អំឡុងពេលមករដូវ ស្ត្រីខ្មែរភាគច្រើនប្រើសម្លីអនាម័យ ជាងប្រភេទ tampon ហើយមានចម្ងល់ទាក់ទិននឹងពេលវេលាផ្លាស់ប្ដូរសម្លីឲ្យបានត្រឹមត្រូវ ចៀសវាងទុកយូរនាំឲ្យមានការឆ្លងរោគ។ លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ នឹងបកស្រាយដូចតទៅ។
សម្រាប់ប្រភេទសម្លីអនាម័យត្រូវប្រយ័ត្នឲ្យមែនទែន បើប្រើមួយបន្ទះច្រើនម៉ោងមិនល្អនោះទេ ព្រោះផ្អាប់ពេលយូរនៅជាប់កន្លែងដែលក្ដៅហើយសើម នាំឲ្យមេរោគបំបែកខ្លួន ហើយចូលទៅបង្ករោគនៅផ្លូវនោមវិញ ឬបង្ករោគនៅទ្វារមាស ហើយបើធ្ងន់ធ្ងរ ឡើងជាកន្ទួលរមាស់បរិវេណសម្ងាត់នោះជាដើម។ ស្តង់ដារដូរសំឡីអនាម័យគឺចន្លោះ ៤-៥ ម៉ោងម្ដង តែបើឈាមរដូវយើងច្រើន អាច ៣-៤ ម៉ោងក៏បាន។
វេជ្ជបណ្ឌិត ពឹង ជុតិមា ក៏បានពន្យល់ពីប្រភេទរបៀបប្រើ tampon ផងដែរ ដោយស៊កវាទៅក្នុងទ្វារមាស ហើយគួរដូរ ៣ ម៉ោងម្ដង។ តែបើអាចប្រែប្រួលតាមស្ត្រីម្នាក់ៗ ព្រោះខ្លះអាចមកឈាមរដូវច្រើន ដូចនេះត្រូវឧស្សាហ៍ដូរ ហើយមកតិចក៏មិនគួរទុកឲ្យលើសពី ៥ ម៉ោងឡើយ។ ព្រោះបើទុកយូរ អាចបណ្ដាលឲ្យបាក់តេរីជ្រាបចូលក្នុងទ្វារមាស នាំឲ្យមានការបង្ករោគធ្ងន់ធ្ងរ។
នាយិកាសេវាកម្មគ្លីនិក រ៉ាក់ បានបន្ថែមទៀតថា ថ្ងៃមករដូវច្រើនជាងគេ នៅថ្ងៃទី២ និងទី៣ ដូចនេះគួរតែឧស្សាហ៍ដូរញឹកញាប់។
អត្ថបទពាក់ព័ន្ធ៖
- គ្មានអនាម័យនាំឲ្យធ្លាក់ស តែអនាម័យជ្រុលក៏ជាដើមហេតុដែរ!
- ហេតុផល ស្រ្តីមករដូវមិនគួរតមចំណីអាហារ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-ovulation]
