ស្រីៗគ្នាយើងធ្លាប់បានដឹងហើយពីមធ្យោបាយពន្យារកំណើតបែបសម័យទំនើបដែលមានច្រើនប្រភេទ ចុះចំណែកការពន្យារកំណើតបែបធម្មជាតិវិញមានប៉ុន្មានប្រភេទ? តើអាចមានសុវត្ថិភាព ១០០% ដូចការពន្យារកំណើតបែបសម័យទំនើបទេ?
ស្រាយចម្ងល់នេះ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅថា ការពន្យារកំណើតបែបធម្មជាតិមាន ២ប្រភេទប៉ុណ្ណោះ គឺការពន្យារកំណើតតាមវដ្តរដូវរបស់ស្រីៗយើង និងការពន្យារកំណើតដោយការបំបៅកូនដោយទឹកដោះ។
១- ការពន្យារកំណើតតាមវដ្តរដូវ
វិធីពន្យារកំណើតនេះសម្រាប់តែស្រីៗគ្នាយើងដែលមានវដ្តរដូវទៀងទាត់ ២៨ ថ្ងៃ ដោយតម្រូវឲ្យដៃគូតមរួមភេទឲ្យបាននៅចន្លោះពីថ្ងៃទី ៨-១៩ នៃរដូវ។
អត្ថបទពាក់ព័ន្ធ៖ នេះរបៀបពន្យារកំណើតតាមប្រតិទិន ស្រីៗរដូវទៀង ឬមិនទៀង អាចអនុវត្តបាន
២- ការពន្យារកំណើតដោយការបំបៅកូន
ការបំបៅកូនដោយទឹកដោះរយៈពេល៦ខែដំបូង ក៏ជាវិធីពន្យារកំណើតបែបធម្មជាតិដែរ ប៉ុន្តែវាមានប្រសិទ្ធភាពលុះត្រាតែម៉ាក់ៗបំបៅដោះកូនឲ្យទៀងទាត់ និងច្រើនដង។
ទោះយ៉ាងណាក៏ដោយ វិធីពន្យារកំណើតបែបធម្មជាតិទាំងពីរខាងលើនេះមិនអាចការពារការបង្កកំណើតបាន ១០០% នោះទេប្រសិនបើវដ្តរដូវរបស់ស្រីៗយើងមិនទៀង ឬកូនបៅតិចពេក ឯឱកាសនៃការឆ្លងជំងឺកាមរោគក៏មានទៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-ovulation]
