កង្វះខាតវីតាមីន D ក្នុងរាងកាយ អាចបង្កឱ្យសាច់ដុំចុះខ្សោយបាន ពិសេសសម្រាប់អ្នកវ័យជ្រេ ខ្ទង់វ័យ៦០ឆ្នាំ។
ត្រួតពិនិត្យដោយ ជីព ចិត្ត
កង្វះខាតវីតាមីន D ក្នុងរាងកាយ អាចបង្កឱ្យសាច់ដុំចុះខ្សោយបាន ពិសេសសម្រាប់អ្នកវ័យជ្រេ ខ្ទង់វ័យ៦០ឆ្នាំ។
តាមការសិក្សាថ្មីមួយ ដែលបានពិនិត្យមើលលើ មនុស្សចាស់វ័យ៦០ប្លាយប្រមាណ ៤១០០នាក់នៅប្រទេសអង់គ្លេស រកឃើញគិតជាមធ្យមឃើញថា ៤នាក់ក្នុងចំណោម១០នាក់ មានវីតាមីន D មិនគ្រប់គ្រាន់ក្នុងរាងកាយ ជាហេតុធ្វើឱ្យសាច់ដុំពួកគាត់ចុះខ្សោយប្រមាណ ៣ដង បើគិតជាភាគរយ គឺ២៥.២% បើធៀបនឹងមនុស្សចាស់ដែលទទួលបាន វីតាមីន D គ្រប់គ្រាន់ ។
កត្តាសំខាន់ធំៗ ដែលធ្វើឱ្យរាងកាយពួកគេ ខ្វះខាតវីតាមីនD នោះគឺ ពុំសូវមានពេលលំហែគ្រប់គ្រាន់ មិនសូវត្រូវនឹងពន្លឺធម្មជាតិ (ពន្លឺព្រះអាទិត្យ) ហើយគួរផ្សំនឹង ការពុំសូវធ្វើលំហាត់ប្រាណផង ជាហេតុធ្វើឱ្យកម្រិតវីតាមីនក្នុងខ្លួនធ្លាក់ចុះ។
ដោយសារបញ្ហានេះ វេជ្ជបណ្ឌិតជំនាញបានណែនាំឱ្យ ទទួលវីតាមីនសម្រាប់រាងកាយ តាមរយៈប្រភពដូចជា ការត្រូវពន្លឺថ្ងៃនៅពេលព្រឹកព្រលឹម ធ្វើឱ្យរាងកាយស្រូបយកវីតាមីន D បានមួយចំនួន។ ញ៉ាំអាហារសម្បូរវីតាមីន D មាន ដូចជា ស៊ុតលឿង ថ្លើមគោ ផ្លែក្រូច គ្រាប់ធញ្ញជាតិ ហ្រ្វូម៉ា ខ្លាញ់ត្រី-ល- ឬអាចទទួលទាន នូវថ្នាំបំប៉នវីតាមីនD និងខ្លាញ់ត្រី ក៏អាចផ្តល់នូវជាតិវីតាមីន D បានដូចគ្នា។
អត្ថបទពាក់ព័ន្ធ៖
តាមរយៈការទទួលបានវីតាមីននេះ គ្រប់គ្រាន់ មនុស្សវ័យចំណាស់អាចចៀសផុតពី ភាពខ្សោយសាច់ដុំ អាចចល័តដើរដោយខ្លួនឯង និងពុំសូវមានហានិភ័យដួល (រអិលដួល ដោយសាច់ដុំមានភាពខ្សោយ) បាន នេះបើតាមការឱ្យដឹងពីក្រុមអ្នកជំនាញ នៃមហាវិទ្យាល័យ Trinity College Dublin ប្រទេសអៀរឡង់ ដែលបានធ្វើការស្រាវជ្រាវខាងលើ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត