតសន្លប់បាត់ស្មារតី យើងដែលនៅជិតត្រូវជួយសង្គ្រោះភ្លាមៗ ព្រោះបើទុកជនរងគ្រោះសន្លប់បាត់ស្មារតី អាចស្លាប់ដោយសារស្ទះផ្លូវដង្ហើម ព្រោះកាកសំណល់ផ្សេងៗ កំអួត ស្លេស្ម អណ្ដាតធ្លាក់ចុះស្ទះផ្លូវដង្ហើម ដកដង្ហើមមិនរួច។ នេះបើយោងតាមការចុះផ្សាយរបស់ផេកមន្ទីរពេទ្យកាល់មែត។ ដូចនេះមុនជួយសង្គ្រោះ យើងក៏ត្រូវត្រៀមខ្លួន និងពិនិត្យមើលស្ថានភាពទាំងប៉ុន្មានដូចខាងក្រោម៖

១- ពិនិត្យមើលស្មារតីជនរងគ្រោះ

– តើអ្នកនោះដឹងខ្លួនឬទេ?

– អង្រន់ដាស់ ឬហៅជនរងគ្រោះ?

២- ពិនិត្យដំណកដង្ហើម

– ផ្ងើយក្បាលជនរងគ្រោះដោយដៃម្ខាងទប់ក្បាល និងដៃម្ខាងទៀតទប់ចង្កា

– ត្រចៀកស្ដាប់ខ្យល់ដង្ហើមចេញចូល ភ្នែកសម្លឹងមើលចលនាដើមទ្រូង

៣- ពិនិត្យជីពចរដោយផ្ងើយក្បាលឡើង ស្ទាបដោយម្រាមដៃបីលើបំពង់ក រួចស្ទាបទាញមកម្ខាងដែលយើងអង្គុយ។

៤- របៀបសង្គ្រោះ

– បន្ធូរសម្លៀកបំពាក់ និងរបស់ដែលតឹងរឹតចេញ

– ផ្ងើយក្បាលឲ្យផ្លូវដង្ហើមចំហ

– ត្រួតពិនិត្យ និងសម្អាតក្នុងមាត់

– ត្រួតពិនិត្យមើលដង្ហើម ជីពចរឡើងវិញ បើមានដំណកដង្ហើម និងជីពចរ យើងត្រូវរៀបចំស្ថានភាពដំណេកផ្អៀងឲ្យមានសុវត្ថិភាព ដើម្បីធានាមិនឲ្យស្ទះផ្លូវដង្ហើម។

៥- បច្ចេកទេសរៀបចំស្ថានភាពដំណេកផ្អៀងឲ្យមានសុវត្ថិភាព

* បច្ចេកទេសទី១

– ដោះវ៉ែនតាជនរងគ្រោះចេញ បើមាន

– ដាក់ជើងទាំងសងខាងលាត្រង់

– ដាក់ដៃគាត់ម្ខាងនៅជិតយើង ឲ្យបត់ជាមុំកែង ដោយបាតដៃផ្ងារឡើងលើ

– ដាក់ដៃគាត់ម្ខាងទៀតឲ្យប៉ះថ្ពាល់ ហើយទប់ដោយដៃយើងម្ខាង ឲ្យជាប់ត្រង់ថ្ពាល់នោះ

– ដៃយើងម្ខាងទៀតចាប់ទាញជើងរបស់ជនរងគ្រោះដែលនៅឆ្ងាយពីយើង ចាប់កាន់ត្រង់ជង្គង់ ដើម្បីបត់បញ្ឈរជង្គង់ឡើង

– ដៃម្ខាងទប់ត្រង់ថ្ពាល់ រួចបង្វិលគាត់ឲ្យមកខាងយើងអង្គុយ ហើយដាក់ប្រអប់ជើងលើដី

– ពិនិត្យមើលស្ថានភាពក្បាលដែលត្រូវងើយបន្តិច មាត់បែរមកខាងដី

– ត្រួតពិនិត្យផ្លូវដង្ហើមឡើងវិញ។

* បច្ចេកទេសទី ២

– ទាញដៃម្ខាងដែលនៅឆ្ងាយពីយើងឡើងមកខាងលើត្រង់តាមទម្រង់ដងខ្លួន

– ទាញដៃម្ខាងដែលនៅក្បែរយើងបត់ឡើងមកខាងលើដងខ្លួន(លើទ្រូង)

– ទាញជង្គង់ម្ខាងដែលនៅក្បែរយើងបញ្ឈរឡើងលើ

– ដៃយើងម្ខាងទៀតលូកចូលទប់ក្រោមក្បាល និងទប់ក្រោមស្មារបស់ជនរងគ្រោះ

– បន្ទាប់មកដៃយើងម្ខាងទៀតទប់ក្បាលជង្គង់ រួចបង្វិលជនរងគ្រោះមកម្ខាងទៀត លើផ្ទៃរាបថ្នមៗ

– រក្សាដៃម្ខាងទប់ក្រោមក្បាល ទប់ស្មារបស់ជនរងគ្រោះ និងទាញយកដៃម្ខាងទៀតរបស់ជនរងគ្រោះ ដោយលាបាតដៃដាក់លើផ្ទៃរាប ទប់ក្រោមដើមទ្រូង

– រៀបចំស្ថានភាពរបស់ជនរងគ្រោះ និងពិនិត្យផ្លូវដង្ហើមឲ្យចំហ សម្រួលការដកដង្ហើម

– ដាក់ជនរងគ្រោះក្នុងស្ថានភាពផ្អៀង និងពិនិត្យតាមដានចលនាដង្ហើម រហូតដល់ក្រុមសង្គ្រោះមកដល់

ក្នុងករណីជួបស្ថានការណ៍ដូចបានរៀបរាប់ សូមរៀបចំបញ្ជូនអ្នកសន្លប់មកមន្ទីរពេទ្យដែលនៅជិតបំផុត ដោយត្រូវដាក់ជនរងគ្រោះក្នុងស្ថានភាពដំណេកផ្អៀងសុវត្ថិភាព។

វិធីជួយសង្គ្រោះ ពេលមានអ្នកសន្លប់បាត់ស្មារតី មិនឲ្យស្ទះដង្ហើម

១- ពិនិត្យ​មើល​ស្មារតី​ជន​រងគ្រោះ

២- ពិនិត្យ​ដំណក​ដង្ហើម

៤- របៀប​សង្គ្រោះ

៥- បច្ចេកទេស​រៀបចំ​ស្ថានភាព​ដំណេក​ផ្អៀង​ឲ្យ​មាន​សុវត្ថិភាព

១- ពិនិត្យមើលស្មារតីជនរងគ្រោះ

២- ពិនិត្យដំណកដង្ហើម

៤- របៀបសង្គ្រោះ

៥- បច្ចេកទេសរៀបចំស្ថានភាពដំណេកផ្អៀងឲ្យមានសុវត្ថិភាព