និយាយរឿងលើគ្រែ អាចធ្វើឲ្យយើងសប្បាយរីករាយ ពិសេសបើកំពុងនៅលើគ្រែជាមួយដៃគូ ឬទើបរួមភេទហើយ។ គ្នាយើងជាច្រើន សុទ្ធតែបានដឹងពីរឿងនេះ ប៉ុន្តែមិនមានន័យថា យើងទាំងអស់ សុទ្ធតែអាចធ្វើនិយាយវាចេញមក ឬនិយាយឲ្យបានត្រឹមត្រូវនោះទេ។ យ៉ាងណា បើយើងមានបញ្ហាពាក់ព័ន្ធជីវិតផ្លូវភេទជាមួយដៃគូ គួរនិយាយចេញដោយចំហ ទើបជួយឲ្យទាំងសងខាងសប្បាយរីករាយបាន កុំលាក់ក្នុងចិត្តម្នាក់ឯងអី “Hello គ្រូពេទ្យ’ នឹងប្រាប់តិចនិកនិយាយរឿងលើគ្រែឲ្យបានត្រឹមត្រូវ កុំឲ្យមានបញ្ហាថ្ងៃក្រោយ។
១- ចាប់ផ្ដើមនិយាយអំពីរឿងតូចៗមុន
នៅពេលយើងមានរឿងច្រើនចង់និយាយ គួរនិយាយរឿងតូចតាចជាមុនសិន ហើយត្រូវសង្កេតមើលការឆ្លើយតបរបស់ដៃគូយើងផង។ បើគិតថា ការនិយាយចេញមកដំណើរការបានល្អ អាចចាប់ផ្ដើមនិយាយស៊ីជម្រៅបានហើយ។ កាន់តែងាយស្រួលទៀតនោះ អាចសាកល្បងថ្ងូរ បញ្ចេញសញ្ញា និងហៅឈ្មោះដៃគូក៏បាន។ បើទាំងសងខាង ចាប់ផ្ដើមទទួលយក វិធីនិយាយគ្នាបែបនេះបានហើយ យើងក៏អាចចាប់ផ្ដើមនិយាយឲ្យចំចំណុចតែម្តងទៅ។ ពេលខ្លះ មិនចាំបាច់ត្រូវនិយាយគ្នាអំពីរឿងលើគ្រែរាល់យប់ ត្រូវចាប់ផ្ដើមបន្តិចម្ដងៗ។
២- ចេះប្រើពាក្យពេចន៍ត្រឹមត្រូវ
បើចង់និយាយពីកន្លែងសម្ងាត់ដៃគូ មិនត្រូវប្រើពាក្យណាកំប្លែងពេកទេ ព្រោះធ្វើឲ្យដៃគូយើងគិតថា ជារឿងកំប្លែង អាចនឹងសើចដោយសារពាក្យសម្ដី។ ពេលនេះ ក៏មិនចាំបាច់និយាយបែបត្រឹមត្រូវពេកដែរ ពាក្យគ្រូពេទ្យប្រើហៅចំៗ ដូចជា លិង្គ ទ្វារមាស ឬមាត់ទ្វារមាស សុទ្ធតែជាពាក្យ បង្កឲ្យបរិយាកាសលើគ្រែអាប់អួរបាន។ បើមិនដឹងថាត្រូវប្រើពាក្យបែបណានោះ អាចប្រើពាក្យសាមញ្ញ ដូចជា “របស់បង’ ឬ “របស់អូន’ ក៏បាន ហើយកុំបង្ខំខ្លួនឯងដើម្បីនិយាយចេញមកឲ្យចំៗត្រូវចំណុចពេកអី។
៣- ប្រើសំឡេងថ្នមៗ
អាចនិយាយអ្វីយើងចង់និយាយបានទាំងអស់ ប៉ុន្តែត្រូវនិយាយដោយប្រើសំឡេងបែបស្រទន់ និងបែបស្រាល។ ពេលខ្លះ យើងអាចមិនចាប់អារម្មណ៍ថាមានភាពខុសគ្នាក្ដី ប៉ុន្តែបើនិយាយប្រើសំឡេងបែបនេះ ធ្វើឲ្យកាន់តែសិចស៊ី ព្រោះការស្រាវជ្រាវរកឃើញថា ប្រុសៗចេះប្រើសំឡេងបែបស្រទន់ គឺគួរឲ្យទាក់ទាញបំផុតសម្រាប់ស្រីៗ។
៤- សរសើរដៃគូឲ្យច្រើន
ស្រីៗចូលចិត្ដប្រុសៗសរសើរថា ជើងនាងស្រឡូន វែង ស្អាត ខណៈប្រុសៗ ក៏ចង់បានពាក្យសរសើរដូចមនុស្សស្រីដែរ។ ត្រូវចេះប្រាប់ចំណុចយើងចូលចិត្ដឲ្យដៃគូដឹង ដូចជា សំឡេងពិរោះ រូបរាងស្រស់ស្អាត និងក្លិនខ្លួនក៏ក្រអូបជាដើម។ អ្វីកំពុងតែអាននេះ ស្ដាប់ទៅដូចជាសាមញ្ញ ប៉ុន្តែបើយើងយកវាទៅប្រើអំឡុងពេលនៅលើគ្រែ អាចបង្កើតបរិយាកាសឲ្យកាន់តែស្រើបស្រាល។
អត្ថបទពាក់ព័ន្ធ៖
- ៦ ចំណុច បញ្ជាក់ថាសមត្ថភាពរឿងលើគ្រែយើងអន់បំផុត
- ប្រើឧបករណ៍សិចសម្រេចកាម ត្រូវចេះតិចនិកទាំងនេះ អាចការពារឆ្លងកាមរោគ!
៥- ត្រូវមានភាពស្មោះត្រង់ជាមួយដៃគូ
ការសរសើរគ្នាទៅវិញទៅមក ជារឿងល្អមួយហើយ ប៉ុន្តែមិនគួរប្រឌិតរឿងលើសពីការពិតនោះទេ។ ព្រោះកាយវិការយើង នឹងប្រាប់ការពិតទាំងអស់ទៅកាន់ដៃគូ។ បើនិយាយកុហក ហើយកាយវិការចេញមកមិនដូចគ្នា យើងអាចនឹងស្ដាយក្រោយជាមិនខាន។ ត្រូវចាំថា រាល់រឿងទាក់ទងផ្លូវភេទ ត្រូវតែនិយាយដោយស្មោះត្រង់។
៦- ត្រូវនិយាយឲ្យចំៗ
ត្រូវប្រាប់ដៃគូឲ្យចំៗ ថាយើងចូលចិត្ដគាត់ត្រង់កន្លែងណាខ្លះ។ ពាក្យថា “អូនស្អាតណាស់ថ្ងៃនេះ’ គឺមិនទាន់គ្រប់គ្រាន់នៅឡើយ យើងត្រូវគិតបន្ថែមទៀត គួរនិយាយអ្វីខ្លះ។ ដោយសារទាំងសងខានកំពុងគេងលើគ្រែជាមួយគ្នា ដូចនេះ មិនពិបាកការរកពាក្យល្អៗនិយាយពីដៃគូនោះទេ និងត្រូវនិយាយឲ្យបានក្បោះក្បាយតាមដែលអាចធ្វើបាន។
៧- មិនត្រូវនៅស្ងៀមបន្ទាប់ពីរួមភេទ
និយាយពីរឿងលើគ្រែ នៅតែសំខាន់ ទោះបីជាយើងទើបរួមភេទរួចហើយក្ដី។ អាចនិយាយដោយប្រើពាក្យរំភើប ដូចជា “WOW’ នៅពេលយើងទ្រោបខ្លួនទៅលើដៃគូ ក្រោយដល់ចំណុចកំពូលរួច។ កុំភ្លេចនិយាយពាក្យ “Thank You’ ទៅកាន់ដៃគូយើងផង។ រួមភេទ ដូចជាកាដូមួយអញ្ចឹង ដូចនេះពាក្យ Thank You សម្រាប់ដៃគូយើង ដូចគ្នា ពេលនិយាយទៅកាន់នរណាម្នាក់ ដែលជូនអំណោយមកឲ្យយើងដូចគ្នា។
[embed-health-tool-ovulation]
