ពិតណាស់ ការនោមក្រោយរួមភេទរួច អាចជួយកម្ចាត់ចោលពពួកបាក់តេរីគ្រោះថ្នាក់ដែលតោងជាប់នៅក្នុងបង្ហួរនោម។ យ៉ាងណាមិញ ការនោមក្រោយរួមភេទរួច មិនអាចបង្ការការមានផ្ទៃពោះបានឡើយ។
មាតិកា
នោមក្រោយរួមភេទរួច ពិតជាអាចបញ្ចៀសការមានផ្ទៃពោះបានអត់?
នោមក្រោយរួមភេទ អាចបង្ការការបង្ករោគលើផ្លូវទឹកនោមបានអត់?
មិនមានភស្តុតាងណាមួយបញ្ជាក់ថាការនោមក្រោយរួមភេទរួច អាចការពារការបង្ករោគលើផ្លូវទឹកនោមបានទេ ប៉ុន្តែវាអាចកាត់បន្ថយហានិភ័យនៃការបង្ករោគនេះ តាមរយៈការអនុវត្តតាមជំហានដូចខាងក្រោម៖
- នោមមុន និងក្រោយពេលរួមភេទ
- រក្សាជាតិទឹក ដោយញ៉ាំទឹកមួយកែវក្រោយរួមភេទ
- ជូតសម្អាតពីផ្នែកខាងមុខទៅខាងក្រោយ បន្ទាប់ពីនោម និងរួមភេទរួច
- ប្រើទឹករម្អិលទ្វារមាស ដើម្បីបញ្ចៀសការកកិត ដែលអាចធ្វើឲ្យរលាកបង្ហួរនោម ក៏ដូចជាបង្កើនហានិភ័យនៃការឆ្លងមេរោគ។
ស្រីៗយើងគួរនោមក្រោយរួមភេទរួចប៉ុន្មាននាទី?
យើងគប្បីនោមក្នុងចន្លោះរយៈពេល៣០នាទីក្រោយរួមភេទ ដើម្បីបញ្ចៀសការបង្ករោគលើផ្លូវទឹកនោម។
ការនោមក្រោយរួមភេទរួច អាចបង្ការជំងឺកាមរោគបានអត់?
បាក់តេរីដែលបង្កជំងឺកាមរោគ ខុសគ្នាពីបាក់តេរីដែលបង្ករោគលើផ្លូវទឹកនោម។ ដោយឡែក បាក់តេរីដែលបង្កជំងឺកាមរោគស្រូបចូលទៅក្នុងរាងកាយរបស់យើងតាមរយៈការដាច់រលាត់តូចៗនៅក្នុងភ្នាសរម្អិលនៃទ្វារមាស ហើយការនោមក្រោយរួមភេទមិនអាចបង្ការជំងឺកាមរោគបានឡើយ។ វិធីសាស្ត្រដ៏ល្អបំផុតក្នុងការការពារខ្លួនពីជំងឺមួយនេះ គឺការប្រើប្រាស់ស្រោមអនាម័យ។
អត្ថបទគួរអាន៖
បើស្រីៗយើងចង់មានផ្ទៃពោះ តើយើងអាចនោមក្រោយរួមភេទបានទេ?
ទោះបីជាយើងព្យាយាមយកកូន យើងនៅតែអាចនោមក្រោយរួមភេទបាន។ ជាក់ស្ដែង មេជីវិតឈ្មោលផ្លាស់ទីតាមរន្ធមាត់ស្បូន ទៅក្នុងស្បូន និងទៅដល់ដៃស្បូន ដែលជាកន្លែងដែលស៊ុតញីរង់ចាំបង្កកំណើត។ បន្ទាប់ពីបញ្ចេញទឹកកាម មេជីវិតឈ្មោលនឹងចំណាយពេលពី២ ទៅ១០នាទី ដើម្បីទៅដល់ដៃស្បូន ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Does Peeing After Sex Prevent Pregnancy?
https://www.bellybelly.com.au/pregnancy/does-peeing-after-sex-prevent-pregnancy/
Fertility and conception tips: What to do before getting pregnant
https://www.todaysparent.com/getting-pregnant/fertility-and-conception-tips/
Does Peeing After Sex Keep You From Getting Pregnant?
https://www.romper.com/pregnancy/should-you-pee-after-sex-if-youre-trying-to-get-pregnant-heres-the-deal-58758
កំណែប្រែបច្ចុប្បន្ន
12/09/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Editor HK
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម