មាតិកា
ក្រោយសម្រាលកូនដោយធម្មជាតិ ទ្វារមាសស្រ្តីអាចវិលមករកសភាពដើមវិញអត់?
គ្រូពេទ្យផ្នែករោគស្រ្តី ភាគច្រើនតែងប្រាប់ស្រីៗទើបផ្តល់កំណើតកូនរួចថា ទ្វារមាសយើងនឹងត្រឡប់ទៅដូចដើមវិញក្រោយសម្រាល ប៉ុន្តែគ្រប់យ៉ាងហាក់មិនដូចពេទ្យនិយាយនោះទេ។ ជាទូទៅ ទំហំទ្វារមាសធម្មតារបស់មនុស្សស្រី គឺស្មើគ្នាជាមួយទំហំលិង្គមនុស្សប្រុស។ យ៉ាងណា ទ្វារមាសស្រីៗនឹងប្រែប្រួល ពិសេសក្រោយពីយើងធ្លាប់សម្រាលកូនបានម្តង។
ពេលសម្រាលកូន ទ្វារមាសយើងយឺតធំខ្លាំងលើសពីធម្មតា។ បន្ទាប់ពីជាសះស្បើយពីមុខរបួស សាច់ដុំទ្វារមាសនឹងរឹងជាងមុន ទំហំក៏ធំជាងមុនដែរ ពោលធំជាងទំហំលិង្គប្រុសៗតែម្តង។ សម្រាប់ស្រីៗមួយចំនួន ហៅបញ្ហាមួយនេះថា រោគសញ្ញារលុងទ្វារមាស (VRS)។
២-ធ្វើម៉េចដឹងថាមានបញ្ហារលុងទ្វារមាស?
សញ្ញាទាំងអស់ខាងក្រោម នឹងប្រាប់ថាទ្វារមាសរបស់យើងរលុង ឬយ៉ាងណា៖
– ពេលរួមភេទ មានអារម្មណ៍ថាទ្វារមាសរលុង និងធំជាងមុន
– មិនមានអារម្មណ៍កកិត អំឡុងពេលរួមភេទ
– អារម្មណ៍ពេលរួមភេទខុសប្លែក ពីមុនពេលសម្រាលកូនរួច។
បើយើងមានសញ្ញាទាំងអស់នេះ មានន័យថា យើងមានបញ្ហារលុងទ្វារមាសហើយ។ បញ្ហាទាំងអស់នេះ អាចធ្វើឲ្យប៉ះពាល់ដល់ជីវិតផ្លូវភេទយើងទៀតផង។
អត្ថបទពាក់ព័ន្ធ៖
៣-ហេតុអ្វីបានជាស្រីៗជួបបញ្ហារលុងទ្វារមាស?
ស្រីៗគ្រប់រូប មិនមែនកើតមកមានបញ្ហារលុងទ្វារមាសទាំងអស់នោះទេ ហើយបញ្ហាក៏មិនមែនបណ្ដាលមកពីការរួមភេទនោះដែរ។ ករណីប៉ះទង្គិចទ្វារមាស គឺជាបញ្ហាចម្បង ហើយមូលហេតុការទង្គិចទាំងនោះ គឺសម្រាលកូននេះឯង។ បើយើងធ្លាប់សម្រាលកូនច្រើនលើក ច្បាស់ជាប្រឈមខ្ពស់ជាមួយការប៉ះទង្គិចទ្វារមាស និងបញ្ហារលុងទ្វារមាស។
ករណីវះកាត់ស្បូនចេញ វះកាត់នៅក្នុងអាងត្រគាក ក៏ជាដើមហេតុធ្វើឲ្យមានរបួសនៅទ្វារមាសដូចគ្នា។ ប៉ុន្តែ មូលហេតុទាំងអស់នោះ កម្រកើតឡើងណាស់ បើធៀបជាមួយស្រីៗធ្លាប់សម្រាលកូនតាមធម្មជាតិ។
៤- កង្វល់មនុស្សស្រីពេលមានបញ្ហារលុងទ្វារមាស
ពេលទ្វារមាសរីកធំជាងមុន មិនមានន័យថា ទ្វារមាសយើងមានបញ្ហាទាំងអស់នោះដែរ ព្រោះមានស្រីៗជាច្រើន នៅអាចតែបន្តរីករាយជាមួយជីវិតផ្លូវភេទ ទោះធ្លាប់សម្រាលកូនដោយធម្មជាតិក្តី។ យ៉ាងណា បញ្ហាមួយនេះនៅតែមាន ហើយអាចនឹងក្លាយជាក្តីបារម្ភធំមួយរបស់ស្រីៗយើងមិនខាន។
យើងប្រហែលជាគិតច្រើន និងបារម្ភខ្លាចប្តីមិនចាប់អារម្មណ៍។ ការពេលគិតបែបនេះ ធ្វើឲ្យយើងប្រហែលប្រឹងខ្ជឹបទ្វារមាសឲ្យតឹងណែនអំឡុងពេលរួមភេទម្តងៗ ដើម្បីធ្វើឲ្យប្តីមានអារម្មណ៍ថា ទ្វារមាសយើងនៅតែតឹងដដែល។ ប៉ុន្តែធ្វើបែបនេះ នឹងធ្វើឲ្យស្រីៗបាត់បង់អារម្មណ៍ស្រើបស្រាលនៅពេលរួមភេទទៅវិញ។
៥- វិធីព្យាបាលបញ្ហារលុងទ្វារមាស
រហូតមកដល់ពេលនេះ វិធីព្យាបាលបញ្ហារលុងទ្វារមាស មានប្រសិទ្ធភាពបំផុតនៅតែជាការវះកាត់កែលម្អ ដោយគ្រូពេទ្យជំនាញនឹងវះកាត់ផ្នែកខាងមុខ និងខាងក្រោយរបស់ទ្វារមាស។ ផលវិបាកអាចកើតឡើង បន្ទាប់ពីការវះកាត់រួច ដោយយើងអាចមានអារម្មណ៍មិនពេញចិត្តជាមួយលទ្ធផលវះកាត់ក៏មាន។
មធ្យោបាយព្យាបាលបញ្ហាស្វិតកោសិកាប្រដាប់ភេទ ដោយសារអស់រដូវ តាមរយៈព្យាបាលដោយអ័រម៉ូន ក៏អាចយកមកព្យាបាលកែខៃបញ្ហារលុងទ្វារមាសដូចគ្នា។
ក្នុងចំណោមវិធីព្យាបាលនានា វិធីព្យាបាលដោយប្រើ IntimaLase គឺមានប្រសិទ្ធភាពជាងគេ គេប្រើឡាសែរបាញ់កម្តៅទៅកាន់កូឡាជែន នៅតាមជញ្ជាំងទ្វារមាស ដើម្បីធ្វើឲ្យកូឡាជែនទាំងនោះរីកលូតលាស់សាជាថ្មី។ លទ្ធផលព្យាបាលដោយវិធីមួយនេះ គឺធ្វើឲ្យជញ្ជាំងទ្វារមាសឡើងក្រាស់ និងតឹងជាងមុន។ វិធីនេះត្រូវចាត់ទុកជាវិធីមានប្រសិទ្ធភាពជាងគេ ដោយវាមានភាពងាយស្រួល មិនតម្រូវឲ្យវះកាត់ និងមិនឈឺចាប់ ពិសេសជាវិធីមានសុវត្ថិភាពជាងគេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Vaginal relaxation syndrome (VRS). http://www.canmoremedispa.com/index.php/services/intimilase-vaginal-relaxation-syndrome-vrs/. Accessed July 3, 2017
Vaginal Relaxation & Vaginal Rejuvenation. http://www.zipperurogyn.com/disorders/vaginal-relaxation-vaginal-rejuvenation/. Accessed July 3, 2017
កំណែប្រែបច្ចុប្បន្ន
07/09/2020
អត្ថបទដោយ ណៃ ទូច
ត្រួតពិនិត្យដោយ គឹម កាណែល
បច្ចុប្បន្នភាពដោយ៖ Solika
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម