ស្បែកខ្មៅ គ្រើម ស្រីៗណាក៏មិនប្រាថ្នាដែរ ហើយបើទោះជាមានស្បែកខ្មៅពីកំណើតក៏ពិតមែន យើងនៅតែអាចកែកុន តាមវិធីសាស្ត្រជាច្រើន ដើម្បីឲ្យកាន់តែមានទំនុកចិត្តលើខ្លួនឯង។ “Hello គ្រូពេទ្យ’ មានវិធីសាស្ត្រសាមញ្ញៗតាមបែបធម្មតាជាតិ សម្រាប់គ្នាយើងចង់បានស្បែកស្អាត អាចសាកល្បងបាន។
១- ចៀសវាងប៉ះពន្លឺព្រះអាទិត្យ
ដឹងហើយថា ពន្លឺព្រះអាទិត្យមានកាំរស្មី UVA និង UVB ដែលសុទ្ធសឹងបណ្ដាលឲ្យស្បែកផលិតជាតិពុលមេឡានីន ធ្វើឲ្យស្បែកប្រែពណ៌ទៅជាខ្មៅស្រអាប់ និងអាចបង្កទៅជាជំងឺមហារីកស្បែកបានទៀតផង។ ហេតុនេះ គួរតែរកវិធីការពារស្បែក តាមវិធីណាមួយជួយយើងមិនប៉ះពន្លឺថ្ងៃខ្លាំងពេក។
២- ប្រើឱសថធម្មជាតិ
ទឹកក្រូចឆ្មារ គឺជាឱសថធម្មជាតិមួយប្រភេទ ជួយឲ្យស្បែកភ្លឺថ្លា។ យើងអាចប្រើទឹកក្រូចឆ្មារតែមួយមុខ ឬលាយជាមួយយ៉ាអួរ លាបលើផ្ទៃមុខ ទុកប្រហែល ២០ នាទី។ ក្រៅពីនេះ ក៏អាចប្រើទឹកដោះគោ ម្សៅអង្ករ ទឹកឃ្មុំ ឬប្រទាលកន្ទុយក្រពើ ធ្វើតាមវិធីខាងលើដើម្បីរក្សាស្បែកស្អាតដូចគ្នា។
អត្ថបទពាក់ព័ន្ធ៖
- ចេះទម្លាប់ថែស្បែកទាំងនេះ ជួយឲ្យកាន់តែស្អាតមួយកម្រិតទៀត
- ឧស្សាហ៍លាបសក់ តិចនិកទាំងនេះអាចជួយកុំឲ្យសក់ខូច និងបែកចុង
៣- ផឹកទឹកច្រើន និងញ៉ាំអាហារមានសុខភាព
ផឹកទឹកឲ្យបានច្រើន ញ៉ាំអាហារមានសុខភាព អាចជួយឲ្យស្បែកភ្លឺថ្លាក្មេងជាងវ័យ ធ្វើឲ្យស្រទាប់កោសិកាថ្មី លូតលាស់ជំនួសកោសិកាចាស់។ ហេតុនេះ យើងគួរផឹកទឹកពី ៦-៨ កែវ/ថ្ងៃ និងញ៉ាំបន្លែ ផ្លែឈើឲ្យបានច្រើន ដើម្បីរាងកាយស្រូបយកវីតាមីនA CនិងE ព្រមទាំងសារធាតុចិញ្ចឹមផ្សេងៗទៀត។
៤- ផ្អាកជក់បារី
គួរផ្អាកជក់បារី បើយើងជាអ្នកញៀនបារី ព្រោះជក់បារីធ្វើឲ្យស្បែកជ្រីវជ្រួញ បាត់បង់សំណើមហើយជំរុញមានភាពជរាមុនអាយុ។
ជាតិពុលរបស់ផ្សែងបារី រារាំងលំហូរឈាមទៅកាន់ផ្ទៃមុខ បណ្ដាលឲ្យមុខប្រែជាពណ៌ប្រផេះ។ ក្រៅពីនេះ យើងអាចជ្រើសរើសផលិតផលថែរក្សាស្បែកណាមួយ សមស្របនិងស្បែករបស់យើង ចៀសវាងខាតទាំងលុយ ហើយប៉ះពាល់ដល់សុខភាពទៀត។
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Groupមិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-due-date]
