សម្រាប់គូស្នេហ៍ ឬប្តីប្រពន្ធដែលមិនចង់បានកូន បានជ្រើសរើសមធ្យោបាយពន្យារកំណើតទំនើបដូចជាលេបថ្នាំ ចាក់ថ្នាំ ដាក់កង ជាដើម។ ប៉ុន្តែកន្លងស្ត្រីដែលបានប្រើវិធីពន្យារកំណើតទាំងនោះ បានត្អូញត្អែរពីផលរំខានពីមធ្យោបាយពន្យារកំណើតផ្សេងៗ។ ក្នុងនោះលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ នឹងបង្ហាញពីផលវិបាកមួយចំនួន ដែលយើងតែងជួបកន្លងមក។

១- ថ្នាំគ្រាប់

ស្ត្រីមួយចំនួនអាចមានអាការ:ក្អួតចង្អោរ ឈឺក្បាលតិចៗ សុដន់ឡើងតឹង និងមានការប្រែប្រួលអារម្មណ៍បន្តិចបន្តួច។ ចំណែកស្ត្រីមួយចំនួនអាចនឹងអត់មករដូវ ឬមានធ្លាក់ឈាមតិចតួចចន្លោះរដូវ។ អាការៈទាំងនេះអាចនឹងធូរស្រាល ឬបាត់ទៅវិញក្នុងពេល ២-៣ ខែ ក្រោយពីរាងកាយស្ត្រីស៊ាំជាមួយថ្នាំហើយ។

២- កងដាក់ក្រោមស្បែក

កងដាក់ក្រោមស្បែកផលរំខាន គឺមានភាពឈឺចាប់ទាំងពេលដាក់ និងដក។

៣- ថ្នាំចាក់ពន្យារកំណើត

ថ្នាំចាក់ពន្យារកំណើតផ្ដល់នូវការពន្យារកំណើតបានរយៈពេល ២-៣ខែ អាស្រ័យលើប្រភេទថ្នាំដែលអ្នកប្រើ។ ថ្នាំចាក់មានផ្សំអ័រម៉ូនប្រូហ្សេស្ទីន ដែលមានផលរំខានដូចគ្នានឹងថ្នាំគ្រាប់ហើយវាអាចធ្លាក់ឈាមរអាក់រអួលចន្លោះរដូវ ក្នុងពេលដែលកំពុងប្រើថ្នាំចាក់ពន្យារកំណើត។ ក្នុងរយៈពេល ៣ ខែដំបូង អាចមានការមកឈាមរដូវមិនទៀងទាត់ ឬយូរជាងមុន អាចបាត់រដូវ មករដូវមិនទៀង ជាពិសេសអាចឡើង ឬចុះទម្ងន់។

៤- ថ្នាំពន្យារកំណើតបន្ទាន់ ឬថ្នាំ ៧២ ម៉ោង

ស្រីៗនឹងជួបផលរំខានមួយចំនួនដូចជា ក្អួតចង្អោរ អស់កម្លាំង ឈឺក្បាល វិលមុខ ឈឺដោះជាដើម នៅពេលក្រោយប្រើថ្នាំ ៧២ ម៉ោង។ ដោយហេតុថា លក្ខណៈពិសេសរបស់ថ្នាំពន្យារកំណើតបន្ទាន់មានផ្ទុកនូវសារធាតុអ័រម៉ូនខ្ពស់ជាងថ្នាំពន្យារកំណើតដទៃទៀត ដូច្នេះពុំអនុញ្ញាតឲ្យប្រើថ្នាំនេះច្រើនដងពេកទេ ប្រើត្រឹម ១ ឬ២ ដងប៉ុណ្ណោះ។

៥- ការដាក់កងក្នុងស្បូន

ធ្លាក់ឈាម រដូវមកមិនទៀង មានអារម្មណ៍ថាទើសៗ ឈឺសុដន់ ឈឺក្បាល ឈឺអាងត្រគាក ជាដើម។

ដូចនេះបានលោកវេជ្ជបណ្ឌិត ណែនាំឲ្យស្រ្តីមុនជ្រើសរើសមធ្យោបាយពន្យារកំណើតណាមួយ ត្រូវពិភាក្សាជាមួយគ្រូពេទ្យជំនាញ ហើយអ្នកធ្វើឲ្យត្រូវតែទទួលបានការបណ្ដុះ បណ្ដាលត្រឹមត្រូវ។

ផលរំខានផ្សេងៗ នៃមធ្យោបាយពន្យារកំណើតនីមួយៗ

១- ថ្នាំ​គ្រាប់

២- កង​ដាក់​ក្រោម​ស្បែក

៣- ថ្នាំ​ចាក់​ពន្យារ​កំណើត

៤- ថ្នាំពន្យារ​កំណើត​បន្ទាន់ ឬ​ថ្នាំ ៧២ ម៉ោង

៥- ការ​ដាក់​កង​ក្នុង​ស្បូន

១- ថ្នាំគ្រាប់

២- កងដាក់ក្រោមស្បែក

៣- ថ្នាំចាក់ពន្យារកំណើត

៤- ថ្នាំពន្យារកំណើតបន្ទាន់ ឬថ្នាំ ៧២ ម៉ោង

៥- ការដាក់កងក្នុងស្បូន