មនុស្សស្រីយើងជាច្រើននាក់ទំនងបានគិតថាការណាត់ជួបជាមួយគ្រូពេទ្យឯកទេសសម្ភព និងរោគស្ត្រី (OB/GYN) គឺជារឿងដែលគួរឲ្យខ្មាសអៀន និងគ្នាយើងខ្លះក៏ទំនងជាបានព្យាយាមគេចវេស មិនព្រមទៅជួបពេទ្យតាមដែលអាចធ្វើបានផង។ គ្រូពេទ្យណែនាំឲ្យស្ត្រីគ្រប់រូបធ្វើតេស្ត Pap (ពិនិត្យកោសិការមាត់ស្បូន) យ៉ាងហោចណាស់ឲ្យបានម្ដងក្នុងរយៈពេល៣ឆ្នាំ។ ប៉ុន្តែទោះជាយ៉ាងណាក្ដី ក៏យើងចាំបាច់ត្រូវទៅជួបជាមួយគ្រូពេទ្យ ឯកទេសសម្ភព និងរោគស្ត្រី ឲ្យបានយ៉ាងតិចម្ដងក្នុងមួយឆ្នាំ ដោយសារតែការណាត់ជួបរាល់ឆ្នាំបែបនេះ ផ្ដល់អត្ថប្រយោជន៍ដល់សុខភាពរបស់យើងជាច្រើន។
កុំចេះតែភ្លេចខ្លួន ស្រីៗគប្បីជួបគ្រូពេទ្យផ្នែកសម្ភពនិងរោគស្រ្តីជារៀងរាល់ឆ្នាំ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- វាជួយឲ្យអ្នកមិនមើលរំលងសុខភាព
ការណាត់ជួបជាមួយគ្រូពេទ្យឯកទេសសម្ភព និងរោគស្ត្គ្រីមិនមែនគ្រាន់តែពិភាក្សាអំពីរឿងពាក់ព័ន្ធជាមួយប្រដាប់បន្តពូជតែមួយមុខនោះទេ។ ក្នុងរយៈពេលនៃការជួបជាមួយគ្រូពេទ្យឯកទេសសម្ភព និងរោគស្ត្រី គ្រូពេទ្យនឹងពិនិត្យលើរាងកាយ ដើម្បីវាយតម្លៃសញ្ញាជីវិត សមាមាត្រទម្ងន់នឹងកម្ពស់ ពិនិត្យតំបន់ពោះ និងពិនិត្យរកមើលកូនកណ្ដុរផ្សេងៗទៀតផង។ គ្រូពេទ្យក៏ពិនិត្យអាងត្រគៀក និងធ្វើតេស្តមួយចំនួន។ ប្រសិនបើមានបញ្ហាណាមួយមិនប្រក្រតីកើតលើសុខភាពរបស់យើង គ្រូពេទ្យ ឯកទេសសម្ភព និងរោគស្ត្រី នឹងជួយស្វែងរកបញ្ហាទាំងអស់នោះជូនយើង។
២- អាចជួយដល់បញ្ហាវដ្ដរដូវមិនទៀង
ប្រសិនបើស្រ្តីគ្នាយើងសង្កេតឃើញថា វដ្ដរដូវរបស់ខ្លួនមកមិនទៀងនៅរយៈពេលថ្មីៗនេះ វាប្រហែលជាត្រូវដល់ពេលទៅជួបជាមួយគ្រូពេទ្យឯកទេសសម្ភព និងរោគស្ត្រី (OB/GYN) ហើយ។ រដូវមកមិនទៀងអាចជាសញ្ញាគ្រោះថ្នាក់បញ្ជាក់អំពីបញ្ហាមិនអាចមានកូន។ រាល់បម្រែបម្រួលផ្សេងៗកើតលើវដ្ដរដូវ ស្រ្តីគ្នាយើងត្រូវយកយកចិត្តទុកដាក់ និងទៅជួបគ្រូពេទ្យឯកទេសសម្ភព និងរោគស្ត្រី និងប្រាប់ពីអការៈទាំងអស់ ដើម្បីឲ្យពួកគាត់អាចមានមធ្យោបាយព្យាបាលបានទាន់ពេលវេលា។
៣- ជួយរកមើលជំងឺកាមរោគ (STDs)
មនុស្សស្រីយើងដែលប្រឡូកក្នុងរឿងលើគ្រែច្រើន គួរតែទៅធ្វើតេស្តពិនិត្យរកមើលជំងឺកាមរោគ ដូចជាពពួកមេរោគ chlamydia និង gonorrhea ឲ្យបានរាល់ឆ្នាំ។ ប្រសិនបើយើងទុកបញ្ហាទាំងនោះចោល មិនព្រមព្យាបាល វាអាចបណ្ដាលឲ្យអ្នកមិនអាចមានកូនបាន។ចំពោះស្រ្តីដែលមានដៃគូរួមភេទច្រើន គួរតែយកចិត្ដទុកដាក់ខ្ពស់ជាមួយការធ្វើតេស្ដ ដោយសារតែប្រឈមមុខខ្ពស់ជាមួយជំងឺទាំងអស់នោះ។ ក្រៅពីពិនិត្យរកមើលជំងឺកាមរោគ ការទៅជួបជាមួយគ្រូពេទ្យសម្ភពនិងរោគស្រ្តី (OB/GYN) ក៏អាចជួយធ្វើតេស្ដទាក់ទងជាមួយបញ្ហាប្លោកនោម បញ្ហាអសមត្ថិភាពផ្លូវភេទ ជំងឺក្រពះពោះវៀន និងជំងឺឆ្អឹងដទៃផ្សេងទៀតបានដូចគ្នា។
៤- ពិនិត្យអំពីវិធីពន្យារកំណើត
ប្រសិនបើស្រ្តីគ្នាយើងប្រើប្រាស់វិធីពន្យារកំណើតតាមវេជ្ជបញ្ជារបស់គ្រូពេទ្យ មានដូចជាលេបថ្នាំគ្រាប់ពន្យារកំណើត ថ្នាំចាក់ បន្ទះបិទ កងដាក់ក្នុងស្បូន និងកងដាក់ក្នុងទ្វារមាស នោះអ្នកចាំបាច់ត្រូវត្រឡប់ទៅជួបគ្រូពេទ្យសម្ភពនិងរោគស្រ្តី (OB/GYN) វិញជារៀងរាល់ឆ្នាំ។ រាល់វិធីទាំងអស់នោះត្រូវតែមានការកែតម្រូវយ៉ាងហោចណាស់ រៀងរាល់បីឆ្នាំម្ដង បន្ទាប់ពីអ្នកសម្រាលបុត្ររួច ឬមានបម្រែបម្រួលទម្ងន់។ ប្រសិនបើយើងត្រូវការមតិយោបលទាក់ទងជាមួយវិធីពន្យារកំណើត ឬអំពីផែនការគ្រួសារ កន្លែងដែលគ្នាយើងត្រូវទៅជួបនោះគឺគ្រូពេទ្យសម្ភពនិងរោគស្រ្តី (OB/GYN) នេះហើយ។
៥- ផ្ដល់ពីព័ត៌មានសំខាន់ៗដល់យើង
ក្នុងអំឡុងពេលណាត់ជួបជាមួយគ្រូពេទ្យ សម្ភពនិងរោគស្រ្តី (OB/GYN)ប្រចាំឆ្នាំ យើងអាចរៀនអំពីតិចនិកទាក់ទងជាមួយសុខភាពបានជាច្រើន មានដូចជាវិធីពិនិត្យសុដន់របស់យើងដោយខ្លួនឯង វិធីរួមភេទដោយមានសុវត្ថិភាព និងតិចនិកជាច្រើនផ្សេងទៀត។ គ្រូពេទ្យនឹងជួយឲ្យយើងបានយល់អំពីវិធីការពាររាងកាយរបស់យើងទៀតផង។ គ្រូពេទ្យជំនាញក៏បង្ហាញប្រាប់យើងថា តើអ្វីជារឿងធម្មតា និងអ្វីខ្លះជាបញ្ហាដែលអាចរកមើលដោយខ្លួនឯង និងត្រូវប្រញ៉ាប់ទៅជួបគ្រូពេទ្យក្នុងករណីណាខ្លះ។
ជាចុងក្រោយ ពេលដែលយើងនិយាយដល់បញ្ហាសុខភាពយើងគឺជាអ្នកដែលត្រូវចាប់ផ្ដើមមុនគេ។ ត្រូវចេះកត់ចំណាំអ្វីដែលកើតឡើងលើរាងកាយរបស់ខ្លួនឯង និងយកអ្វីដែលយើងកត់ទាំងអស់នោះទៅពិភាក្សាជាមួយគ្រូពេទ្យ សម្ភពនិងរោគស្រ្តី (OB/GYN) ពេលយើងទៅជួបជាមួយគ្រូពេទ្យលើកក្រោយ។
រោគសញ្ញាដែលគួរកត់ចំណាំរួមមាន ការធ្លាក់ឈាមមិនប្រក្រតី មានការរលាកទ្វារមាសជាប្រចាំ ឈឺចាប់ពេលរួមភេទ និងមានឈឺលើសុដន់។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម