បើនិយាយដល់ការឈានដល់កំពូល ពេលរួមដំណេក ប្រុសៗងាយជាងខាងស្រី។ អារម្មណ៍មិនស្ងប់ រវើរវាយ កត្តាសុខភាព ពេលវេលាមិនសមប្រកប ឬខ្វះការបបោសអង្អែល សុទ្ធតែជាចំណែកសំខាន់ៗរាំងខ្ទប់មិនឲ្យអារម្មណ៍ស្រីៗដល់កំពូល។

ប៉ុន្តែ រឿងមួយគេស្មានមិនដល់ គឺ “ធ្វើសមាធិ” ដើម្បីបន្ថយស្ត្រេស ផ្ចង់អារម្មណ៍ ក៏បង្កើនថាមពល និងអារម្មណ៍ស្រើបស្រាល។ តើការអះអាងនេះ មានការពន្យល់យ៉ាងម៉េចខ្លះ?

១- សមាធិអាចជួយយ៉ាងម៉េច?

ម្ង៉ៃៗហត់ពេក រឿងច្រើន ការងារច្រើន ពិតជា រុញច្រានឲ្យស្រីៗមួយចំនួននៅឆ្ងាយពីអារម្មណ៍កញ្ជ្រោលចង់រួមភេទណាស់ ឬបើធ្វើ ក៏មិនងាយដល់ចំណុចកំពូលដែរ។ ផលល្អរបស់សមាធិ គឺជួយកាត់បន្ថយកម្រិតស្រ្តេសអ័រម៉ូន ក័រទីសុល (Cortisol)។ ការធ្លាក់ចុះកម្រិតអ័រម៉ូននេះ ជួយឲ្យអារម្មណ៍ល្អ បង្កើនចំណង់ និងជួយឲ្យឈានដល់ចំណុចកំពូលបាន។

ស្ត្រេសផ្ដល់សម្ពាធ បង្កើនអារម្មណ៍ស្មុគស្មាញ និងបាត់បង់ញាណ។ ពេលស្ត្រេស ភាគច្រើនយើងអត់សូវឃ្លានទេ ឬបើញ៉ាំអីក៏អត់ដឹងជាតិ អត់ដឹងឆ្ងាញ់ដូចគ្នា។ មូលហេតុនេះ ក៏ធ្វើការដូចគ្នានៅកន្លែងដឹងញាណតំបន់ប្រដាប់ភេទ។

ដើម្បីដោះស្រាយបញ្ហាទាំងនេះ អ្នកជំនាញអះអាងថា ព្យាយាមចំណាយពេលហោចណាស់ ១០-២០នាទី ដើម្បីធ្វើសមាធិ ឲ្យអារម្មណ៍ស្ងប់ បន្ថយស្ត្រេស រាល់ថ្ងៃ ឬហោចណាស់ ២-៣ ដង មួយសប្ដាហ៍ បើចង់បង្កើនឱកាសឈានដល់ចំណុចកំពូលពេលរួមសិច។ បើមានលទ្ធភាព អាចទៅរកអ្នកជំនាញ ដើម្បីសមាធិតាមក្បួន ប៉ុន្តែប្រសិនបើអត់ពេល ឬធនធានទេ ព្យាយាមស្វែងយល់ពីរបៀបហាត់ ហើយធ្វើខ្លួនឯងនៅផ្ទះក៏បាន។

២- វិធីធ្វើសមាធិសម្រាប់អ្នកចាប់ផ្ដើមដំបូង

ពិតជាពិបាកបំផុតសម្រាប់អ្នកទើបចាប់ផ្ដើមធ្វើ តែអ្វីដែលអាចយកឈ្នះការរារែកនេះបាន គឺការតាំងចិត្ត ប្ដេជ្ញាថាធ្វើឲ្យបាន។ អារម្មណ៍អត់មូល អង្គុយយូរមិនបាន សុទ្ធតែជាមារ។ រឿងដែលត្រូវធ្វើដំបូងគេគឺ មុនចាប់ផ្ដើមបិទភ្នែក អង្គុយសមាធិ គឺប្រាប់ខ្លួនឯងថា ឈប់គិតរឿងឈឺក្បាលសិន ហើយប្រមូលអារម្មណ៍លើអីដែលសប្បាយៗ ឬយើងពេញចិត្ត ឬតាំងចិត្តលើការរាប់លេខ ដកដង្ហើមវែងៗ ដោយ

ផ្ដោតលើខ្យល់ដង្ហើមចេញចូល
អង្គុយឲ្យត្រង់ដងខ្លួន (ឬរកអ្វីមកផ្អែកខ្នង)
ផ្ដោតអារម្មណ៍លើចង្វាក់ដង្ហើម
ចាប់ផ្ដើមរាប់លេខចាប់ពីលេខ ១ ដើម្បីផ្ចង់អារម្មណ៍
បន្ទាប់ពីធ្វើបែបនេះបាន ៥ នាទី ចាប់ផ្ដើមគិតលើរឿងល្អៗបានកើត
អាចនៅមានរបៀបចាប់ផ្ដើមផ្សេងៗទៀត ព្រោះអ្វីដែលចាំបាច់ គឺធ្វើយ៉ាងណាឲ្យអារម្មណ៍ស្ងប់សិនប៉ុណ្ណោះ។

អត្ថបទពាក់ព័ន្ធ៖

ទម្លាយអាថ៌កំបាំងពីការសម្រេចកាមរបស់ស្រីៗ
បច្ចេកទេសសម្អាតកន្លែងសម្ងាត់ស្រីៗ ការពារកុំឲ្យឆ្លងរោគ រលាក ធុំក្លិន
បើស្រីៗ ខ្សោយ ឬអត់អារម្មណ៍រួមភេទ អាចមកពីមូលហេតុទាំងនេះ
ធុញរឿងឈឺចាប់ខ្លាំងពេលមករដូវ អាចសាកវិធីនេះបាន

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕

សមាធិអាច​ជួយឲ្យស្រីៗឡើង​ឋាន​សួគ៌ដល់ចំណុចកំពូល?

សមាធិអាចជួយឲ្យស្រីៗឡើងឋានសួគ៌ដល់ចំណុចកំពូល?