ម៉ាក់ប៉ាខ្មែរយើងនិយមប្រើរទេះក្មេងរៀនដើរ ពេលអាអូនលូតលាស់បានអាយុ ៧-៨ខែ ឬពេលកូនចាប់ផ្ដើមចេះតោងឈរ ព្រោះគិតថា អាចជួយឲ្យកូនឆាប់ចេះដើរ ណាមួយម៉ាក់ប៉ាអាចទំនេរដៃបានមួយកម្រិត។ ផ្ទុយទៅវិញ រទេះក្មេងរៀនដើរ មិនជួយកូនអភិវឌ្ឍន៍អ្វីច្រើននោះទេ តែបែរជាអាចបង្កគ្រោះថ្នាក់ដល់កូនបានទៀត បើម៉ាក់ប៉ាភ្លេចខ្លួន ទុកកូនចោល។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
រទេះក្មេងរៀនដើរ មានប្រយោជន៍ចំពោះកូនឬអត់?
ចំនួនរបួសលើទារកបង្កឡើងដោយរទេះក្មេងរៀនដើរបាននាំឲ្យរាជរដ្ឋាភិបាលប្រទេសកាណាដា ហាមឃាត់លក់ ផ្សាយពាណិជ្ជកម្ម និងនាំចូលឧបករណ៍សម្រាប់ក្មេងមួយនេះតាំងពីឆ្នាំ ២០០៤ មកម្ល៉េះ។
ត្បិតតែរទេះក្មេងរៀនដើរ ផ្ដល់ភាពងាយស្រួលដល់ម៉ាក់ប៉ា និងអាអូនបានសប្បាយ ដើរចុះឡើងដោយខ្លួនឯងក៏ពិតមែន ប៉ុន្តែវាអាចបង្កគ្រោះថ្នាក់ធ្ងន់ច្រើនដល់កូន ដោយសារតែវាមានកង់រទេះជួយឲ្យកូនដើរបានលឿន ហើយកូនក្មេងនៅមិនទាន់អាចទប់លំនឹងខ្លួនបានល្អដូចមនុស្សធំទេ ពោលគឺ តែលឿនគឺលឿនហើយ ចាប់មិនទាន់ទេ។
ពេលដែលអាអូនប្រើរទេះក្មេងរៀនដើរនេះ កូនអាចដើរទៅចាប់កាន់ ឬប៉ះរបស់របរគ្រោះថ្នាក់ដូចជា ចង្ក្រានក្ដៅ ខ្សែភ្លើង និងកាំបិតជាដើម។ បន្ថែមពីនេះ អាអូនអាចធ្លាក់ពីលើកាំជណ្ដើរ បណ្ដាលឲ្យបាក់ឆ្អឹង ឬប៉ះពាល់ក្បាលធ្ងន់ធ្ងរក៏ថាបាន។ ម្យ៉ាងវិញទៀត រទេះក្មេងរៀនដើរ មិនផ្ដល់ប្រយោជន៍ដល់ការអភិវឌ្ឍ ឬជួយឲ្យកូនឆាប់ចេះដើរបានលឿន ដូចអ្វីដែលម៉ាក់ប៉ាមួយចំនួនធំគិតនោះទេ។ ក្នុងការលូតលាស់ កូនក្មេងទាមទារឲ្យមានឱកាសក្នុងការវារ តោងឈរ ដែលអាអូនមិនអាចធ្វើបាន បើម៉ាកប៉ាដាក់កូនក្នុងរទេះក្មេងរៀនដើរញឹកញាប់ និងយូរៗម៉ោងនោះ។
ទោះជាម៉ាក់ប៉ាគិតថា ឲ្យកូនប្រើរទេះក្មេងរៀនដើរមិនមានបញ្ហាយ៉ាងណាក៏ដោយ ក៏គួរអនុវត្តតាមការណែនាំរបស់ American Academy of Pediatrics(AAP) ដើម្បីសុវត្ថិភាពកូនដូចជា៖
- បិតទ្វារ ឬរបងនៅមាត់កាំជណ្ដើរ
- ដាក់កូនកន្លែងណាយើងអាចមើលឃើញ
- ដាក់កូនឲ្យឆ្ងាយពីខ្សែភ្លើង ឬមាត់អាងទឹក (បើមានអាងទឹក)។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Baby Walkers Are Not Safe and Should Be Bannedhttps://www.verywellfamily.com/baby-walkers-are-not-safe-and-should-be-banned-2633143
Are Infant Walkers Safe? https://kidshealth.org/en/parents/products-walkers.html